Deuteronomy 32-34

పరిచయం

ద్వితీయోపదేశకాండము యొక్క ఈ చివరి పాఠంలో, మనం ఎక్కడికి వెళ్తున్నామో దాని నేపథ్యాన్ని అందించడానికి నేను ద్వితీయోపదేశకాండము 31:30లో ప్రారంభించబోతున్నాను. నేను మొత్తం పాఠము యొక్క పూర్తి సారాంశాన్ని ఇస్తాను, ఆపై ఒక వచనంపై దృష్టి పెడతాను.

పాఠము

ద్వితీయోపదేశకాండము 31:30: 30వ వచనంలో, అప్పుడు మోషే ఇశ్రాయేలీయుల సర్వ సమాజముయొక్క వినికిడిలో ఈ కీర్తన మాటలు పూర్తిగా సమాజమంతటికి చెప్పాడు -దాదాపు 2 మిలియన్ల ప్రజలు ఉన్నారు. మోషే నిర్గమకాండము 15:1-18లో మరొక కీర్తనను వ్రాసాడు, దానిని ఎర్ర సముద్రం వద్ద రక్షించబడినందుకు నివాళిగా వ్రాసాడు మరియు సంఖ్యాకాండము 21లో, ఇశ్రాయేలీయులు తమకు జీవనాధారమైన బావులు కలిగియున్నందున కీర్తనను పాడారు. ఇది మోషే మరణానికి ముందు పాడిన అంత్యక్రియల కీర్తన. ఇశ్రాయేలీయులు కనానీయులను ఓడించిన తర్వాత న్యాయాధిపతులు 5అధ్యాయములో దేబోరా మరియు బారాకు విజయగీతాన్ని పాడారు. ఇశ్రాయేలీయుల స్త్రీలు, 1 సమూయేలు 18:6-7లో, దావీదు గొలియాతును ఓడించినందుకు వేడుకగా కీర్తనను పాడారు. ఈ కీర్తనలలో చాలా వరకు వారు గెలిచిన జీవితాధార విజయాల గురించినవే. 2 దినవృత్తాంతములు 29:30లోని లేవీయులు యేరుషలేము దేవాలయానికి స్తుతి మరియు సమర్పణ కీర్తనను పాడారు. ఈ అధ్యాయంలో మోషే కీర్తన ఇశ్రాయేలును తిరుగుబాటు ప్రజలుగా చూపించింది.

ద్వితీయోపదేశకాండము 32:1-14: దేవుడు మార్పులేనివాడుగా/ స్థిరముగా ఉన్నాడు, కానీ మరెవరూ, ముఖ్యంగా ఇశ్రాయేలీయులు స్థిరంగా లేరు. ఈ ప్రక్రియలో మోషే దేవుని లక్షణాన్ని గుర్తించడం ప్రారంభించాడని వైర్స్‌బే చెప్పాడు.¹ 4 వ వచనం దేవుడిని "దుర్గముగాను ఆయన పని పరిపూర్ణమైనదిగను; ఆయన మార్గాలన్నీ పూర్తిగా న్యాయమైనవి. నమ్మకమైన దేవుడు, ఆయన పక్షపాతం లేనివాడు, ఆయన నీతిమంతుడు మరియు సత్యమైనవాడుగను వివరించింది. అప్పుడు దేవుడు ఇశ్రాయేలును ఎన్నుకోవడం తెలియపరచబడుతుంది దేవుడు ఇశ్రాయేలియుల కోసం ఒక ప్రణాళికను కలిగి ఉన్నాడు (వ. 8-9). అరణ్యంలో దేవుడు వారిపట్ల చూపుతున్న శ్రద్ధను వారికి గుర్తుచేస్తూ మోషే కీర్తన ప్రారంభమైంది. దేవుడు వారిని రక్షించాడు. దేవుడు వారికి వాగ్దానం చేసిన దేశంలో దేవుని ఆశీర్వాదాలు ఉన్నాయని మోషే వారికి గుర్తు చేశాడు (వ. 13-14).

