The Seven Bowls

መግቢያ

ከሰባቱ ማህተሞች እና ከሰባቱ መለከቶች በኋላ ዮሐንስ በሰባቱ መለዓክት ተይዘዉ የነበሩትን ሰባቱን ጽዋዎች አዬ ፡፡ ይህ ክፍለ ጊዜ በአጠቃላይ ስለ እግዚአብሔር ቁጣ ነበር ፤ የእግዚአብሔር ቁጣ በማያምኑት ላይ በተለይም ሐሰተኛዉን ክርስቶስን በሚከተሉት ላይ ነበር ፡፡

ትምህርት

ራዕይ (16፡ 1-21)፡ ዮሐንስ ከመቅደሱ የሚወጣ የሚጮኽ ድምጽ ሰማ ፡፡ መቅደሱ በሰማይ በዙፋኑ ክፍል ነበር ፤ ዮሐንስ ያየዉን መልክ እና ድርጊት በአጠቃላይ ለመረዳት እና ለመያዝ ብዙ መረዳቶችን/ስሜቶችን ተጠቅሟል ፡፡ ሰባት መለዓክቶች የእግዚአብሔር ሰባት ጽዋ ቁጣን በምድር ላይ እንዲያፈሱት ታዘዙ ፡፡

በቁጥር 2 የመጀመሪያዉ መለዓክ የአዉሬዉን ምስል በሚያመልኩት እና ምልክቱን በለበሱት/ባደረጉት ሁሉ ላይ በመጀመር ለሚያም የቁስል ምክንያት የሆነዉን አንዱን ጽዋ አፈሰሰው ፡፡ ቀደም ሲል የአዉሬዉ ምልክት የነበራቸው አማኞች ማግኘት ያልቻሉዓቸዉን ነገሮች የመግዛት እና የመሸጥ መብት ተሰጥቷቸዉ እንደ ነበር አይተናል ፤ አሁን በራሳቸዉ ላይ እና በእጃቸዉ ላይ ምልክት አለ ማለት የእግዚአብሔርን ቁጣ ይቀበላሉ ማለት ነው ፡፡

ማክአርቱር የእነዚህን የተለዩ የጽዋዎች አስፈላጊነትን ይገልፃል፡ “ ትልልቅ ሰው ግብፃዊያንን የቀሰፈዉን (ዘጸ 9፡ 9-11) እና ኢዮብን ያጠቃዉን (ኢዮ 2፡ 7) ቁስል/ሽፍታ ለመግለጽ ተመሳሳይ የግሪክ ቃል እንደሚጠቀም ፤ በአዲስ ኪዳን ምጽዋተኛዉን አልዓዛርን በመሸፈን የሚታየዉን ቁስል እንደሚገልጽ (ሉቃ 16፡ 21) ፤ በመላዉ አለም ላይ ሰዎች በማይድን፣ በሚታይ እና የማይለቅ ቁስል እንደሚያጠቃቸው “ ይገልፃል ፡፡ ማክአርቱር “ የሐሰተኛዉ ክርስቶስ አምላኪዎች ብቻ የተጠቁ እንደሚሆኑ (13፡ 16, 14፡ 9-11) ተመልከቱ “ ይጨምራል ፡፡ የመጀመሪያዉ የቁጣ ጽዋ ክርስቶስ ተመልሶ ከመምጣቱ በፊት ፈሰሰ/ወረደ ፡፡

ሌለኛዉ መለዓክ ሁለተኛዉን ጽዋ በባህር ላይ አፈሰሰዉ ፤ ባህሩም ወደ ደም ተቀየረ በባህር ዉስጥ ያሉት ፍጥረቶች ሁሉ ሞቱ ፡፡ ይህ ጽዋ ከሁለተኛዉ መለከት ጋር የሚመሳሰል ነበር ፡፡ በማህተሞቹ፣ በመለከቶቹ እና አሁን በጽዋዎቹ ቅደም ተከተል የእግዚአብሔር ቁጣ በሂደት እየከፋ የሄደ ይመስላል ፡፡ ማክአርቱር “ ይህ የሁለተኛዉ መለከት (8፡ 8, 9) እና በግብጽ ላይ የመጀመሪያዉ መቅሰፍት (ዘጸ 7፡ 20-25) የሚመስል/የሚያስታዉስ እንደ ሆነ “ ይገልፃል ፡፡

