Delight in the Journey

መግቢያ

መዝሙር (120-134) ወደ ላይ የመዉጣት/ከፍ የማለት መዝሙርን ይይዛሉ ፤ እነዚህ አይሁዶች ከተራራዉ ላይ እስከ ኢየሩሳሌም በሚሄዱበት መንገዳቸዉ ላይ ከዘመሩት ከመንገድ ጉዞ መዝሙሮች ጋር የሚመሳሰሉ ነበር ፡፡ ዳዊት አራት የከፍታ/ወደ ላይ የመዉጣት መዝሙር ፅፏል (122, 124, 131, 133)፣ ሰለሞን አንድ ፅፏል (127) እና ቀሪዉ አስሮቹ ስማቸዉ ባልታወቀ የተፃፉ ነበሩ ፤ መዝሙር 121 ማንነቱ በማይታወቅ ነበር የተፃፈው ፡፡ መዝ (120፡ 5) የዚህ ቡድን ተጓዦች ኢየሩሳሌም ለመድረስ ረጅም ጉዞ ይጓዙ እንደ ነበር ያመለክታል ፡፡

በመዉጣት/ከፍ በማለት መዝሙር ላይ ማንኛዉም ማጣቀሻን “ መመልከት “ ቤተ መቅደሱን ለማየት የተስፈኝነትን መግለጫ እንደሚሆን የሚያስገነዝብ ይሆናል (መዝ 134፡ 1-2) ፡፡ እስራኤላዊያን በአመት ዉስጥ ለበዓላት ወደ ኢየሩሳሌም ሰዎስት ጊዜ መሄድ ይጠበቅባቸዉ ነበር፡ “ በዓመት ሶስት ጊዜ በዓል ታደርግልኛለህ ፡፡ የቂጣን በዓል ጠብቅ ፤ በአቢብ ወር ከግብፅ ምድር ወጥታችኋልና በዚህ ወር እንዳዘዝሁህ ሰባት ቀን ቂጣ እንጀራ ትበላለህ ፤ በፊቴም ባዶ እጃችሁን አትታዩ ፡፡ በእርሻም የምትዘራትን የፍሬህን በኩራት የመከር በዓል ዓመቱም ሳያልቅ ፍሬህን ከእርሻ ባከማቸህ ጊዜ የመክተቻዉን በዓል ጠብቅ ፡፡ በዓመት ሶስት ጊዜ በአንተ ዘንድ ያለው ወንድ ሁሉ በጌታ በእግዚአብሄር ፊት ይታይ “ (ዘጸ 23፡ 14-17) ፡፡ ይህ መዝሙር እግዚአብሄር የግል አምላኪዎችን እና እስራኤል እንደ አጠቃላይ በደህና እንደሚጠብቅ የማረጋገጫ ትርጉምን ያስተላልፋል ፡፡

ትምህርት

መዝሙር (121፡ 1-2)፡ ማክአርቱር እነዚህን ቁጥሮች እግዚአብሄር እንደ እረዳት ይገልፃቸዋል ፤ መዝሙረኛው እግዚአብሄር አምላክን ለማምለክ ወደ ኢየሩሳሌም ለረጅም ጉዞ ሲነሱ የሚያስፈልጋቸዉን ማንኛዉንም እንደሚረዳቸዉ ሙሉ እምነት ነበረው ፡፡ ሁኔታቸዉ ምንም ቢሆን እግዚአብሄር ሊረዳቸዉ ሁሉም ኃይል ነበረዉ ምክንያቱም የሰማይና የምድር ሰራተኛ እንደሆነ ስለሚያውቁ ፡፡መዝ (89፡ 11-13) “ ሰማያት የአንተ ናቸው ምድርም የአንተ ናት ፤ ዓለምንና ሞላዉም አንተ መሰረትህ ፡፡ ሰሜንና ደቡብን አንተ ፈጠርህ ፤ ታቦርና አርሞንዔም በስምህ ደስ ይላቸዋል ፡፡ ክንድህ ከኃይልህ ጋር ነው ፤ እጅህ በረታች ቀኝህም ከፍ ከፍ አለች “ ይላል (መዝ 89፡ 11-13) ፡፡