ద్వితీయోపదేశకాండము 32:15-21: కానీ 15వ వచనంలో, మోషే దేవుని మంచితనాన్ని నిర్లక్ష్యానికి గురిచేశాడు: “యెషూరూను క్రొవ్వినవాడై తిరుగుబాటు చేసెను . . . మరియు ఆయన రక్షణ దుర్గమును తృణీకరించెను. " యెషూరూను" అనునది ఇశ్రాయేలు యొక్క మరొక పేరు, మరియు కొత్త నిబంధనలోని మూలరాయిని యూదులు ఎలా తిరస్కరిస్తారో సూచిస్తూ, పద్యం చివరిలో ఉన్న పదాలు భవిష్యవాణి అని నేను నమ్ముతున్నాను. ఇశ్రాయేలీయులు ఈ స్థితిలోనే ఉంటే, దేవుడు తమ ముందుకు తెచ్చిన ప్రతిదాన్ని వారు తిరస్కరిస్తారు. ఇశ్రాయేలీయులు దేవత్వములేని దయ్యములకు తామెరుగని దేవతలకు భయపడని దేవతలకు బలి అర్పించిరి. (వ. 17). వారు దయ్యములకు తామెరుగని దేవతలకు లొంగిపోయారు. విముఖుడనై వారి కడపటిస్థితి యేమగునో చూచెదను. (వ. 20). వారు దైవము కానిదాని వలన రోషము పుట్టించిరి (వ. 21), కాబట్టి ఆయన " కాబట్టి జనముకాని వారివలన వారికి రోషము పుట్టింతును అవివేక జనమువలన వారికి కోపము పుట్టింతును.” సారాంశం తర్వాత మేము విడిది చేసే వచనము ఇది.

ద్వితీయోపదేశకాండము 32:28-52: దేవుడు ఆజ్ఞాపించిన దానికి వ్యతిరేకంగా ఇశ్రాయేలియులు ఆలోచన లేని జనము (వచనములు.28-33), కాబట్టి దేవుడు ఇశ్రాయేలియుల శక్తిని తొలగించాడు (వచనములు. 34-38). దేవుడు తన హస్థమును "ఆకాశముతట్టు ఆయన హస్తమెత్తి ప్రకటిస్తాడు: నేను తళతళలాడు నా ఖడ్గము నూరి నా చేత న్యాయమును పట్టుకొని" (వ. 40-42), మనకు క్రీస్తు యొక్క తళతళలాడు కత్తి యొక్క అందమైన చిత్రం ప్రకటన గ్రంధములో ఇవ్వబడింది. 43వ వచనంలో, జనములారా, ఆయన ప్రజలతోకూడ ఆనందించుడి. హతులైన తన సేవకులనుబట్టి ఆయన ప్రతిదండన చేయును తన విరోధులకు ప్రతీకారము చేయును తన దేశము నిమిత్తమును తన ప్రజలనిమిత్తమును ప్రాయశ్చిత్తము చేయును.” మోషే కీర్తన ఒక హెచ్చరికగా మారింది (వ. 46), కాబట్టి ప్రజలు హెచ్చరికను పాటించాలి. అప్పుడు దేవుడు మోషేను నెబో పర్వతం పైకి వెళ్లమని చెప్పాడు, అక్కడ అతను తన అవిస్వసమువలన చనిపోతాడు. మోషే కనాను దేశాన్ని చూడగలిగాడు, అయినప్పటికీ అతను దానిలోకి ప్రవేశించలేడు (వచనములు.48-52).

ద్వితీయోపదేశకాండము 33: 1-5 వచనాలలో, మోషే ఇశ్రాయేలీయులపై పూర్తి దీవెనలు ఇచ్చాడు, ఆపై 6వ వచనంలో ప్రారంభించి, రూబేను, యూదా, లేవీ, బెన్యామీను, యోసేపు, జెబులోను, గాదు, దాను నఫ్తాలి మరియు ఆషేరు గోత్రములను మోషే దీవించాడు. 26-29 వచనాలలో, వీటన్నింటిలో యెహోవాను పరిగణించమని ఇశ్రాయేలీయులకు సూచించాడు.

ద్వితీయోపదేశకాండము 34: మోషేకు ప్రమాణము చేసిన దేశమును (వ. 1-4) చూపించెను మరియు 5-8 వచనాలలో, మోషే మృతిపొందెను మరియు దేశము మొత్తం సంతాపము సలిపెను. 9-12 వచనాలు యెహోషువ జ్ఞానాత్మపూర్ణుడాయెను, మోషేవంటి మరొక వ్రవక్త ఇశ్రాయేలీయులలో ఇది వరకు పుట్టలేదు. ఇది మోషే శకం ముగింపు మరియు నాయకత్వం యెహోషువాకు బదిలీ చేయబడింది.

