Affection For The Lord

መግቢያ

ዛሬ ወደ መዝሙር 116 እንገባለን ፡፡ ከመጀመራችን በፊት ስለሌሎቹ ሁለት መዝሙሮች ጥቂት ጣዕሞች/ነገሮች አሉ ፤ መዝሙር 117 ሁለት ቁጥሮች ብቻ ያሉት እና የመፅኀፍ ቅዱስ አጭሩ ምዕራፍ ነው ፡፡ መዝሙር 118 ከአጭሩ መዝሙር በመቀጠል እና ከረጅሙ መዝሙር 119 በፊት ወዲያዉኑ የሚመጣ ነው ፡፡ ስለ መዝሙር 116 የተለየዉ ነገር ከዚያ የሚመጣዉ ለእግዚአብሄር ያለዉ ፍቅር ነው ፡፡ አንዳንድ ጊዜ ከመታወቅ የሚበልጥ ፍቅር ለእግዚአብሄር ያላቸዉን ሰዎች እናገኛለን ፤ በእዉነት ከእግዚአብሄር ጋር የተገናኘ ልብ አላቸው ፡፡

ትምህርት

መዝሙር (116፡ 1-2)፡ መዝሙረኛው እግዚአብሄር ልመናዉን ስለሰማው እግዚአብሄርን እወደዋለሁ አለ (ቁጥር 1) ፤ ይህ ኪዳናዊ ፍቅር ነው ፡፡ የምንለዉን ለመስማት የተፅዕኖ ሰዎች ለመስማት በሚፈልጉ ጊዜ እንወደዋለን - እዚህ ጋር መዝሙረኛዉ እንደገለፀዉ ማለት ነው ፡፡ ያስደንቃል ! የአለም ፈጣሪ ሁሉጊዜ ወደ እርሱ በምንጣራ ጊዜ ድምፃችንን ይሰማናል ፤ እግዚአብሄር ጆሮቹን ወደ እኛ ያዘነብላል - ከእኛ መስማትን ይፈልጋል ወደ እኛ በማዳመጥም ይደሰታል ፡፡

በዮሐ (10፡ 27) ኢየሱስ “ በጎቼ ድምፄን በመስማት ይከተሉኛል “ አለ ፤ ነገር ግን በዚህ ጥቅስ ላይ ኢየሱስ “ አዉቃቸዋለሁ “ እንዳለም እንዳትረሱ ፡፡ እግዚአብሄር እንዴት ድምፃችሁን እንደሚያዉቀዉ አስቡ - ድምፃችሁ ምን እንደሚመስል በትክክል ያውቀዋል ፤ ምክንያቱም የንግግራችንን ድምፅ ስለሚያዉቅ ለእኛ ፍቅር ስላለዉ ፡፡ በ 1ዮሐ (5፡ 14) ሐዋሪያዉ ዮሐንስ “ እንደ ፍቃዱ አንዳች ብንለምን እንደሚሰማን “ አረጋግጦልናል ፡፡ በመዝ (116፡ 1-2) ምስጋና የፍቅር መሰረት እንደሆነ ሀሳቡን እናያለን ፡፡

መዝሙር (116፡ 3-11)፡ ከሞት ነፃ መዉጣታችንን እናያለን ፡፡ አንዳንድ ሰዎች ምን ያክል እግዚአብሄርን በጥልቀት በሚወዱት እና ነፃ በወጡበት መካከል ግንኙነት ሊኖር ይችላል ? በቁጥር 3 ወጥመድ አንድን እንሰሳ ለመያዝ የሚጠቅም እናንተን የሚያደናብር ነገር ነው ፡፡ መዝሙረኛው ሞት እርሱን እንደከበበው ወይም በዙሪያዉ እንደሸፈነው ተናገረ ፡፡ “ ጣር “ መዝሙረኛዉ “ ሲዖል “ ወይም “ ሞት “ በእርሱ ላይ በወደቀበት ጊዜ የተሰማው ድንገተኛ ወይም አደገኛ ስሜታዊ ህመም እንደ ሆነ ይገለፃል (ቁጥር 3) ፡፡ በዚህ ችግር መካከል ላይ መዝሙረኛዉ እግዚአብሄርን ተጣራ (ቁጥር 4) ፡፡

