Blatant Sin Against God

መግቢያ

አንድን ፊልም ለመመልከት እንዴት ትመርጣላችሁ ? የድብድብ ? የድራማ ? የኢያሱ መፅሀፍ እነዚህ ሁሉ አሉት ፡፡ ትናትና እስራኤላዊያን ኢያሪኮን ሲይዙ ኢያሱ 6 ላይ ተመልክተናል ምክንያቱም የእግዚአብሄር እቅድ ስለ ነበር ፤ በታሪኩ የተደረጉ ብዙ ድርጊቶች ነበሩ ፡፡ የዛሬዉ ፅሁፍ ድራማ ያመጣል ፤ እስራኤላዊያን ወደ ተስፋይቱ ምድር ሲሄዱ በእግዚአብሄር እጅ እንደ ነበሩ ያውቃሉ ፤ በሚያሳዝን ሁኔታ ግን ሁል ጊዜ በዚያ እዉቀት በመታመን አልቀጠሉም ፡፡

ትምህርት

ኢያሱ (7፡ 1)፡ ቁጥር 1 ያን አለመታመን ያመለክታል ፡፡ እግዚአብሄር እስራኤላዊያንን በኢያሪኮ ያለዉን ሁሉንም ነገር ለእግዚአብሄር ከተገባዉ እና ለረዓብ እና ለቤተሰቦቿ ከሆነ ነገር በስተቀር እንዲያጠፉ አዞአቸዉ ነበር (ኢያ 6፡ 17-19) ፤ ይሁን እንጂ አንድ እስራኤላዊ እነዚህን ነገሮች አልተከተለም ይልቁንስ ከእግዚአብሄር ንብረት ጥቂት ብር፣ ወርቅ፣ ንሐስ እና ብረት መዉሰድ መረጠ ፤ ጥፋተኛዉ ሰዉ አካን ከይሁዳ ነገድ ነበር ስለዚህም ከክርስቶስ የዘር ግንድ ተጋርቷል ፡፡ የእግዚአብሄር “ ቁጣ “ በአካን ላይ ብቻ ሳይሆን በእስራኤላዊያን ሁሉ ላይ ነደደ ፤ የእግዚአብሄር ቁጣ ለምን በሁሉም ላይ ነደደ ?ዋይርስቤ “ እስራኤል በእግዚአብሄር አንድ ሰዉ እንደ ነበር እንጂ የተለያየ ነገድ፣ ጎሳ፣ ቤተሰብ እና ግለሰቦች ስብስብ እንዳልሆነ ይገልፃሉ “ ፡፡ የአካን ስም ትርጉሙ “ ችግር(አስጨናቂ) “ ማለት ሲሆን በቁጥር 25 መሰረት እስራኤልን ያስጨነቀ ሰዉ በመባል ታወቀ ፤ የኔልስን ማብራሪያ “ የንብረት መስረቅ “ (NKJV) የሚለዉን ሀረግ “ አሳልፎ እንደ መስጠት ተቃዉሞ “ መረዳት እንደ ሚቻል ይገልፃል ፡፡

