The One From Heaven

పరిచయం

యోహాను గ్రంధము కొరకు మన వాక్యము దేవుని కుమారుడు. యోహాను సువార్తలో, యేసు తాను ఎవరో చూపించడం కొనసాగించాడు.

పాఠము

యోహాను 3:1: యూదుల అధికారి మరియు ప్రధాన యాజకుడైన నీకొదేమను ఒక వ్యక్తి ఉన్నాడు. సాధారణంగా, ఈ స్థానం కుటుంబ వంశం లేదా రాజకీయ అనుబంధం కారణంగా నియమించబడింది ఎందుకంటే పరిసయ్యులు యూదుల ప్రధాన పాలక సంస్థగా పరిగణించబడ్డారు. “పరిసయ్యుడు” అనే పేరుకు “ప్రత్యేకించబడినవాడు” అని అర్థం. ఇక్కడ మనకున్నది పునాదిగల కథ! మనుష్యలు అనేకమంది క్రీస్తు యొద్దకు వచ్చుచుండిరి యోహాను 1:24–27: “అప్పుడు పరిసయ్యులు అని పిలువబడే మతాదిపతులలోని కొందరు వ్యక్తులు యోహానును, నీవు క్రీస్తువైనను ఏలీయావైనను ఆ ప్రవక్తవైనను కానియెడల ఎందుకు బాప్తిస్మమిచ్చుచున్నావని అతనిని అడుగగా? అందుకు యోహాను బదులుగా “నేను నీళ్లలో బాప్తిస్మమిచ్చుచున్నాను గాని నా వెనుక వచ్చుచున్నవాడు మీ మధ్య ఉన్నాడు; మీరాయన నెరుగరు, ఆయన చెప్పుల వారును విప్పుటకైనను నేను యోగ్యుడను కానని వారితో చెప్పెను.’’

పరిసయ్యులు యోహాను కంటే గొప్పవాడు వస్తున్నాడని చెప్పడం విన్నారు. బ్లాక్‌బీ ఇలా వ్రాశాడు, "అతను ఎక్కడ పనిచేస్తున్నాడో మీకు తెలిస్తే, అతని దైవిక ఉద్దేశాలలో అతనితో చేరడానికి మీరు మీ జీవితాన్ని సర్దుబాటు చేసుకోవచ్చు."¹ నీకొదేము చేస్తున్నది అదే.

యోహాను 3:2: రాత్రివేళ నికోదేము యేసు దగ్గరకు వచ్చాడు. ఎందుకు? అతను ఉన్నత స్థాయి అధికారి అయి ఉండుట వలన భయపడ్డాడు. యోహాను 12:42 వివరిస్తుంది, అయినను అధికారులలో కూడ అనేకులు ఆయనయందు విశ్వాసముంచిరిగాని, సమాజములో నుండి వెలివేయబడుదుమేమో యని పరిసయ్యులకు భయపడి వారు ఒప్పుకొనలేదు." నికోదేము యేసుని కలిశాడని ఇతరులు తెలుసుకుంటే, అతను ఒక అధికారిగా తన పదవిని పోగొట్టుకొనే అవకాశము ఉంది.

నికోదేము యొక్క జీవిత ముగింపును చూద్దాం. యోహాను 7:50లో, నికోదేము తన తోటివారితో కలిసి క్రీస్తు కొరకు నిలబడ్డాడు. భయం చివరికి మనల్ని విశ్వాసానికి దారితీస్తుందని నేను భావిస్తున్నాను. మీరు చేసే పనిని నిర్దేశించడానికి భయాన్ని అనుమతించవద్దు! మీ పొరుగువారితో మాట్లాడడానికి దైర్యాన్ని కలిగి ఉండండి! యోహాను 19:35లో, యేసు దేహమునకు సిద్ధముచేయడానికి నికోదేము బోళముతో కలిపిన అగరు తెచ్చాడు. అతను మత స్ఫూర్తి నుండి విముక్తి పొందాడు! నికోదేముకు ఇది ఎలాంటి ముగింపునిచ్చిందో మనకు తెలుసు. ఎలా అతను అక్కడికి రాగాలిగాడు?

సాయంత్రం సమయంలో ప్రజలు మిద్దెపై ఉండటం సాధారణం. యేసు మరియు నికోదేము మాట్లాడటానికి కూర్చున్నారు. మొదట, నికోదేము యేసును మెచ్చుకున్నాడు, ఆపై అతను ఆయనను ప్రశ్నించాడు.

