The Two Witnesses

መግቢያ

በራዕይ ዉስጥ ስናጠና ተስፋችን ለራሳችሁ በመጽኃፍ ዉስጥ ጠልቆ በመግባት እንዲያስተምራችሁ ለጌታ መፍቀድ ነው ፡፡ ሰባተኛዉ መለዓክ መለከቱን በነፋ ጊዜ መለዓኩ “ ምንም የሚዘገይ ጊዜ እንደማይኖር “ በመናገር መሀላን ወሰደ ነገር ግን “ የእግዚአብሔር የተደበቀው እቅድ ይፈፀማል “ (ራዕ 10፡ 6-7) ፡፡ የክርስቶስ ሙሽራ ተመልሶ ለመምጣቱ የተዘጋጀች መሆን ያስፈልጋታል ፡፡

እስከዚህ ስፍራ/ጊዜ ድረስ ስድስቱ መለከቶች ተነፍተዋል ፡፡ ራዕይ 10 በስድስተኛዉ እና በሰባተኛዉ መለከት መካከል እረፍትን ያሳያል፤ ይህ እግዚአብሔር ለመጨረሻው ድርጊት በገበታ ላይ እንደ ተቀመጠ ነበር ፡፡ ራዕይ 11 በመጽኃፉ የጊዜ ስርዓት ይጀምራል ፡፡ ለ1260 ቀናት ትንቢት የሚናገሩ ሁለት ምስክሮች የተገለፁ ይሆናሉ ፤ አንዳንዶች የምስክሮቹ ትንቢት በሰባቱ አመት የመከራ ጊዜ መጀመሪያ ላይ እንደሚጀምር ይከራከራሉ ፤ የኛ አቋም ምስክሮቹ በታላቁ መከራ በሰባት አመቱ በሁለተኛዉ አጋማሽ ላይ እንደሚተነብዩ ነው ፡፡

ትምህርት

ራዕይ (11፡ 1-3)፡ ዮሐንስ እንዲለካዉ ተነግሮት የነበረዉ መቅደስ እና መሰዊያ ሰዎስተኛዉ ቤተ መቅደስ ሊሆን ይችላል ፡፡ ሰዎስተኛዉ ቤተ መቅደስ በዚህ ዘመን ይቆማል ምክንያቱም መስዋዕት በሚደረግበት በእግዚአብሔር ቤተ መቅደስ ሐሰተኛዉ ክርስቶስ ራሱን ስለሚገልጥበት ፡፡ ዮሐንስ የቤተ መቅደሱን መግቢያ አደባባይ (እድሞ) እንዳይለካ ታዘዘ ምክንያቱም “ ለአሕዛቦች ተሰጥቷልና እነርሱም 42 ወር የተቀደሰችዉን ከተማ ይረግጡአታል “ (ቁጥር 2) ፤ አራባ ሁለት ወር ሰዎስት አመት ከግማሽ የሚለዉ ሌለኛዉ መንገድ ፡፡

በታላቁ መከራ ዉስጥ ኢየሩሳሌም ለአሕዛቦች የተሰጠች ትሆናለች ፡፡ ሐሰተኛዉ ክርስቶስ በመጀመሪያዉ ሰዎስት ከግማሽ አመት ጊዜ የሰላም ስምምነትን ስለሚያደርግ ነገሮች በሚያምር ፀጥታ/ዝምታ ውስጥ ነበሩ ፤ ዳንኤል ስለዚህ ጊዜ ትንቢትን ተናግሯል፡ “ እርሱም ከብዙ ሰዎች ጋር ጽኑ ቃል ኪዳን ለአንድ ሱባኤ ያደርጋል ፤ በሱባኤዉም እኩሌታ መስዋዕቱንና ቁርባኑን ያስቀራል ፤ በርኩሰትም ጫፍ ላይ አጥፊዉ ይመጣል ፤ እስከ ተቆረጠውም ፍጻሜ ድረስ መቅሰፍት በአጥፊዉ ላይ ይፈስሳል “ (ዳን 9፡ 27) ፡፡ በዳንኤል አንድ ሳምንንት ሰባት አመትን ያሳያል ፡፡