መዝሙር (121፡ 3-4)፡ ማክአርቱር መዝሙረኛዉን እግዚአብሄርን እንደ ጠባቂዉ እንዳየዉ ተመለከተ ፤ መዝ (91፡ 11-13) ተመሳሳይ ሀሳብ ገልፆአል፡ “ በመንገድህ ሁሉ ይጠብቁህ ዘንድ መላእክቱን ስለ አንተ ያዝዛቸዋልና ፤ እግርህም በድንጋይ እንዳትሰናከል በእጆቻቸው ያነሱሃል ፡፡ በተኩላና በእባብ ላይ ትጫማለህ ፤ አንበሳዉንና ዘንዶዉን ትረግጣለህ “ ፡፡ መዝ (31፡ 8) “ በሰፊም ስፍራ እግሮቼን አቆምህ “ ይላል ፡፡

መዝሙረኛው (121፡ 5-6)፡ ማክአርቱር እግዚአብሄር እንደ ጠባቂ መገለፁን አዬ ፡፡ ኢሳ (25፡ 4) “ የጨካኞችም ቁጣ እስትንፋስ ቅጥርን እንደሚመታ ዐዉሎ ነፋስ በሆነ ጊዜ ለድሀዉ መጠጊያ ለችግረኛው በጭንቁ ጊዜ መጠጊያ ከዉሽንፍር መሸሸጊያ ከሙቀትም ጥላ ሆነሃል “ ይላል ፤ ኢሳ (49፡ 2) “ አፌንም እንደ ተሳለ ሰይፍ አድርጎአል በእጁ ጥላ ሰዉሮኛል ፤ እንደ ተሳለ ፍላጻም አድርጎኛል በሰገባዉም ዉስጥ ሸሽጎኛል “ ይላል ፡፡ እግዚአብሄር በሁሉም ሁኔታ ዉስጥ ሁሉንም ቀን ህዝቡን ይጠብቃል ፤ በፍፁም አንድም ቀን አይተዉም ፡፡ ይጠብቃችኋል ፡፡

መዝሙር (121፡ 7-8)፡ ማክአርቱር እግዚአብሄርን እንደ ጠባቂያችን ገልፆታል ፡፡ እግዚአብሄር ወደ ኢየሩሳሌም ሲጓዙ በጉዞአቸዉ ላይ ከሕዝቡ ጋር ይሆናል ነገር ግን “ አሁን እና ለዘላለም ከመምጣትና ከመሄዳቸዉ “ (ቁጥር 8) ጋር ሁሉንም ጊዜ አብሮአቸዉ እንደሚሆንም ቃል ገብቶላቸዋል ፡፡ በኢየሩሳሌም ያሉ ቤቶች ለዘዳ (6፡ 9-12) በመታዘዝ ከቤቱ በር ቋሚዎች ጋር የተጣበቀ ጥቂት የመፅኀፍ ጥቅል ሙዝሀዎች አሉት፡ “ በቤትህም መቃኖች በዳጃፍህም በሮች ላይ ጻፈው ፡፡ አምላክህ እግዚአብሄር ለአንተ ሊሰጣት ለአባቶችህ ለአብርሃምና ለይስሐቅ ለያዕቆብም ወደ ማለላቸው ምድር ባገባህ ጊዜ ፤ ያልሰራኃቸዉም ታላቅና መልካም ከተሞች ፤ ያልሞላሃቸዉንም ሀብትን የሞሉ ቤቶች ያልማስሃቸዉንም ወይንና ወይራ በሰጠህ ጊዜ በበላህና በጠገብህም ጊዜ ፤ በዚያን ጊዜ ከግብፅ ምድር ከባርነት ቤት ያወጣህን እግዚአብሄርን እንዳትረሳ ተጠንቀቅ “ ፡፡ እግዚአብሄር እስራኤልን ይደግፋል ነገር ግን ለእነርሱ እግዚአብሄር አድርጎላቸዉ የነበረው ሁሉ አዉቀዉ ራሳቸዉን ያነቃሉ ፡፡ ዘዳ (11፡ 20-21) “ እርስዋንም እንዲሰጣቸው እግዚአብሄር ለአባቶቻችሁ በማለላቸው ምድር እንደ ሰማይ ዘመን በምድር ላይ ዘመናችሁ የልጆቻችሁም ዘመን ይረዝም ዘንድ በቤትህ መቃኖችና በደጃፍህም በሮች ላይ ጻፈው “ ይላል ፡፡ የእግዚአብሄር ቃል ሕዝቡ ለሚያስፈልጋቸዉ ሁሉም ነገር ነበር ፡፡

