Preparation For The Bowl Judgements

መግቢያ

ትናትና የራዕይ 14 ጥናታችንን በራሱ ላይ የወርቅ አክሊልን እና በእጁ ስለታም ማጭድን በመያዝ በደመና ላይ በሚመጣዉ በሰዉ ልጅ መልክ አጠቃለናል ፡፡ ማጭዱን በምድር ላይ በመጠቀም ሰበሰባት ፤ ከዚያም አንድ መለዓክ ከአንድ ማጭድ ጋር በመገለጥ የምድርን ወይን ለመሰብሰብ ማጭዱን በመጠቀም ወደ እግዚአብሔር የወይን መጥመቂያ ዉስጥ ወረወራቸው ፡፡ ደምም ከወይን መጥመቂያዉ ዉስጥ እስከ ፈረሶች ልጓም ድረስ 180 ማይል ያክል ፈሰሰ (ቁጥር 14-20) ፡፡ ከምዕራፍ 14 ምዕራፍ 15 ሰባቱን ጽዋዎች እና እያንዳንዳቸዉ የተቀበሉትን ተፅዕኖ ስናጠና ወደ ሌላ አስፈሪ ዝምታ እንሄዳለን ፡፡ ፍሰቱን ለመረዳት ከምዕራፍ (6-11) በአንድ አቀማመጥ/ማዕቀፍ ዉስጥ ማጥናት የተሻለ ነው ፡፡

ትምህርት

ራዕይ (15፡ 1-4)፡ ከዚያም ዮሐንስ የእግዚአብሔርን ቁጣ የሚፈጽሙ ሰባት መለዓክትን ከሰባት መቅሰፍቶች ጋር አዬ ፡፡ “ ይፈፀማል “ (ቁጥር 1) የእግዚአብሔር እቅድ የተፈፀመ መሆኑን ያመለክታል ፡፡ ስለ መከራዉ ብዙ አመለካከቶች/እይታዎች አሉ፡ አንዳንዶች የክርስቶስ ተከታዮች ከመከራዉ በፊት ወደ ሰማይ እንደሚነጠቁ ያምናሉ፣ አንዳንዶች ደግሞ የክርስቶስ ተከታዮች ከሰባቱ አመት መከራ በኋላ እንደሚነጠቁ ያምናሉ ፡፡ ያም ሆነ ይህ መከራው በስድስት በተለዩ ማህተሞች በኩል ይፈፀማል(ራዕይ 6)፡

1. በነጭ/በአምባላይ ፈረስ ላይ አንድ ፈረሰኛ ተገለጠ ሐሰተኛዉም ክርስቶስ ነው ፤ ይህ ማቴዎስ 24 ከራዕይ 6 ጋር የሚያመሳስል እና የሰባቱ አመት ጊዜ መከራ መጀመሪያም ነው ፡፡ ታላቁ መከራ በዚያ ሰባት አመት ጊዜ ዉስጥ በግማሹ ላይ ይጀምራል ፡፡

በቀይ/ዳማ ፈረስ ላይ የሰዎችን ሰላም ለመዉሰድ አንድ ፈረሰኛ ይገለጣል - ጦርነት እና የጦርነት ወሬ ይኖራል (ማቴዎስ 26) ፡፡

በጥቁር/ጉራቻ ፈረስ ላይ አንድ ፈረሰኛ እጥረትን፣ አለመብቃትን እና ርሀብን በሚወክል የመስፈሪያ ሚዛን ይገለጣል (6፡ 5-6) ፡፡

በሐመር ፈረስ ላይ ሞትን እና ሲዖልን የሚወክል አንድ ፈረሰኛ ይገለጣል ፡፡

አስታዉሉ፡ ብዙ ምሁራን እነዚህ የመጀመሪያዎቹ አራት ማህተሞችበመከራዉ የመጀመሪያዉ ሰዎስት አመት ከግማሽ ቀደም ብለዉ እንደሚመጡ ያመለክታሉ ነገር ግን በእርግጠኝነት አናዉቅም፡

በሰማይ በስሩ የታመኑ ሰማዕታት ያሉት አንድ መሰዊያ ይገለጣል (ማቴ 24፡ 9, ራዕ 6፡ 9-11) ፤ የዚህን ሁሉ የመሆኛ ጊዜን እርግጠኞች መሆን አንችልም ነገር ግን በአምስተኛዉ እና በስድስተኛዉ ማህተም ጊዜ አማኞች ንዴት እንደሚሰማቸዉ እርግጠኛ መሆን እንችላለን ፡፡