యోహాను 3:3-5: యేసు నికోదేముతో ఒకడు క్రొత్తగా జన్మించితేనే కాని అతడు దేవుని రాజ్యమును చూడలేడని నీతో నిశ్చయముగా చెప్పుచున్నాననెను. నికోదేము "ఏమిటీ?" అన్నాడు, యేసు ఇట్లనెను “ఒకడు నీటిమూలముగాను ఆత్మమూలము గాను ఉంటేనేగాని దేవుని రాజ్యములో ప్రవేశింపలేదని నీతో నిశ్చయముగా చెప్పుచున్నాను” (వ. 5). ఈ వాక్యము సవాలుగా ఉంది ఎందుకంటే ఇది చాలా విషయాలను సూచిస్తుంది. దీని అర్థం: శరీర మూలముగా జన్మించినది మరియు ఆత్మమూలముగా జన్మించినది, లేదా నీటి నుండి జన్మించడం పశ్చాత్తాపం మరియు పునరుత్థానమునకు ప్రతీకగా ఉంటుంది, అయితే పుట్టుక ఆత్మమూలముగా అని సూచిస్తుంది.

యోహాను 3:6–7: “నేను నీతో చెప్పినందుకు ఆశ్చర్యపడవద్దు”. అని యేసు చెప్పాడు. మళ్ళీ పుట్టడం అంటే "పరలోకం నుండి జన్మించటం" రెండవ కొరింథీయులు 5:17: “కాగా ఎవడైనను క్రీస్తునందున్నయెడల వాడు నూతన సృష్టి; పాతవి గతించెను, ఇదిగో క్రొత్త వాయెను;” మీరు నూతన వ్యక్తిగా మారతారు. తీతుకు 3:5 ఇలా చెబుతోంది, “మనము నీతిని అనుసరించి చేసిన క్రియలమూలముగా కాక, తన కనికరముచొప్పుననే పునర్జన్మసంబంధమైన స్నానము ద్వారా, పరిశుద్ధాత్మ మనకు నూతన స్వభావము కలుగజేయుట ద్వారా మనలను రక్షించెను.” నికోదేము దీనితో ఎందుకు వ్యాకుల పడ్డాడు?

1 కొరింథీయులు 2:10: “మనకైతే దేవుడు వాటిని తన ఆత్మవలన బయలుపరచి యున్నాడు; ఆ ఆత్మ అన్నిటిని, దేవుని మర్మములను కూడ పరిశోధించుచున్నాడు."

1 కొరింథీయులు 2:13-16: “మనుష్యజ్ఞానము నేర్పుమాటలతో గాక ఆత్మ సంబంధమైన సంగతులను ఆత్మ సంబంధమైన సంగతులతో సరిచూచు, ఆత్మ నేర్పు మాటలతో వీటిని గూర్చియే మేము బోధించుచున్నాము. ప్రకృతి సంబంధియైన మనుష్యుడు దేవుని ఆత్మ విషయములను అంగీకరింపడు, అవి అతనికి వెఱ్ఱితనముగా ఉన్నవి, అవి ఆత్మానుభవముచేతనే వివేచింపబడును గనుక అతడు వాటిని గ్రహింపజాలడు. ఆత్మసంబంధియైనవాడు అన్నిటిని వివేచించును గాని అతడెవనిచేతనైనను వివేకింపబడడు. ప్రభువు మనస్సును ఎరిగి ఆయనకు బోధింపగలవాడెవడు? మనమైతే క్రీస్తు మనస్సు కలిగినవారము.”

మీరు పై నుండి మళ్లీ జన్మించినప్పుడు, ఈ విషయాలు అర్ధవంతం అవుతాయి. ఈ క్షణంలో, నికోదేములో మరింత నేర్చుకోవాలనే తపన ఉన్నప్పటికీ, యేసు తనకు ఏమి చెబుతున్నాడో అతనికి అంతగా అర్థం కావడం లేదు.

యెహెజ్కేలు 36:25-26: “మీ అపవిత్రత యావత్తు పోవునట్లు నేను మీ మీద శుద్ధజలము చల్లుదును, మీ విగ్రహములవలన మీకు కలిగిన అపవిత్రత అంతయు తీసివేసెదను. నూతన హృదయము మీకిచ్చెదను, నూతన స్వభావము మీకు కలుగజేసెదను, రాతిగుండె మీలోనుండి తీసివేసి మాంసపు గుండెను మీకిచ్చెదను.”

నికోదేము ప్రవక్తలను జ్ఞాపకము చేసుకొని అర్థం చేసుకోవడం ప్రారంభించేంత భాష ఇక్కడ ఉంది.