ኢያሱ (7፡ 2-5)፡ ከኢያሪኮ ድል ማድረግ በኋላ ኢያሱ ሰዎችን እንደ ሰላዮች ወደ ጋይ ላከ ፡፡ “ ጋይ “ የሚለዉ ስም “ ጥፋት/ኪሳራ “ ማለት ሲሆን ትንሽ ከተማ ነበረች (12,000 ህዝብ ያለባት ኢያ (8፡ 25) ፡፡ በዕብራዉያን “ ሰላይ “ የሚለዉ ቃል በትርጉሙ የእግሮችን ትርጉም ይይዛል እኛንም እንደ ገና ወደ ፊት የሚጓዝ እግር ወደ ሚለዉ ሀሳብ ያመጣናል ፡፡ ሰላዮቹም ሰዎቹ በጣም ጥቂት እንደ ነበሩ ኢያሱም ብዙ ቁጥር ወታደሮች መያዝ እንደ ማያስፈልገዉ ከ 2,000 እስከ 3,000 ብቻ እንደ ሚበቃ ሪፖርት አደረጉለት ፤ የኢያሪኮን ከተማ ለመዉሰድ ወደ ከተማዋ የሄዱትን 40,000 ወታደሮችን አስታዉሱ (ኢያ 4፡ 13 ተመልከቱ) ፤ ይህ ይሁን እንጂ ትንሹ 3,000 ጦር ከጋይ ሸሹ ፡፡ ከእግዚአብሄር እቅድ ይልቅ የሰዉ እቅድ ማስረጃ ነው (ምሳ 16፡ 18) ፡፡ ሲሸሹ 36 እስራኤላዊ ወታደሮች ተገደሉ ሁሉም የእስራኤልም ህዝብ “ ልብ ቀለጠ እንደ ዉሃም ሆነ “ (ቁጥር 5) ፡፡ አስታዉሉ በእስራኤላዊያን አምላክ ኃይል ምክንያት የኢያሪኮያዊያን ልብ እንዴት እንደ ጠፋ (እንደ ቀለጠ) (ኢያ 2፡ 11) ፤ አሁን ደግሞ ካደረጉአቸዉ ሁለተኛ ዉጊያዎች የመጀመሪያ ሽንፈት ሲገጥማቸዉ ተመሳሳይ ነገር ተፈጠረ ፡፡

ኢያሱ (7፡ 6-9)፡ ኢያሱና ሽማግሌዎቹ ልብሳቸዉን ቀደዱ፣ በራሳቸዉ ላይ ትቢያ አደረጉ በማዘንም መሬት ላይ በግንባራቸዉ ተደፉ (ዘፍ 37፡ 34፣ መሳ 20፡ 26፣ መዝ 6፡ 6፣ ኢሳ 32፡ 12፣ ሰቆ ኤር 2፡ 10፣ ዕዝ 9፡ 5) ፡፡ ጦርነቱን ለምን እንደ ተሸነፉ ኢያሱ አልገባዉም ነበር (ቁጥር 7) ፡፡ እስራኤላዉያን በምድረበዳ እንደ ነበሩ ምን እያደረጉ እንደ ነበር ጠይቀዉ ነበር (ዘጸ 16፡ 3፣ ዘኁ 20፡ 3-5) ፤ አሁን ደግሞ ኢያሱ በተመሳሳይ ስለ እግዚአብሄር ዝና እንኳ ሲል እንዴት ይህ ይሆናል በማለት አጉረመረመ (ቁጥር 8-9) ፡፡ በፀሎትና በፆም ጊዜ እንዲያዳምጠዉ እና ፈጣን ምላሽ እንዲወስድ ወደ እግዚአብሄር በተጣራ ጊዜ ዳንኤል ይህ ተመሳሳይ አሳብ ነበረው (ዳን 9፡ 16-19) ፡፡

ኢያሱ (7፡ 10-12)፡ በምላሹም እግዚአብሄር ኢያሱን ለምን መሬት ላይ እንደ ተደፋ ጠየቀው (ቁጥር 10) ፤ እግዚአብሄር “ እስራኤል ኃጢዓት እንደ ሰራ “ እና “ ኪዳኑን እንደ ጠሳ “ ገለፀለት ፡፡ ለእርሱ ከተለየዉ ነገር ከእግዚአብሄር ሰርቀዉ ነበር (ቁጥር 11) ፤ እግዚአብሄር ወቀሳ የሚያቀርብበት እያንዳንዱ ኃጢዓት “በእነርሱ “ ላይ - በሁሉም እስራኤላዊ ላይ ነበር ፡፡ የኔልሰን ማብራሪያ “ እግዚአብሄር ለእስራኤል እና ለከነዓናዊያን ለሁለቱም የፀና ስርዓት ነበረው….አንድ ሰዉ እንኳን ቢሆን እስራኤል ብልሹ አሰራር እንዲለምድ አልፈቀደም በተለይም ትዕዛዙን በተመለከተ ጥሰቱ በጣም ግልፅ በነበር ጊዜ “ በማለት ይገልፃል ፡፡ እስራኤላዊያን በጋይ ላይ መቆም ያልቻሉበት ምክንያት ይህ እንደ ነበር እግዚአብሄር ገለፀ (ቁጥር 12) ፤ ጥፋታቸዉን ካላስወገዱ በቀር እግዚአብሄር ከእነርሱ ጋር አይሆንም ፡፡