የመሬት መናወጥ ክስተት፣ የፀሐይ ወደ ጥቁር/ጨለማ መቀየር፣ የጨረቃ ደምን የመሰለች መሆን እና የፍጥረት ስርዓት የተዘበራረቀ/የፈራረሰ መሆን የአለም ፍጻሜ በእጁ ላይ እንደሆነ ይናገራል ፡፡

አስታዉሉ፡ አንዳንድ ምሁራን ማህተሞቹ፣ መለከቶቹ እና ጽዋዎቹ ሁሉም በተመሳሳይ ጊዜ እንደሚሆኑ ያመለክታሉ ፤ መለከቶቹ ፡- 1) የምድርን ሳር ሊያቃጥል የሚመጣዉን ኃይለኛን እሳትን፣ 2) የባህሮችን መበከልን፣ 3) የንጹህ ዉኃን መበላሸትን እና 4) የፀሐይ ሲሶ፣ የጨረቃ ሲሶ እና የከዋክብት ሲሶ መጨለምን መምጣትን አወጁ ፡፡ አንድ መለዓክ ቀጣዮቹ ሰዎስቱ መለከቶች ብዙ አስከፊ ነገሮችን ወደ ተግባር እንደሚጠሩ ተናገረ ፡- 5) የሰይጣን ወረራ፣ 6) ሰይጣን በሰዎች ላይ ጦርነትን ያውጃል/ያደርጋል በተጨማሪም 7) የሰባቱ ጽዋ መሰጠት ፡፡ በመሰረቱ እነዚህ ሰባተኛዉን ማህተም ይጀምራሉ ፤ ሁሉም አማኞች ከዚህ በፊት እንደሚነጠቁ በኃይለኛዉ አምናለሁ ፡፡ የሰባት አመቱ የመጀመሪያዉ ግማሽ አመት መጨረሻ ላይ ታላቁ መከራ ይጀምራል ፤ ምዕራፍ 15 በዚያ ክስተት ይጀምራል፡፡

ዋይርስቤ ቁጥር (1-4) “ እንደ ድል አድራጊነት ድምጽ “ ይገልፃቸዋል ፡፡ ቁጥር 2 በአዉሬዉ ላይ ድል አድራጊዎች የሚሆኑትን ይገልፃል ፤ ያ ድል አድራጊነት የሚታይ ነዉ ምክንያትም ምናልባትም በሰመዓትነት በሰማይ እያመለኩ ስለሆነ ፡፡ ቅዱሳኖች በአምልኮ የእግዚአብሔርን በገና በመጫወት በብርጭቆ ባህር ላይ ቆመዋል ፤ በራዕ (5፡ 8) ሽማግሌዎቹም በገናን ሲጫወቱ ታይተዋል ፡፡ ማክአርቱር “ በሰማይ ላይ ባህር እንደሌለ (21፡ 1) ነገር ግን ልክ እንደ ታላቅ የሚያንፀባርቅ ባህር የእግዚአብሔር የዙፋን ወለል በመሆን የሚያገለግል የብርሌ ንጣፍ እንደሆነ “ ይገልፃል ፡፡ “ እስራኤል ጨምሮ ከሁሉም ሕዝብ የሆኑት እነዚህ ቅዱሳኖች በኢየሱስ ክርስቶስ ካላቸዉ እምነት የተነሳ በመጨረሻም በሰይጣን እና በሐሰተኛዉ ክርስቶስ እና በስርዓቱ ላይ ድልን ያደርጋሉ “ ፡፡ ቅዱሳኖቹም የአምልኮ ዜማንም ይዘምራሉ (ቁጥር 3-4) ፤ መዝሙራቸዉ ያገኙትን የሚገልፁ ናቸው - በእርግጥ ሁሉም ሕዝብ በአንድ ላይ ጌታን በማመስገን ነበሩ ፡፡