యెహెజ్కేలు 37:11-14: “అప్పుడాయన నాతో ఇట్లనెను నరపుత్రుడా, ఈ యెముకలు ఇశ్రాయేలీయులనందరిని సూచించుచున్నవి. వారు మన యెముకలు ఎండిపోయెను, మన ఆశ విఫలమాయెను, మనము నాశనమైపోతివిు అని యనుకొనుచున్నారు కాబట్టి ప్రవచనమెత్తి వారితో ఇట్లనుము ప్రభువగు యెహోవా సెలవిచ్చునదేమనగా నా ప్రజలారా, మీరున్న సమాధులను నేను తెరచెదను, సమాధులలోనుండి మిమ్మును బయటికి రప్పించి ఇశ్రాయేలు దేశములోనికి తోడుకొని వచ్చెదను. నా ప్రజలారా, నేను సమాధులను తెరచి సమాధులలోనున్న మిమ్మును బయటికి రప్పించగా నేను యెహోవానైయున్నానని మీరు తెలిసికొందురు, మీరు బ్రదుకునట్లు నా ఆత్మను మీలో ఉంచి మీ దేశములో మిమ్మును నివసింపజేసెదను, యెహోవానగు నేను మాట ఇచ్చి దానిని నెరవేర్తునని మీరు తెలిసికొందురు; ఇదే యెహోవా వాక్కు.”

ఆత్మకు సంబంధించిన విషయాలు మాత్రమే పరిశుద్ధాత్మ నుండి వస్తాయి.

యోహాను 3:8-11: పరిశుద్ధాత్మ గాలి వలె వచ్చి పోవును. పరిశుద్ధాత్మ నిన్ను ఎప్పటికీ విడిచిపెట్టడు కానీ నీ జీవితంలో వివిధ మార్గాల్లో కదులుతాడు. అందుకు నీకొదేము ఈ సంగతులేలాగు సాధ్యమని ఆయనను మరోసారి, "ఏమిటీ?!" అని అడుగగా యేసు అతనిని మందలించాడు, “నీవు ఇశ్రాయేలుకు బోధకుడవై యుండి వీటిని ఎరుగవా? మేము ఎరిగిన సంగతియే చెప్పుచున్నాము, చూచినదానికే సాక్ష్యమిచ్చుచున్నాము, మా సాక్ష్యము మీరంగీకరింపరని నీతో నిశ్చయముగా చెప్పుచున్నాను. యేసు తండ్రి, కుమార మరియు పరిశుద్ధాత్మగా మాట్లాడుతున్నాడు.

యోహాను 3:12: పరలోక విషయాలను మీరు ఎలా గ్రహించగలరు?

సంఖ్యాకాండము 21:8-9: “మోషే ప్రజలకొరకు ప్రార్థన చేయగా యెహోవా నీవు తాపకరమైన సర్పము వంటి ప్రతిమను చేయించి స్తంభము మీద పెట్టుము; అప్పుడు కరవబడిన ప్రతివాడును దానివైపు చూచి బ్రదుకునని మోషేకు సెలవిచ్చెను. కాబట్టి మోషే ఇత్తడి సర్ప మొకటి చేయించి స్తంభముమీద దానిని పెట్టెను. అప్పుడు సర్పపుకాటు తినిన ప్రతివాడు ఆ యిత్తడి సర్పమును నిదానించి చూచినందున బ్రదికెను.”

యేసు నిత్యజీవం గుర్చి మాట్లాడుటం ఇదే ప్రారంభం.

యోహాను 3:16: “దేవుడు లోకమును ఎంతో ప్రేమించెను. కాగా ఆయన తన అద్వితీయ కుమారునిగా పుట్టిన వానియందు విశ్వాసముంచు ప్రతివాడును నశింపక నిత్యజీవము పొందునట్లు ఆయనను అనుగ్రహించెను.”

యేసు, “నికోదేముతో, నువ్వు నా మాట వింటావని నాకు తెలుసు. మీ హృదయంలో ఒక విషయం ఉంచుకోనుము అని నేను మిమ్మల్ని అడుగుతున్నాను. నాయందు విశ్వాసముంచుము. నేను పైకి ఎత్తబడినప్పుడు నీ కన్నులు నాపై పెట్టుము.”

యోహాను 19:39-40: “నీకొదేము (మొదట రాత్రివేళ ఆయన యొద్దకు వచ్చిన) కూడ బోళముతో కలిపిన అగరు రమారమి నూట ఏబది సేర్ల యెత్తు తెచ్చెను. అంతట వారు యేసు దేహమును ఎత్తికొని వచ్చి, యూదులు పాతి పెట్టు మర్యాద చొప్పున ఆ సుగంధద్రవ్యములు దానికి పూసి నార బట్టలు చుట్టిరి.”

ముగింపు

ఇప్పుడు మీ భయాన్ని అధిగమించే సమయం ఇదే. ఆయన ప్రేమ మీ పాపాలను తుడిచివేస్తుంది. మీరు ఈ బహుమానమును పొందుకున్నప్పుడు, మీకు నిత్య జీవము ఉంటుంది. ప్రోత్సహించబడండి.