ఇప్పుడు, ద్వితీయోపదేశకాండము 32:21కి తిరిగి వెళ్దాము, మోషే ప్రవక్త యేసును సూచించిన ప్రవక్తగా పనిచేశాడు. అది ద్వితీయోపదేశకాండము యొక్క కథ. ఇశ్రాయేలీయులు తమ తిరుగుబాటును కొనసాగించినట్లయితే, ఇశ్రాయేలీయులను (యూదులను) అసూయపడేలా చేయడానికి అతను జనముకాని దేశాన్ని ఉపయోగిస్తాడని దేవుడు వారిని హెచ్చరించాడు. యూదులను అసూయపడేలా చేయడానికి దేవుడు మాట్లాడుతున్న సమూహం మనమే- యూదులు కానివారు, అన్యులు.

పంచ గ్రంథములను అధ్యయనం చేయడం ఎందుకు చాలా ముఖ్యమైనదో ఇక్కడ ఉంది. విశ్వాసులుగా మనం యూదుల కంటే దేవుని వాక్యం గురించి ఎక్కువగా తెలుసుకోవాలి. ఎందుకు? క్రీస్తులో మనకు ఏమి ఉందో దానిని వారు కోరుకోవాలని నేను కోరుకుంటున్నాను. బైబిల్ యొక్క మొట్ట మొదటి ఐదు పుస్తకాలు చివరికి యేసును సూచిస్తాయి. . . సంతానం, విమోచకుడు, ప్రాయశ్చిత్తం, బండ మరియు ప్రవక్త ఈ ఐదు పదాలన్నీ యేసునే సూచిస్తున్నాయి.

యూదులు ఇప్పటికీ దేవుని చేత ఏర్పరచబడిన జనాంగమే “నీవు నీ దేవుడైన యెహోవాకు ప్రతిష్ఠిత జనము, నీ దేవుడైన యెహోవా భూమిమీదనున్న సమస్త జనములకంటె నిన్ను ఎక్కువగా ఎంచి, నిన్ను స్వకీయజనముగా ఏర్పరచుకొనెను. మీరు సర్వజనముల కంటే విస్తారజనమని యెహోవా మిమ్మును ప్రేమించి మిమ్మును ఏర్పరచు కొనలేదు. సమస్త జనములకంటె మీరు లెక్కకు తక్కువ వేగదా. అయితే యెహోవా మిమ్మును ప్రేమించు వాడు గనుకను, తాను మీ తండ్రులకు చేసిన ప్రమాణమును నెరవేర్చువాడు గనుకను, యెహోవా బాహుబలముచేత మిమ్మును రప్పించి దాసుల గృహములో నుండి ఐగుప్తురాజైన ఫరో చేతిలోనుండియు మిమ్మును విడిపించెను.”(ద్వితీయోపదేశకాండము 7: 6-8) . యూదులు దేవుడు ఏర్పరచుకున్న జనాంగము.

రోమన్లు ​​​​1:16: " సువార్తను గూర్చి నేను సిగ్గుపడువాడను కాను. ఏలయనగా నమ్ముప్రతివానికి, మొదట యూదునికి, గ్రీసుదేశస్థునికి కూడ రక్షణ జేయుటకు అది దేవుని శక్తియైయున్నది." "మొదట" అనే పదానికి సువార్త యూదుల కోసం ఉద్దేశించబడింది. కానీ వారు సువార్తను (కొత్త ఒడంబడిక) తిరస్కరించడం ద్వారా రక్షణ అన్యజనులకు వచ్చింది. పంచగ్రంధాలు/ ధర్మశాస్త్రమును అధ్యయనం చేయడం ద్వారా ఇశ్రాయేలీయులు యేసుక్రీస్తును తిరస్కరించారు అని అర్ధమౌతుంది.

