Godly Character Through Opposition

መግቢያ

መዝሙር 109 እንደ አንድ እርግማን መዝሙር የተመደበ ሲሆን ትርጉሙም የእግዚአብሄርን ፍርድ ወይም መቅሰፍት በጣላቶች ላይ እንዲሆን ልመና ማለት ነው ፡፡ የመዝሙር መፅኀፍ የእነዚህን መዝሙር ብዙዎች ሲይዝ ምናልባትም ይህ መዝሙር የእነዚህን ሁሉ አደገኛን ፍርድ አወጀ ፡፡

ትምህርት

መዝሙር (109፡ 1-5)፡ ዳዊት በተቃርኖ ምላሽ ሰጠ ፤ የዳዊት የኑሮ ስታይል የምስጋና ስታይል ነበር (ቁጥር 1) ፡፡ በተመሳሳይ በክርስቶስ የሆንን እግዚአብሄርን ማመስገን የኑሮ ስታይላችን የሆነ መሆን አለበት “ እንግድህ ጌታን ክርስቶስን ኢየሱስን እንደ ተቀበላችሁት በእርሱ ተመላለሱ ፤ ስር ሰዳችሁ በእርሱ ታነጹ እንደ ተማራችሁም በሃይማኖት ጽኑ ምስጋናም ይብዛላችሁ “ (ቆላ 2፡ 6-7) ፡፡ የዳዊት ህይወት በምስጋና የታወቀ ስለ ነበር እርሱ እንደዳደረገዉ ተመሳሳይ ከማያደርጉት እግዚአብሄርን ከማይወዱት ከሌሎች ጋር በቅርርብ ይኖራል ፤ ከዚህም የተነሳ ሌሎች ዳዊትን በመጥፎ ሁኔታ ተመለከቱት (ቁጥር 2-5) ፡፡

የዳዊት ባህሪያት በመዝሙሩ በመጀመሪያዉ ክፍል ዉስጥ የተመሰረተ ነበር፡

1. ዳዊት እግዚአብሄርን አመሰገነ (ቁጥር 1) ፤ “ ዳዊትም በጉባኤዉ ሁሉ ፊት እግዚአብሄርን ባረከ ፤ ዳዊትም አለ አቤቱ የአባታችን የእስራኤል አምላክ ሆይ ከዘላለም እስከ ተባረክ “ (1ዜና 29፡ 10) ፡፡
2. ዳዊት ወደ እግዚአብሄር ፀለዬ ፤ “ በወደድኋቸው ፋንታ አጣሉኝ እኔ ግን እጸልያለሁ “ (ቁጥር 4) ፡፡
3. ዳዊት ሌሎችን ይወዳል ፤ “ በወደድኋቸው ፋንታ “ (ቁጥር 4) ፤ ዳዊት ጠላቶቹን ይወዳል ፡፡

መዝሙር (109፡ 6-20)፡ ዳዊት ለተቃዉሞዉ ምላሽ ሰጠ ፡፡ ዳዊት ወዲያዉኑ በእግዚአብሄር ላይ መደገፉን እና ጠላቶቹን መዉደዱን ከመግለፅ በመመለስ እግዚአብሄር በጠላቶቹ ላይ እንዲሰራ ይጠይቃል ፡፡ ዳዊት እግዚአብሄርን በጠላቶቹ ላይ “ ክፉ ሰዉን እንዲያስቀምጥ “ (ቁጥር 6)፣ የጠላቶቹ ፀሎት “ እንደ ኃጢዓት እንዲቆጠር “ (ቁጥር 7) እና በሌሎች ፍርዶች መካከል ለእግዚአብሄር “ ዘመኑ ጥቂት እንድትሆን “ (ቁጥር 8) ፡፡ በሐዋ (1፡ 20) ጴጥሮስ የሹመት ስፍራን ሌላ ሰዉ እንደሚወስደዉ ሐዋሪያት እንደተመለከቱ አድርጎ ቁጥር 8 ጠቅሶታል ፡፡

ዳዊት ለሌሎች በፍቅሩ ባህሪይ የታወቀ ቢሆንም እግዚአብሄርን በጠላቶቹ ቤተሰብ ላይ ከባድ ፍርድን እንዲያዉጅ ጠየቀው ፤ ዳዊት እግዚአብሄርን “ ልጆቹም ድሀ አደግ ይሁኑ “ (ቁጥር 9), ጠላቱንም “ ባለዕዳም ያለዉን ሁሉ ይበርብረው “ (ቁጥር 11) እና “ ለድሀ አደግ ልጆችም “ የሚያግዝ አይኑር (ቁጥር 12) በማለት ጠየቀ ፡፡ በተጨማሪም ዳዊት እግዚአብሄርን የጠላቶቹ ልጆች “ ልጆቹ ይጥፉ ፤ በአንድ ትዉልድ ስሙ ይደምሰስ “ (ቁጥር 13) እንዲሁም የጠላቶቹ ቤተሰቦች “ የአባቶቹ ኃጢዓት በእግዚአብሄር ፊት ትታሰብ ….. በእግዚአብሄር ፊት ሁል ጊዜ ይኑር “ (ቁጥር 13-15) በማለት ጠየቀ ፡፡