መዝሙረኛው የእግዚአብሄርን ቸርነትና ምህረትን ገለፀ (ቁጥር 5) ምክንያቱም በችግራችን ዉስጥ ስለሚያገኘን ፡፡ እግዚአብሄር አያዳላም ወይም ወደ ሰራችሁት ስራ ለማየት አይመለከትም - በቀላሉ በሚያስፈልጋችሁ መካከል ላይ ያገኛችኋል ፡፡ ጭንቀታችሁን በመስማት ይመልስላችኋል (ቁጥር 6) ፡፡ መዝሙረኛው ከሞት ነፃ ያወጣዉን (ቁጥር 8) የእግዚአብሄርን ቸርነት ስላመሰገነ (ቁጥር 8) በሕያዉ አገር ከእግዚአብሄር ጋር መጓዝ ይችላል (ቁጥር 9) ፡፡ በቀደመዉ ቁጥሮች ላይ መዝሙረኛዉ ወደ ሞት በጣም ቀርቦ እንደነበርና የሞት ጣር ከብቦት እንደነበር ያስታዉሳሉ ፤ ነገር ግን እግዚአብሄር ከሞት ወደ ህያዉ አገር ሳበው ፡፡ በህያዉ ምድር/አገር ላይ ከኢየሱስ ጋር መጓዝን እናገኛለን ፤ በሰማይ ከእርሱ ጋር እንጓዛለን ፤ ይህ ወደ አይምሮ የሮሜ (6፡ 23) “ የኃጢዓት ደሞዝ ሞት ነዉና ፤ የእግዚአብሄር የጸጋ ስጦታ ግን በክርስቶስ ኢየሱስ በጌታችን የዘላለም ህይወት ነው “ የሚለዉን ቃል ያመጣል ፡፡ ከሞት ብቻ አይደለም የዳነው ከእግዚአብሄርና ከኢየሱስ ጋር እንጓዛለንም እንጂ ፡፡ ከእግዚአብሄር ጋር በሰማይ ስለመኖር ማሰብ ስለ እግዚአብሄር ምላሻችንን ይቀይረዋል ፡፡

ከእግዚአብሄር ጋር የጠለቀ ግንኙነት ሲኖረን ጭንቀታችንን በመስማት ከሚያጠቃን ነገር ያድነናል (ቁጥር 10) ፡፡ ለእርሱ የምንለዉን ነገር ሁሉ ይሰማል፣ ባዘነበለ ጆሮ ያደምጠዋል ፤ ለእኛ ባለዉ ፍቅር ምክንያት የምንጠይቀዉን ሁሉ ሊያደርግልን ይፈልጋል ፡፡

መዝሙር (116፡ 12-19)፡ በእነዚህ ሁሉ ዉጤቶች ለማመስገን የተሰጠን ነን ፡፡ መዝሙረኛው “ ስላደረገለት ሁሉ “ ለእግዚአብሄር እንዴት “ እንደሚመልስ “ ተጨነቀ (ቁጥር 12) ፡፡ ምስጋናዎቻችን ምንድን ናቸው ? ኃጢዓታችንን ከእኛ በመዉሰድ ከጉድጓድ አነሳን ፡፡ በዚህ ምድር ላይ ስንኖር በሰማይ ላይ ከእግዚአብሄር ጋር መኖርን እናገኛለን ፤ እንዲሁም ደግሞ በትንሳኤ ኃይል መጓዝን እናገኛለን - በዉስጣችን በሚገኘዉ መንፈስ ቅዱስ ፤ ይህ ጉዞአችንን በማጠንከር ሌሎች ሰዎችን እንድናገለግል ይፈቅድልናል ፡፡ በምንፈለገዉ በማንኛዉም ጊዜ ከእግዚአብሄር ጋር ማዉራትን እናገኛለን ምክንያቱም ድምፃችንን ስለሚያዉቅ ጆሮዎቹን ወደ እኛ ስለሚያዘነብል ፡፡ ከዚያም መዝሙረኛው “ በሕዝቡ ሁሉ ፊት ስዕለቴን ለእግዚአብሄር እፈጽማለሁ “ ብሏል (ቁጥር 14) ፡፡ እግዚአብሄር በህይወታችን ያደረገልንን ለእነርሱም ፍቅሩን እንደሚቀምሱት ተስፋ በማድረግ ከሌሎች ጋር መነጋገር/ማካፈል እንችላለን ፡፡