በቁጥር 4 ሰዎስተኛዉ መለዓክ ሰዎስተኛዉን ጽዋ አፈሰሰው ፡፡ የሰዎስተኛዉ ጽዋ የመፍሰስ ዉጤት የመጠጥ፣ የወንዝ እና የምንጭ ዉኃ ወደ ደም መቀየር ነበር ፤ ሁሉም የመጠጥ/ንጹህ ዉኃ ወደ ደም ተቀየረ ፡፡ የሚጠጣ ምንም ነገር አልነበረም ፡፡ የዉሆች መለዓክ ሰዎስተኛዉን ጽዋ ካፈሰሰዉ መለዓክ ጋር ተመሳሳይ ሊሆን ይችላል ፡፡

እግዚአብሔር ከመጀመሪያ እስከ መጨረሻ “ ማን እንደ ሆነ እና ማን እንደ ነበር “ የተገለጸ ነበር ፡፡ ቁጥር 6 ለመጠጣት ያለዉ ብቸኛዉ ነገር ደም እንደ ነበር ይናገራል ፤ ምክንያቱም በሰማዕቶቹ ላይ ሞትን እና ጥፋትን አምጥተዉ ስለ ነበር ፡፡

ማክአርቱር “ ቁጥር 6 ዘላለማዊዉ አምላክ በፍትሐዊነት/በሚገባ ይፈርዳል ምክንያቱም አማኞችን እና ወንጌል ሰባኪዎችን ገድለዋል (6፡ 9-11, 7፡ 9-17, 11፡ 18, 17፡ 6, 18፡ 20) ፤ ይህ መታረድ በታሪክ ተመሳሳይ አይኖረውም (ማቴ 24፡ 21) እና ምንም የእግዚአብሔር በቀልም እንደማይሆን (ሮሜ 12፡ 19-21 “ ይገልፃል ፡፡ አማኞች ራሳቸዉን ለማንፃት ዉኃ አልነበራቸዉም ፡፡ የእግዚአብሔር ፍርድ ፍትሐዊ እና ተገቢ እንደሆነ የተገለፀ ነበር ፡፡

በቁጥር 7 አንድ ድምጽ ከመሰዊያዉ በመምጣት እግዚአብሔር ያፍ ፍርድ እንደሚመጣ በተደጋጋሚ አስጠንቅቆ ስለ ነበር የጽዋዎቹ ቁጣዎች ተገቢ እንደ ነበሩ ተናገረ ፤ ሁሉም ኢየሱስ ክርስቶስ እንዲቀበሉ እድል ተሰጥቷቸዉ ነበር፡፡

በቁጥር 8 አራተኛዉ መለዓክ አራተኛዉን ጽዋ አፈሰሰው ፡፡ ጽዋዉ በጽሐይ ላይ የፈሰሰ ነበር ፤ ሰዎችም ተቃጠሉ/ነደዱ ፤ ስጋቸዉም በእሳትና በሙቀት የተቃጠለ እና የነደደ ነበር ፡፡ በቁጥር 9 መጨረሻ ላይ ዮሐንስ ሰዎቹ ንስሐ እንደማይገቡ ተናገረ ፤ እነዚህ መግለጫዎች እና ንስኃ ለመግባት የሕዝቡ/የሰዎች እምቢ ማለት ከፈረዖን ምላሽ ጋር ተመሳሳይ ነበር ፡፡ ሰዎች/ሕዝቡም ለእግዚአብሔር ክብሩን ለመስጠት እምቢ አሉ ፤ ሕዝቡም በእግዚአብሔር ላይ ስድብን ተናገሩ ፤ እግዚአብሄር ሁሉም ነገር በቁጥጥሩ ስር እንደ ነበር እዉቅና መስጠትን እምቢ አሉ ፡፡

ቁጥር 10 የአምስተኛዉን ጽዋ መግለጫ ይሰጣል ፡፡ ይህ ጽዋ በአዉሬዉ ዙፋን ላይ ይፈስሳል መንግስቱም በጨለማ ተቀመጠ ፡፡ አሁንም ሰዎች እግዚአብሔር የሰማይ አምላክ እንደ ነበር ባስተዋሉም ጊዜ እንኳን እግዚአብሔርን ተሳደቡ ፡፡ ዉጤቱም አለማቀፋዊ ጨለማ ነበር ፡፡