መዝሙር (109፡ 16-20)፡ እነዚህ ቁጥሮች ዳዊት በጠላቶቹ ላይ እንዲሆኑ የእግዚአብሄርን ከባድ ነገሮችን የጠየቀበትን ምክንያት ያስቀምጣሉ ፡፡ ጠላቶቹ “ ለተቸገረ፣ ለሚስኪንና ልቡ ለተሰበረ “ ስለማያስብ ይልቁንም “ ለመግደል “ ስለተመለከተ (ቁጥር 16) ፡፡ የዳዊት ጠላት “ መርገምን ይወዳል “ እንዲሁም “ በበረከት ደስታን አልወሰደም “ ስለዚህም ዳዊት እግዚአብሄርን የተረገመ እንዲሆንና በረከት ከእርሱ እንድትርቅ እንዲፈቅድ ጠየቀው (ቁጥር 17) ፡፡ ዳዊት እግዚአብሄርን ይህ እርግማን የጠላቱን አካል እንዲሰብረዉ፣ እንደ ልብስ ወይም እንደ መታጠቂያ ዙሪያዉን እንዲሸፍነዉ ጠየቀ (ቁጥር 18-19) ፡፡

የዳዊት ጥያቄዎች በሰዎስት መንገድ መረዳት ይቻላል፡ መጀመሪያዉ ዳዊት ሁሉንም ቅሬታዎቹንና ምሬቶቹን ወደ እግዚአብሄር በማምጣት ፍራቱን ለእግዚአብሄር መናገር ይችላል ፤ ሁለተኛው ዳዊት በግል ድርጊት/አፀፉ ሳይወስድ እነዚህን ነገሮች በጠላቶቹ ላይ እንዲያመጣ እግዚአብሄርን በመጠየቅ መፀለይ ይችላል ፤ ሰዎስተኛው ዳዊት ነገሮቹ በጠላቶቹ ላይ እንደሚሆኑ በማመልከት መተንበይ ይችላል ምክንያቱም እንዲህ አይነት ተመሳሳይ ነገር በፈፀሙ ሰዎች ላይ እነዚህ ፍርዶች እንደሚሆኑ መፅሀፍ ስላወጀ (ዘዳ 27፡ 15-26) ፡፡

መዝሙር (109፡ 21-23)፡ ዳዊት እርዳታን ጠየቀ ፡፡ ዳዊት ለደረሰበት ተቃዉሞ ምላሹን ካደረገ በኋላ እግዚአብሄርን እርሱን በመመልከት ምህረት እንዲያደርግለት ጠየቀው (ቁጥር 21) ፤ ይህ በአመለካከቱ ላይ አስደናቂ ለዉጥ ነበር ፡፡ እግዚአብሄርን ማመስገን የዳዊትን አመለካከት በመቀየር በመዝሙር 109 ቀድመን ወዳየነው የሰዉ ባህሪይ መልሶ አመጣው ፡፡ ይህ ሰው “ እንደ ምህረቱ መጠን እንዲያድነው “ (ቁጥር 26) ሙሉ ለሙሉ በእግዚአብሄር ላይ የተደገፈ እንደ ነበር ያውቃል ፡፡ አሁን ዳዊት እርሱ እንዳደረገዉ በተመሳሳይ መንገድ ጠላቶቹ የእግዚአብሄርን ምህረት እንዲያዉቁ ፈለገ (ቁጥር 27) ፡፡ የጠላቱ ባህሪይ ላይቀየር ይችላል (ቁጥር 28-29) ነገር ግን ዳዊት እግዚአብሄርን ማመስገን ለመቀጠል ወሰነ (ቁጥር 30) ፡፡

መደምደሚያ

በክርስቶስ ስለተዋጀን ዳዊት እንዳለዉ ተመሳሳይ ባህሪይ ያለን ሰዎች ነን ፡፡ እንደ ዳዊት ተቃዉሞ የሚደርስብን ጊዜዎች ይኖሩናል ፡፡ ጠላት ወደ ብስጭት ዉስጥ እንድንገባ ሊያታልለን ይሞክራል ፤ ነገር ግን በፀሎት አቋቋም ፀንተን ከቆየን እግዚአብሄር ያን ሸክም ከእኛ ይወስዳል፣ ልባችንንም ትሁት በማድረግ መጀመሪያ ለእኛ የሚገባንን ወዳደረገልን ባህሪይ ይመልሰናል ፡፡

በተቃዉሞ መካከል ላይ ለእግዚአብሄር ክብር እንዴት እናመጣለን ?

በተቃዉሞ ምላሽ መስጠት ፤ ጠላት እስከ ምን ያክል እንደሆነ ጊዜ በመዉሰድ በሚገባ ምላሽ መስጠት ትችላላችሁ ፡፡ ነገሩን ለእግዚአብሄር በመስጠት በመልካም መንገድ ምላሽ መስጠትን መምረጥ ትችላላችሁ ፤ በመጥፎ ነገር ምላሽ ለመስጠት ብትመርጡም እንኳን እግዚአብሄር ከዚያ ዉስጥ ሊያወጣችሁ ይችላል ፡፡

የእግዚአብሄርን እርዳታ መጠየቅ ፤ እግዚአብሄር ልባቸዉን መቀየር ይችላልም በእናንተም ዉስጥ ባለዉ በክርስቶስ ባህሪይ እንድትኖሩ ይረዳችኋል ፡፡

እግዚአብሄር ሰላምን፣ ኃይልን፣ ጥበብን እና በሆነ ጊዜ ላይ በሚቃወማችሁ ማንኛዉም ነገር ሂደት ዉስጥ እንድትሄዱ ትህትናን ይሰጣችኋል ፡፡ የእግዚአብሄርን እርዳታ ስትጠይቁ ዳዊት ወደ ጀመረበት ባህሪይ ይመልሳችኋል፡፡ ተቃዉሞ እየጨመረ የሚሄድ ነው ነገር ግን እንድታሸንፉ በእናንተ ዉስጥ ኃይል አላችሁ ፡፡