መደምደሚያ

ስቴቨን ኮል ስለ እግዚአብሄር የጥበቃ/የመከላከል እጅ አራት እዉነታዎችን አስቀምጧል፡

1. ንፁህ ህሊና ካለን ሀሜተኞች ወይም የሌሎች ተቃዉሞች እያሉ እግዚአብሄር ለእኛ እንደሆነ ማወቅ እንችላለን ፡፡ “ እንግዲህ ስለዚህ ነገር ምን እንላለን ? እግዚአብሄር ከእኛ ጋር ከሆነ ማን ይቃወመናል ? ለገዛ ልጁ ያልራራለት ነገር ግን ስለ ሁላችን አሳልፎ የሰጠው ያው ከእርሱ ጋር ደግሞ ሁሉን ነገር እንዲያው እንዴት አይሰጠንም ? እግዚአብሄር የመረጣቸውን ማን ይከሳቸዋል ? የሚያጸድቅ እግዚአብሄር ነው የሚኮንንስ ማን ነው ? የሞተው ይልቁንም ከሙታን የተነሳው በእግዚአብሄር ቀኝ ያለዉ ደግሞ ስለ እኛ የሚማልድው ክርስቶስ ኢየሱስ ነው “ (ሮሜ 8፡ 31-34) ፡፡ የእግዚአብሄርን ጥበቃ ለመረዳት ወደ እግዚአብሄር በንፁኅ ፅላት መምጣት አለብን ፡፡
2. የእግዚአብሄርን ሉዓላዊነት ካወቅን በአላማዉ መሰረት እንደሚከላከልልንና እንደሚጠብቀን እርሱን መታመን እንችላለን ፡፡
3. በመስቀሉ ላይ በግላችን ምህረቱን ከተቀበልን ሁሉንም ችግሮች እንዴትም ቢያስፈራሩ ችግር እንደሌላቸዉ የእግዚአብሄርን ምህረት ለማዉራት እንደ እድል እናያቸዋለን ፡፡ “ ወንድሞች ሆይ የእምነታችሁ መፈተን ትዕግስትን እንዲያደርግላችሁ አዉቃችሁ ልዩ ልዩ ፈተና ሲደርስባችሁ እንደ ሙሉ ደስታ ቁጠሩት ፤ ትዕግስትም ምንም የሚጎድላችሁ ሳይኖር ፍጹማንና ምሉዓን ትሆኑ ዘንድ ስራዉን ይፈጽም “ (ያዕ 1፡ 2-4) ፡፡ የእግዚአብሄርን ጥበቃ በምናዉቅ ጊዜ እግዚአብሄር በብዙ እርሱን እንድንመስል ለማድረግ ነገሮችን እንድንቀምሳቸዉ እንደሚፈቅድልን እንረዳለን ፡፡
4. ለእኛ ህይወቱን ዝቅ አድርጎ ያስቀመጠዉን አዳኛችንን ስንከተል ለእርሱ መሰጠታችንን ዋጋዊን ለመክፈል ዝግጁና ፍቃደኞች መሆን አለብን ፡፡

እግዚአብሄር ሉዓላዊ እንደሆነ ለማወቅ ወደ ግብዣዉ/ገበታው በንፁኅ ህሊና፣ በንፁህ አይምሮ መምጣት ያስፈልገኛል ፤ እግዚአብሄር ሁሉም በቁጥጥሩ ነው ፡፡ ሁኔታዉ ታላቅ ባይሆንም እንኳን ሁሉም ነገር በብዙ እርሱን እንድመስል ለማድረግ እድል ነው ፡፡ ሌሎች እርሱን እንዲያዩ ህይወቴን ለመሰዋት ፍቃደኛ ነኝ ? ምንም ይሁን እግዚአብሄር ኋላችሁን ስላገኘው በማወቅ መንገድ ላይ የሚዘመር የመንገድ ጉዞ ነው ፡፡