His Love Is Eternal

መግቢያ

የዛሬዉ ምዕራፍ ሁለት ግልፅ የሆኑ ፍሬ ነገሮች አሉት፡ ስም እና ፍቅር ፡፡ መዝሙር 134 ከሚጠበቅባቸዉ ከሰዎስቱ በአንዱ በዓል ላይ (ዘዳ 16፡ 16) ወደ ኢየሩሳሌም ሲሄዱ በመንፈሳዊ ተጓዦቹ ከተዘመሩት 15 የከፍታ መዝሙሮች ዉስጥ የመጨረሻዉ ነው ፡፡

ትምህርት

መዝሙር (134፡ 1-3)፡ መዝሙረኛዉ “ በምሽት በእግዚአብሄር ቤት የሚቆሙትን ! “ ሰዎች ጠቀሰ ፤ የዚህ ምሳሌ አንዱ ሐና ነበረች፡ “ ከአሴር ወገንም የምትሆን የፋኑኤል ልጅ ሐና የምትባል አንዲት ነቢይ ነበረች ፤ እርስዋም ከድንግልናዋ ጀምራ ከባልዋ ጋር ሰባት ዓመት ኖረች ፤ እርስዋም 84 አመት ያህል መበለት ሆና በጣም አርጅታ ነበር ፤ በጾምና በጸሎትም ሌሊትና ቀን እያገለገለች ከመቅደስ አትለይም ነበር “ (ሉቃ 2፡ 36-37) ፡፡ ሄነሪ ማቴዎስ “ ከእነርሱ ዉስጥ አንዳንዶቹ በእግዚአብሄር ቤት በማታ ቅዱስ እቃዎችን የማይንቁ የቤተ መቅደሱን ቅዱስ ነገሮች እና ሊሰርቋቸዉ የማይችሏቸዉን ዉድ ነገሮችን በመጠበቅ እንዳገለገሉ ፤ ታቦቱ በመጋረጃዉ ዉስጥ ስለ ነበር የበለጠ ጥበቃ ያስፈልገዉ እንደ ነበር ፤ በመሰዊያዉ ላይ ያለዉ እሳት እና በመቅረዙ ላይ ያለዉ መብራት አለመጥፋቱን ለማየት በተመሳሳይ በዚያ እንደሚገኙ “ ፅፏል ፡፡

ፀሎትን የሚገልፁ ሌሎች ጥቅሶች፡

1ጢሞ (2፡ 8)፡ “ እንግዲህ ወንዶች በስፍራ ሁሉ አለ ቁጣና አለ ክፉ አሳብ የተቀደሱትን እጆች እያነሱ እንዲጸልዩ እፈቅዳለሁ “ ፡፡

1ጴጥ (2፡ 9)፡ “ እናንተ ግን ከጨለማ ወደሚደነቅ ብርሃን የጠራችሁን የእርሱን በጎነት እንድትናገሩ የተመረጠ ትዉልድ የንጉስ ካህናት ቅዱስ ሕዝብ ለርስቱ የተለየ ወገን ናችሁ “ ፡፡

ዘኁ (6፡ 24-26)፡ “ እግዚአብሄር ይባርክህ ይጠብቅህም ፤ እግዚአብሄር ፊቱን ያብራልህ ይራራልህም ፤ እግዚአብሄር ፊቱን ወደ አንተ ያንሳ ሰላምንም ይስጥህ “ ፡፡

መዝሙር (135፡ 1-4)፡ በእያንዳንዳቸዉ በመዝሙር 134 እና በመዝሙር 135 የመጀመሪያዉ ቁጥር በተመሳሳይ ለምስጋና “ ሃሌ ሉያ ! የእግዚአብሄርን ስም አመስግኑ ፤ እናንተ የእግዚአብሄር ባሪያዎች ሆይ አመስግኑት “ (ቁጥር 1) ብሎ በመጣራት ይጀምራል ፡፡

መዝ (100፡ 4) “ ወደ ደጆቹ በመገዛት ወደ አደባባዮቹም በምስጋና ግቡ ፤ አመስግኑት ስሙንም ባርኩ “ ይላል ፡፡ በእግዚአብሄር ፊት በምስጋናና በታላቅ አመስጋኝ ልብ ስንመጣ ጠላታችን ኃይሉ ይወሰዳል ፡፡

መዝሙረኛው ያህዌ/እግዚአብሄር “ ያዕቆብን ለራሱ “ እንደመረጠው ተናገረ ፤ ክርስቲያን ይህን ንግግር ግላዊ ሲያደርጉት/ወደ ራስ ሲያመጡት ይህ እግዚአብሄር እስራኤልን በመምረጡ እንዴት ዋስትና እንደሚኖረን ያደርጋል ፡፡ በዚህ ዋስትና የኖረን ጠቅላላ ምክንያቱ እግዚአብሄር እስራኤልን “ ለመዝገቡ ስለመረጠው /ኃብቱ ስላደረጋት “ (ቁጥር 4) ፡፡