ኢያሱ (7፡ 13-15)፡ እግዚአብሄር ኢያሱን እስራኤልን ከእርሱ የለያቸዉን ኃጢዓታቸዉን እንዲያስወግዱ እና በእርሱ ፊት ለመምጣት እንዲዘጋጁ ህዝቡን እንዲቀድስ ነገረው (ቁጥር 13) ፡፡ በእግዚአብሄር ፊት ራሳቸዉን በየነገዳቸው፣ በየቤተሰባቸዉ ከዚያም አንዱ እግዚአብሄር በተጣራው መሰረት በየሰዉ ይቀርባሉ (ቁጥር 14) ፤ ጥፋተኛዉም በሚገባ ቅጣት የሚቃጠል ይሆናል (ቁጥር 15) ፡፡ የኔልሰን ማብራሪያ ጥፋተኛዉ ሰዉ “ ስለ እግዚአብሄር ፍቃድ ትርጉም የሌለዉ እና ለፍላፊ እንደ ነበር “ ይናገራል ፡፡ ይህንን በአዲስ ኪዳን አዉድ ብምናስቀምጠዉ ጊዜ ወደ ኃጢዓት በምንመርጥ ጊዜ ትርጉሙ በእርሱ ለመኖር መስቀሉ ለእኛ በቂ አይደለም እያልን ነዉ ማለት ነው ፡፡ አካን አታላይ በመሆን ተያዘ !

ኢያሱ (7፡ 16-19)፡ ነገዶች ወደ ፊት መጡ የይሁዳም ነገድ ተመረጠ ( ምናልባትም በካህናት ስር በኩል ተለየ ( 1ሳሙ 23፡ 6, 9፣ 30፡ 7-8) ፤ ከዚያም የይሁዳ ወገን ወደ ፊት መጣ የዛራንም ወገን ተለየ (ቁጥር 17) ከዚያም ዘንበሪም ተለየ ፤ ከዚያም የዘንበሪም ቤተሰብ ሰዉ በሰዉ ወደ ፊት መጡ ፤ አካንም ተለየ (ቁጥር 18) ፡፡ አካን አድርጎት የነበረውን ተናዘዘ (ቁጥር 19-21) ፤ ኢያሱም ሰርቆት የነበረዉን ነገር እንዲያገኙት አካን ድንኳን ዉስጥ ሰዎችን ላከ በእግዚአብሄር ፊትም አቀረባቸው ፡፡ ከዚያም አካንን እና ቤተሰቦቹን ወደ አኮር ሸለቆ በመዉሰድ እስኮሞቱ በድንጋይ በመዉገር አካላቸዉን አቃጠሉት (ቁጥር 22-26) ፡፡ አካን የተናገረው አያዉ፣ ፈለገው(ተመኘው)፣ በመስረቅ ደበቀው ፤ ሁል ጊዜኃጢዓትን ለመደበቅ እንሞክራለን ፡፡

መዝጊያ

ሁል ጊዜ እግዚአብሄር ኃጢዓታችንን ያውቃል ፤ ከእርሱ ልንደብቀዉ አንችልም፡

• መዝ (139፡ 7)፡ “ ከመንፈስህ ወዴት እሄዳለሁ ? ከፊትህስ ወዴት እሽሻለሁ ? “

ኤር (16፡ 17)፡ “ ዓይኔ በመንገዳቸው ሁሉ ላይ ነው ፤ ከፊቴም አልተሰወሩም ኃጢዓታቸዉም ከዓይኔ አልተሸሸጉም “ ፡፡

ግን አዲስ ዜና አለን ፤ በአዲስ ኪዳን ምክንያት ለኃጢዓታችን የእግዚአብሄር ይቅር ባይነት ዋስትና አለን ፡፡