ስድስተኛዉ ጽዋ በቁጥር 12 የተገለፀ ነው ፡፡ በኤፍራጠስ ወንዝ ላይ ፈሰሰ ወንዙም ነገስታቶችም መሻገር/ማቋረጥ እንዲችሉ ደረቀ ፡፡ ማክአርቱር “ በመጽሐፍ ላይ ታላቁ ወንዝ በመባል አምስት ጊዜ የተጠራው ከምንጩ በአራራት ተራራ ዳገት ላይ ወደ ፋርስ ባህር 1,800 ማይል እንደሚፈስ ፤ እግዚአብሔር ለእስራኤል ተስፋ የገባትን ምድር የምስራቅን ድንበር እንደሚያበጅላት (ዘፍ 15፡ 18, ዘዳ 1፡ 7, 11፡ 24, ኢያ 1፡ 4), ራዕ 9፡ 14) “ ይገልፃል ፡፡

ማክአርቱር በመቀጠልም “ ቀድሞ በፍሰቱ በረጅም ድርቅ እና በከፍተኛ ሙቀት ፈሰቱ እንደቀነሰ እግዚአብሔርም በመለኮታዊ ኃይል ወደ እስራኤል እንዲደርሱ ለምስራቅ የጥምረት ሰራዊት መንገድን ለማዘጋጀት እንደሚያደርቀዉ (ኢሳ 11፡ 15) “ ይገልፃል ፡፡ እግዚአብሔር ለሁሉም ሰራዊት በዚህ ስፍራ እንዲሆኑ መንገዱን ይጠርግላቸዋል ለአርማጌድዮን ዉጊያና ለራሳቸዉ ጥፋትም በዚያ ይሆናሉ ፡፡ “ ምናልባትም ለመምጣታቸዉ ምክንያቱ የአለምን መከራ ለመቀነስ ባለመቻሉ ያለ ጥርጥር ዝናዉን ለማጥፋት በሐሰተኛዉ ክርስቶስ ላይ ለማመጽ ፤ ወይም ደግሞ ምናልባትም ይህ እስራኤልን ለማጥፋት የመፈለግ የፀረ ሴማዊያን የመጨረሻ የእብደት ተግባር ምናልባት በአምላኳ በእግዚአብሔር ለተላከዉ መቅሰፍት በቀል “ ፡፡

በቁጥር 13 ሰዎስት ርኩሳን መናፍስት ከዘንዶዉ አፍ መጡ ፡፡ ሰዎስቱ ምስሎች ሐሰተኛዉ ክርስቶስ/አዉሬዉ፣ ሰይጣን እና ሐሰተኛ ነብዩ ነበሩ ፤ የክፉዉንም መናፍስት ይወክላሉ ፡፡ ማክአርቱር “ ቅዱስ ያልሆነ ሶስትነት “ የሚለዉን ቋንቋ ሰዎችን በአንድ ላይ ለአርማጌድዮን ጦርነት የሚሰበስብ እንደ ነበር ይናገራል ፡፡

አሁንም የጽዋዎቹ ቁጣ በመምጣት ሂደት ዉስጥ ነበሩ ፤ ነገር ግን በቁጥር 15 እግዚአብሔር ለክርስቶስ ተመልሶ መምጣት የተዘጋጄ መሆን እንደሚያስፈልግ አብራርቷል ፤ ስዕሉም ለጦርነት የተዘጋጀ የአንድ ወታደር ምስል ነበር ፡፡

ሰባተኛዉም መለዓክ ጽዋዉን ወደ አየር ዉስጥ አፈሰሰው ፡፡ እንደ ማክአርቱር አገላለጽ “ በሰማይ ከቤተ መቅደስ የሚወጣዉ ድምጽ ያለምንም ጥርጥር የራሱ የእግዚአብሔር ነው ፤ ተፈጸ የሚለዉ የተሸለ ትርጓሜ ነው የሆነና የሚፈፀም ነው (ዮሐ 19፡ 30) ፡፡ እግዚአብሔር በምድር ታሪክ ታላቅ/ኃይለኛ በሆነ በሚያጠፋ የምድር መናወጥ የቁጣዉን መፈጸም ይጠብቃል (ቁጥር 18-21) “ ፤ ይህ በኢየሩሳሌም እና በባቢሎን መካከል ንጽጽርን አንፀባርቋል ፡፡

መደምደሚያ

እስካሁን ክርስቶስ ተመልሶ አልመጣም ፤ በዚህ በመጨረሻ ዘመን ክስተት ላይ የተገኘን ላለመሆን ማስወገጃዉ መንገድ ክርስቶስን እንደ አዳኝ እና እንደ ጌታ መቀበል ነው ፡፡