ራዕይ (11፡ 4)፡ በዚህ በሚቀየር ተመሳሳይ ጊዜ እግዚአብሔር ትንቢት እንዲናገሩ ሁለት ምስክሮችን ያቆማል፡ “ እነዚህ በምድር ጌታ ፊት የሚቆሙ ሁለቱ ወይራዎችና ሁለቱ መቅረዞች ናቸው “ (ቁጥር 4) ፤ ይህ ለዘካርያስ (3-4) ማጣቀሻ ነበር ፡፡ ማክአርቱር በመቅረዞቹ ላይ ያለዉ ዘይት ከወይራ ዛፎቹ የመጣ እንደ ሆነ ፅፏል ፡፡ የወይራ ዛፎቹና የመቅረዞቹ የመነቃቃት/የመነሳሳት መልኮች ናቸው ፤ የማጠቃለያ ብልጭታቸዉ የንስኃ መልዕክትንም ያካትታል ፡፡

በዘካርያስ ኢያሱና ዘሩባቤል ቤተ መቅደሱን መልሰዉ ስለ ገነቡ እንደ ወይራ ዛፍ እና መቅረዝ የተገለፁ ነበሩ ፤ አሁን እነዚህ ሁለቱ አዲሶቹ ምስክሮች የእግዚአብሔር ፍርድ እየመጣ እንደ ሆነ በማስጠንቀቅ ሰዎችን ወደ ጌታ በማመልከት በታላቁ መከራ በሁለተኛዉ ግማሽ ጊዜ ተመሳሳይ ነገርን ያደርጋሉ ፡፡

ራዕይ (11፡ 5-6)፡ እግዚአብሔር ምስክሮቹን በተዓምራታዊ መንገድ ይጠብቃቸዋል ፡፡ ሊጎዳቸዉ የሚሞክረዉን የሚበላ እሳት ከአፋቸዉ ዉስጥ ይወጣል (ቁጥር 5) ፤ በተጨማሪም እንዳይዘንብ የማድረግ፣ ደምን ወደ ዉኃ የመቀየር እና “ በሚፈልጉበትም ጊዜ ሁሉ በመቅሰፍት ሁሉ ምድርን ሊመቱ “ (ቁጥር 6) ስልጣን የተሰጣቸዉ ናቸው፡፡

ምስክሮቹ እነማን ናቸው ? ማክአርቱር ለምን ሙሴና ኤልያስ ሊሆኑ እንደሚችሉ ስድስት ምክንያቶችን ዘርዝሯል፡

1. “ ልክ እንደ ሙሴ ምድርን በመቅሰፍት ይመታሉ እንዲሁም ደግሞ ልክ እንደ ኤልያስ እንዳይዘንብ የማድረግ ኃይል አላቸው “ ፡፡
2. “ የአይሁድ ታሪኮች/ባህሎች ሙሴ እና ኤልያስ ሁለቱም እንደሚመለሱ ይጠብቃሉ “ ፡፡

• በዘዳ (18፡ 16) መሰረት “ አምላክህ እግዚአብሔር ከአንተ መካከል ከወንድሞችህም እንደ እኔ ያለ ነቢይ ያስነሳልሃል ፤ እርሱንም ታደምጣለህ “ ፡፡
• ሚል (4፡ 5) “ እነሆ ታላቁና የሚያስፈራው የእግዚአብሔር ቀን ሳይመጣ ነቢዩን ኤልያስን እልክላችኋለሁ “ በማለት ይናገራል ፡፡
• ዮሐ (1፡ 21) “ እንኪያስ ማን ነህ ? ኤልያስ ነህን ? ብለዉ ጠየቁት ፡፡ አይደለሁም አለ ፡፡ ነቢዩ ነህን ? አይደለሁም ብሎ መለሰ “ ፡፡
• የአይሁድ ሰዎች ያለማቋረጥ የሙሴን እና የኤልያስን መመለስ እየጠበቁ ነበር ፡፡

1. “ ኤልያስ እና ሙሴ ሁለቱም በኢየሱስ በመለዉጡ ጊዜ ቀርበዉ ነበር “ ፡፡
2. “ ሙሴ እና ኤልያስ ሁለቱም ለንስኃ ለማነሳሳት መለኮታዊ ኃይልን ተጠቅመዋል “ ፡፡
3. “ ኤልያስ በህይወት እያለ ወደ ሰማይ ሲወሰድ እግዚአብሔር የሙሴን አካል በፍፁም ባማይገኝ ስፍራ ቀበረው “ ፡፡
4. “ ሁለቱ ምስክሮች የሚያመጡት ድርቅ ርዝማኔ ኤልያስ ካመጣዉ ጋር ተመሳሳይ ነው “ ፡፡