రోమీయులు 11:11: “కాబట్టి నేనడుగునది ఏమనగా, వారు పడిపోవునట్లుగా తొట్రిల్లిరా? అట్లనరాదు. వారికి రోషము పుట్టించుటకై వారి తొట్రు పాటు వలన అన్యజనులకు రక్షణకలిగెను”. వారి మొండితనం కారణంగా, వారికి బదులుగా అన్యజనులకు రక్షణ కలిగెను. ద్వితీయోపదేశకాండము 32:21 యూదులకు ఆగ్రహము తెప్పించడానికి అన్యజనులకు సువార్త వచ్చినప్పుడు ఈ ప్రవచనం ప్రవచించబడినది. యేసును తమ క్రీస్తుగా విశ్వసించే యూదుల శేషం ఉంది. ద్వితీయోపదేశకాండములో జరిగినదంతా అన్యజనులకు రక్షణకు దారితీసింది. దేవుడు యూదులను తిరస్కరించలేదు; ఆయన ఎన్నుకున్న ప్రజల కోసం ఇంకా ఒక ప్రణాళికను కలిగి ఉన్నాడు.

రోమా 10:19-20: “మరియు నేను చెప్పునదేమనగా ఇశ్రాయేలునకు తెలియకుందేనా? జనము కానివారివలన మీకు రోషము పుట్టించెదను, అవివేకమైన జనమువలన మీకు ఆగ్రహము కలుగజేతును. అని మొదట మోషే చెప్పుచున్నాడు. మరియు యెషయా తెగించి నన్ను వెదకనివారికి నేను దొరకితిని; నన్ను విచారింపనివారికి ప్రత్యక్షమైతిని అని చెప్పుచున్నాడు. రోమాపత్రిక ​​​​11:12: “ఇప్పుడు వారి తొట్రుపాటు లోకమునకు ఐశ్వర్యమును, వారి క్షీణదశ అన్యజనులకు ఐశ్వర్యమును అయిన యెడల వారి పరిపూర్ణత యెంత యెక్కువగా ఐశ్వర్యకరమగును!”

రోమా ​​​​11:24: "ఎట్లనగా నీవు స్వాభావికమైన అడవి ఒలీవ చెట్టునుండి కోయబడి స్వభావవిరుద్ధముగా మంచి ఒలీవ చెట్టున అంటుకట్టబడిన యెడల స్వాభావికమైన కొమ్మలగు వారు మరి నిశ్చయముగా తమ సొంత ఒలీవ చెట్టున అంటుకట్టబడరా?" మానవుని పతనం కారణంగా యూదులు రక్షణను అంగీకరించాలని దేవుడు ఉద్దేశించాడు మరియు వారిని తన కుటుంబంలోకి తిరిగి తీసుకురావాలని కోరుకున్నాడు. యూదులు దీనిని ఎప్పుడు పొందబోతున్నారు? మేము యేసుకు అవును అని చెప్పినప్పుడు, యూదులు మనకు ఉన్నదానిని కోరుకుంటారు. వారు అసూయపడే విధంగా క్రీస్తులో జీవిస్తున్నారా? మన దగ్గర ఉన్నవాటిని చూసేందుకు మనం వేరుగా ఉండాలి. మరియు యూదులు దానిని తిరస్కరించినప్పటి నుండి మనకు లభించిన ఆధ్యాత్మిక ఆశీర్వాదానికి మనం కృతజ్ఞులమై ఉండాలి. దేవుడు ఎన్నుకున్న ప్రజలైన యూదులలోకి మనం తిరిగి పోయాలి. ఇది దేవుడు ఎన్నుకున్న వ్యక్తులతో మొదలై, దేవుడు ఎన్నుకున్న వ్యక్తులతో ముగుస్తుంది.

రోమా ​​​​15:27: “అవును, వారు వీరికి ఋణస్థులు; ఎట్లనగా అన్యజనులు వీరి ఆత్మ సంబంధమైన విషయములలో పాలివారైయున్నారు గనుక శరీరసంబంధమైన విషయములలో వీరికి సహాయముచేయ బద్ధులైయున్నారు.” అన్యజనులుగా, యూదులకు భౌతికంగా మరియు స్పష్టంగా వారికి అవసరమైన పరిచర్య చేయడానికి మనము బాధ్యత వహిస్తాము.

ముగింపు

యూదుల మొండితనానికి మరియు దేవునికి వ్యతిరేకంగా తిరుగుబాటులో వారు అనుభవించిన వాటికి మనం లబ్ధిదారులం. వారికి ఏ విధంగానైనా పరిచర్య చేయడం మరియు తిరిగి ఇవ్వడం మన పని.