ይህ ቅዱሳን በአምልኮ በሚዘምሩ ጊዜ የእግዚአብሔርን ቁጣ ከመቀመሳቸዉ በፊት እረፍት እንደሆነ እናስታዉሳለን፡፡ ማክአርቱር የሙሴ መዝሙር “ በቀይ ባህር ዉስጥ ካለፉና ከግብጡያን ሰራዊት ከነፃመዉጣታቸዉ በኋላ ወዲያዉኑ በእስራኤላዊያን የተዘመረ እንደ ነበር (ዘጸ 15፡ 1-18)…. ሐሰተኛዉን ክርስቶስ እና ስርዓቱን የሚቋቋሙ ቤዛነታቸዉን ያገኙት ድል አድራጊዎች እና ነፃ ወጪዎች በፈቃደኝነት እንደሚለዩ “ አመልክቷል ፡፡ በተጨማሪም የሙሴን መዝሙር እና የበጉን መዝሙር መዘመር “ ሁለት የቤዛነት/የመቤዠት ክስተቶች ያስምራል ፡- 1) በሙሴ በኩል ከግብጽ በእግዚአብሔር የእስራኤል ነፃ መዉጣት እና 2) በክርስቶስ በኩል ከኃጢዓት በእግዚአብሔር የኃጢዓተኞች ነፃ መዉጣት “ ፡፡

ራዕይ (15፡ 5-8)፡ ዋይርስቤ (15፡ 5 -16፡ 21) “ የመፈፀም ድምጽ “ በማለት ያጠቃልላቸዋል ፡፡ ዮሐንስ የሰማይ መቅደስ እና የምስክሩም ኪዳን በእርሱ ፊት ሲከፈት ተመለከተ (ቁጥር 5) ፤ ከዚያም ጥሩ የጌጥ ልብስን እና የወርቅ መታጠቂያን የለበሱ ሰባት መለዓክ እና ሰባት መቅሰፍቶች ከመቅደሱ ወጡ (ቁጥር 6) ፡፡ ማክአርቱር “ የወርቅ መታጠቂያዎቹ ብልፅግናን፣ ንጉሳዊነትን እና የማይጠፋ /የማይደበዝዝ ክብር እንደሚያሳይ “ ይገልፃል ፡፡ እግዚአብሔር ማን እንደ ሆነ ይገለጣል !

በቁጥር 7 ላይ የተጠቀሱት ፍጥረቶች በራዕይ (4፡ 6-8) ላይ የተዋወቁት ነበሩ - አንበሳዉ፣ ጥጃ፣ የሰዉ ፊት እና ንስር ነበሩ ፡፡ ከእነዚህ ፍጥረቶች ዉስጥ አንዱ በእግዚአብሔር ቁጣ የተሞሉትን ሰባት የወርቅ ጽዎች ሰባቱን መለዓክት ሰጣቸው ፡፡ ማክአርቱር የወርቅ ጽዋዎቹን “ ብዙ ጊዜ በቤተ መቅደስ ስራዎች ላይ ለምሳሌም ከወይን እና ከደም ጋር የተገናኙ የተለመዱ የሆነ ቅርብ ጥልቀት ያላቸዉ ማስቀመጫዎች እንደሆኑ ፤ ዝርግ የሆነዉ ጥልቀታቸው የድነትን ጽዋ መጠጣትን እምቢ ያሉትን በዝግታ ከማፍሰስ ከማስመጥ ይልቅ የመለኮት ፍርድ እንዴት በፍጥነት ባዶ እንደሚያደርገዉ የሚያሳይ እንደ ሆነ “ ይገልፃል (1ነገ 7፡ 50, 2ነገ 12፡ 13, 25፡ 15) ፡፡ እነዚህ ጽዋዎች በቀጥታ ከቤተ መቅደሱ መጡ ፡፡

መቅደሱ በእግዚአብሔር ክብር ጭስ የተሞላ ስለ ነበር (ዘጸ 19፡ 16-18, 40፡ 34-35, 1ነገ 8፡ 10, ኢሳ 6፡ 4, ሕዝ 10፡ 4)ሰባቱ መቅሰፍቶች እስኪፈጸሙ ድረስ ማንም መግባት አይችልም (ቁጥር 8) ፡፡

መደምደሚያ

የእግዚአብሔር መገኘት እና ቁጣ በሰባቱ የወርቅ ጽዋዎች ይለቀቃል ፡፡ ኢየሱስን ካወቃችሁ ከእግዚአብሔር ቁጣ የሚያስፈራችሁ ምንም ነገር አይኖርም ፡፡