የቅዱሳንን ሞት ለምን እግዚአብሄር እንደ ከበረ ይመለከተዋል (ቁጥር 15) ? አዲሱ ኪንግ ጀምስ የጥናት ፅሁፍ “ እግዚአብሄርን በማገልገል በሞት /እንደ ሞቱ የተቆጠሩ ለእግዚአብሄር የከበሩና የዳኑ ናቸው ፤ ከአካላዊ ሞት ባያመልጡም እንኳን የዘላለም ህይወት ይኖራቸዋል/ይቀምሳሉ “ ይላል ፡፡ አንዴ ከዳንን የእግዚአብሄር ስራን እያደረግን ነው - ጥቂት ወይም ብዙ እያደረግን ይሆናል - ስለዚህ በእርሱ ፊት የከበርን ነን ፡፡ አንዱ ሌላ ነገር በዚህ ሀሳብ ዉስጥ ልናነበዉ የምንችለዉ ስለ ራስ መሞት ነው ፤ ስለ ራሳችን ስንሞት እግዚአብሄር በእኛ ዉስጥ እንዲሰራ እንፈቅድለታለን ፡፡ ራሳችንን መካድ ስንቀጥል በማሻሻል፣ እንዲያሳድግ ወደ እግዚአብሄር በይበልጥ የቀረበ እንዲሆን እግዚአብሄርን ይፈቅድለታል ፡፡

አገልጋዩ ራሱን ከባርነቱ “ ለቅቆት “ እንደ ነበር እግዚአብሄር አገልጋይ አወጀ (ቁጥር 16) ፡፡ እግዚአብሄር መዝሙረኛውን ከሞትና በባርነት ዉስጥ ሊያቆየዉ ከሚፈልግ ማንኛዉም ነገር ነፃ አዉጥቶት ነበር ፡፡ ኢየሱስ እግራቸዉን ባጠበ ጊዜ በሰገነቱ ላይ በደቀ መዛሙርቱ ላይ ይህን አሳይቷል ፤ የአገልጋይነት አሳብ ኢየሱስ ለእነርሱ ያሳየው አንዱ የመጨረሻዎ ነገር ነበር ፡፡ እንደ አማኝ ኢየሱስንና ሌሎችን እናገለግላለን ፡፡

መዝሙረኛው “ ለእግዚአብሄር የምስጋና መስዋዕት እሰዋለሁ “ አለ (ቁጥር 17) እንዲሁም ለእግዚአብሄር ስዕለቱን ለመፈፀም ፍላጎቶን/ሀሳቡን ደገመ (ቁጥር 18) ፡፡ ለሌሎች እግዚአብሄር ለእናንተ ያደረገላችሁን ከመናገር በላይ ሌላ ታላቅ ምስክርነት ምንድን ነው ? መዝሙረኛውም እግዚአብሄርን ለማመስገን በመጨረሻ ጥሪዎ አጠቃለለ (ቁጥር 19) ፡፡ ጆሮአችንን ወደ እግዚአብሄር ማዘንበል አለብን ምክንያቱም እግዚአብሄር ለኛ የሚለን ብዙ ስላለው ፤ ወደ ኑሮአችን ዉስጥ የሚናገረዉ ብዙ እዉነቶች አሉት ፡፡ እግዚአብሄር እንድንካፈለዉ የሚፈልገዉ ብዙ ድርጊቶች እና እንድናገለግላቸዉ የሚፈልጋቸዉ ብዙ ሰዎች አሉት ፡፡ ጆሮአችንን ወደ እርሱ ለማዘንበል/ለማደማጥ ጊዜ ስንወስድ በህይወታችን ላይ ሲንቀሳቀስ እናየዋለን ፡፡

መደምደሚያ

ከእግዚአብሄር ጋር በጣም የቀረበ ግንኙነት አለን ምክንያቱም፡ 1) ከእርሱ ጋር በኪዳን ትስስር ዉስጥ ነን፣ 2) ምክንያቱም ስለሚሰማን እና 3) ምክንያቱም ስለምንሰማዉ ፡፡ ስለዚህ ከእግዚአብሄር ጋር በግንኙነታችን ብዙ ፍቅር እንዴት አድርገን እናመጣለን ? ለእርሱ ባለን ፍቅር እና እርሱ ለእኛ ባለዉ ፍቅር ላይ የተመሰረተ ነው ፡፡ በህይወታችሁ ያደረገልችሁን በመዝገባችሁ ላይ ጠብቁ ፤ ከምን ነፃ እንዳወጣችሁ - ከሞት ብቻ አይደለም ነፃ ያወጣን ከሌላ ከምን ነገርስ አዉጥቶናል ? እርሱን ለማመስገን እና በሕዝቦቹ መካከል ምስክርነትን ለመስጠት የተሰጠን እንሁን ምክንያቱም በሰማይ ላይ ወደ እርሱ መመለሳችንን በጭንቀት እየጠበቀ ስለሆነ ፡፡