መዝሙር (135፡ 5-7)፡ ቁጥር 5 ከመዝ (136፡ 2-3) ይመሳሰላል፡ “ የአማልክትን አምላክ አመስግኑ ፤ ምሕረቱ ለዘላለም ነዉና ፡፡ የጌቶችን ጌታ አመስግኑ ፤ ምህረቱ ለዘላለም ነዉና “ ፡፡

ቁጥር 6 ከመዝ (136፡ 4-6) ይመሳሰላል፡ “ እርሱ ብቻዉን ታላቅ ተኣምራትን ያደርግ ፤ ምሕረቱ ለዘላለም ነዉና ፤ ሰማያትን በብልሃት የሰራ ፤ ምሕረቱ ለዘላለም ነዉና ፤ ሰማያትን በብልሃት የሰራ ምሕረቱ ለዘላለም ነዉና ፤ ምድርን በዉኃ ላይ ያጸና ፤ ምሕረቱ ለዘላለም ነዉና “ ፡፡

ቁጥር 7 ከመዝ (136፡ 7-9) ይመሳሰላል፡ “ ብቻዉን ታላላቅ ብርሃናትን የሰራ ፤ ምህረቱ ለዘላለም ነዉና ፤ ለፀሐይ ቀንን ያስገዛው ፤ ምሕረቱ ለዘላለም ነዉና ፤ ለጨረቃና ለከዋክብትም ሌሊትን ያስገዛቸው ፤ ምሕረቱ ለዘላለም ነዉና “ ፡፡

መዝሙር (135፡ 8-12)፡ ቁጥር (8-9) ከመዝ (136፡ 10-12) ይመሳሰላል፡ “ ከበኩራቸው ጋር ግብጽን የመታ ፤ ምሕረቱ ለዘላለም ነዉና ፤ እስራኤልንም ከመካከላቸው ያወጣ ፤ ምሕረቱ ለዘላለም ነዉና ፤ በጸናች እጅ በተዘረጋችም ክንድ ፤ ምሕረቱ ለዘላለም ነዉና “ ፡፡

መዝሙር (135፡ 13)፡ “ አቤቱ ስምህ ለዘላለም ነው ዝክርህም ለልጅ ልጅ ነዉና “ ይላል ፡፡

መደምደሚያ

እነዚህ ምዕራፎች ለእግዚአብሄር ብዙ ስሞችን ይጠቀማሉ፡

1. ጌታ ሆይ - አዶናይ “ የኔ ጌታ “ ማለት ነው ፡፡
2. እግዚአብሄር - ኤሊሆም በአጭር “ አምላክ “ ማለት ነው ፡፡
3. እግዚአብሄር - ወይም ያህዌ ትርጉሙ እኔ የሚል ሲሆን ለሰማይና ምድር ፈጣሪ ለእግዚአብሄር ብቻ የተሰጠ ስም ነው፡ “ ሙሴም እግዚአብሄርን ፡፡ እነሆ እኔ ወደ እስራኤል ልጆች በመጣሁ ጊዜ ፡፡ የአባቶቻችሁ አምላክ ወደ እናንተ ላከኝ ባልሁም ጊዜ ፡፡ ስሙስ ማን ነው ? ባሉኝ ጊዜ ምን እላቸዋለሁ ? አለው ፡፡ እግዚአብሄርም ሙሴን ፡፡ ያለና የሚኖር እኔ ነኝ አለው ፤ እንዲህ ለእስራኤል ልጆች ፡፡ ያለና የሚኖር ወደ እናንተ ላከኝ ትላለህ አለው ፡፡ እግዚአብሄርም ደግሞ ሙሴን አለው ፡፡ ለእስራኤል ልጆች እንዲህ ትላለህ ፡፡ የአባቶቻችሁ አምላክ የአብርሃም አምላክ የይስሐቅም አምላክ የያዕቆብም አምላክ እግዚአብሄር ወደ እናንተ ላከኝ ፤ ይህ ለዘላለሙ ስሜ ነው እስከ ልጅ ልጅ ድረስም መታሰቢያዬ ይህ ነው “ (ዘጸ 3፡ 13-15) ፡፡

የእግዚአብሄር ፍቅር ዘላለማዊ ነው ፤ ስሙም ለዛላለም ነው ፡፡ ይህ ሁሉ የእግዚአብሄር መንግስት ሙሉ ለሙሉ የሚስተዋልበትና በፂዎን ሁላችንም ከአባታችን ጋር እንደምንገናኝ የወደፊቱን መገለጥ ያመለክታል ፡፡ ከአምላካችን ጋር በመሆንበማያልቀዉ የዘላለም ፍቅሩ እንደሰታለን !