ምስክሮቹ የፍርድን መልዕክት ያመጣሉ እንዲሁም ደግሞ የከበረ የምህረትንም እድል ያመጣል ፡፡

ራዕይ (11፡ 7-10)፡ በቁጥር 7 “ ምስክርነታቸዉን ከፈፀሙ በኋላ “ የሚለዉ ሐረግ የሰዎስት አመት ከግማሽ መጨረሻውን ያመለክታል ፡፡ የሰይጣንን መገኘት የሚወክለዉ አዉሬዉ “ ከጥልቁ ጉድጓድ ይወጣል “ ከዚያም “ ይዋጋቸዋል፣ ያሸንፋቸዉማል ከዚያም ይገድላቸዉማል “ (ቁጥር 7) ፡፡ አንዳንዶች ይህ በመጀመሪያዉ ሰዎስት አመት ከግማሽ መጨረሻ አካባቢ እንደሚከሰት ሲያምኑ ሌሎች ደግሞ ቆይቶ እንደሚከሰት ያምናሉ ፡፡ መሰረታዊዉ/ዋና ዝርዝር ከጥልቁ ጉድጓድ አዉሬዉ የሚወጣበት ጊዜ ነው ፤ በጊዜ አቀማመጡ ላይ ይህ ክስተት ትክክለኛ መሆኛዉን ጊዜ በእርግጠኝነት መወሰን አስቸጋሪ ነው ፡፡

አዉሬዉ ምስክሮቹን ከገደላቸዉ በኋላ በድናቸዉን “ በታላቂቱ ከተማ አደባባይ ይተኛል እርስዋም በመንፈሳዊ ምሳሌ ሰዶምና ግብጽ የተባለች ደግሞ ጌታቸዉ የተሰቀለባት ናት “ (ቁጥር 8) ፤ ያቺ ከተማ ኢየሩሳሌም ነበረች ፡፡ ሰዎችም ለሰዎስት አመት ከግማሽ በድናቸዉን ለማየት በአጠገባቸዉ ይመጣሉ ፤ በዚህን ጊዜ ማን እንዲቀብራቸዉ የተፈቀደለት አይሆንም ፡፡ አለም በምስክሮቹ መሞት በመደሰት “ እነዚህም ሁለት ነቢያት በምድር የሚኖሩትን ስለ ሳቀዩ በምድር የሚኖሩት በእነርሱ ላይ ደስ ይላቸዋል በደስታም ይኖራሉ እርስ በእርሳቸዉም ስጦታ ይሰጣጣሉ “ (ቁጥር 10) ፡፡

ራዕይ (11፡ 11-14)፡ ከሰዎስት አመት ከግማሽ በኋላ እግዚአብሔር ከሞት ያስነሳቸዋል (ቁጥር 11) ፡፡ እግዚአብሔር ምስክሮቹን “ ጠላቶቻቸዉም እየተመለከቷቸው “ (ቁጥር 12) በደመና ከሰማይ ጠራቸው ፤ ይህ እንደ ሆነ የመሬት መንቀጥቀጥ ከተማዋን መታት “ ከከተማይቱም አስረኛዉ እጅ ወደቀ በመናወጥም 7,000 ሰዎች ተገደሉ “ (ቁጥር 13) ፤ የቀሩትም “ ፍርሃት ያዛቸው ለሰማዩም አምላክ ክብር ሰጡ “ (ቁጥር 13) ፡፡ አሁን “ ሁለተኛዉ ወዮ አልፏል “ (ቁጥር 14) ፤ እስካሁን በስድስተኛዉ እና በሰባተኛዉ መለከት መካከልበዝምታ/በእረፍት ጊዜ ላይ ነን ፡፡

ራዕይ (11፡ 15-19)፡ አሁን ሰባተኛዉ መለከት ተነፋ ድምጾችም በሰማይ የመሲሁን ድል ማድረግ እና የዘላለም መንግስትን አወጁ (ቁጥር 15) ፡፡ 24 ሽማግሌዎችም እግዚአብሔርን አመሰገኑ/አከበሩ (ቁጥር 17-18) ፡፡

መደምደሚያ

የእግዚአብሔር ታማንነት፣ ኃይል እና ቁጣ ይገለጣል ፡፡ የእግዚአብሔር ምህረትና ታማኝነት ሰባተኛዉ መለከት ወደ ሰባጠናዉ የእግዚአብሔር ቁጣ መለከት መነፋት ሲመራ ይገለጣል ፤ ይህ ሁሉ በሁለቱ ምስክሮች ስራ ተጀመረ ፡፡