The Mystery of Wisdom

መግቢያ

በዛሬዉ ምዕራፍ ኢዮብ በእርሱ ላይ ምን ሆኖበት እንደ ነበርና እንዴት ወዳጆቹ መልሰዉለት እንደ ነበር በሁለቱም መታገሉን ቀጠለ ፡፡ የኢዮብ ምላሽ ወዳጆቹ ብለዉት ለነበሩት ነገሮችና ስለ ህይወት ተፈጥሮና መከራ አጠቃላይ ህይወት ስለ ሁለቱም የተወሰነ ነበር ፡፡

ትምህርት

ኢዮብ (28፡ 1-11)፡ ኢዮብ ከምድር ዉድ የሆኑ ብረቶችን ብርን፣ መዳብን፣ ወርቅንና ብረትን በማካተት ከመሬት የሚገኙበትን ሂደት ገለጸ ፤ የሰዉ ልጅ ከምድር በታች ያሉትን የሚያስፈልጉትን እቃዎች/ነገሮች ለማዉጣት በእዉቀት እንደ በለፀገ መሆኑን አጉልቶ ያሳያል ፡፡ በሂደቱ ሌሎች ፍጥረት ያልሄዱበትንና በፍፁም ያልታዩበትን ስፍራ ላይ ሄደም ተጓዘም ፡፡ የሰዉ ልጅ እዉቀት “ ከድንጋይ ዉስጥ መንዶልዶያ በመዉቀር “ (ቁጥር 10) እና “ ፈሳሹ እንዳይንጠባጠብ በመገደብ “ (ቁጥር 11) በጣም ያደገ ነው ፡፡

ኢዮብ (28፡ 12-19)፡ ብልህነታቸዉንና ችሎታቸዉን ያሳዩትን ብዙ የሰዉ ልጅ ቴክኖሎጂ መሻሻሎችን ከተመለከተ በኋላ ኢዮብ የሚጠቁም/የሚያመለክት ጥያቄ፡ “ ነገር ግን ጥበብ የምትገኘዉ ወዴት ነዉ ? “ (ቁጥር 12) በማለት ይጠይቃል ፤ ኢዮብ ጥበብ በዉቅያኖስ ወይም በባህር ዉስጥ ሊገኝ እንደማይችል አመለከተ ፡፡ ጥበብ በወርቅ ወይም በብር ሊገዛ አይችልም ፤ ጥበብ ከማንኛዉም ዉድ ድንጋይ፡ ከወርቅ፣ ከብር፣ ከመርገድ፣ ከሰንፔር፣ ከዛጎል፣ ከእምነበረድ፣ ከሸክኒት ወይም ከዕንቁ በጣም የከበረ ነበር ፡፡

ኢዮብ (28፡ 20-28)፡ የብዙ አይነት የከበሩ እቃዎችን ምንጭና በከበሩ ድንጋዮች ላይ ያለዉን የጥበብን ዋጋ በደንብ በማብራራት ካመለከተ በኋላ ኢዮብ እንደ ገና “ እንግዲያስ ጥበብ ከወዴት ትመጣለች፣ የማስተዋልስ ስፍራ ወዴት ነው ? “ (ቁጥር 20) በማለት ጠየቀ ፡፡ ኢዮብ ጥበብ “ ከሕያዋን ሁሉ ዓይን ተሰዉራለች “ (ቁጥር 21)፣ ጣፋትና ሞትም ስለ ጥበብ ምንጭ መስማታቸዉን ፃፈ ፡፡

ሰዉ የሚያዉቃቸዉን ሁሉንም ነገሮች በጥንቃቄ ከዘረዘረ በኋላ ከዉድ እቃዎች በላይ ጥበብ ምን ያክል ዋጋዉ እንደሚበልጠው እና የጥበብን መደበቅ አጉልቶ በማሳየት ኢዮብ “ እግዚአብሄር መንገድዋን ያስተዉላል እርሱም ስፍራዋን ያዉቃል “ (ቁጥር 23) በማለት ይናገራል ፡፡ እግዚአብሄር አለምን በመፍጠር ልክ እንደ ንፋስ፣ እንደ ዝናብ እና እንደ ብርሃን አይነት ሂደቶቹን ገደብ ባደረገላቸዉ ጊዜ ጥበብን መሰረተ ፡፡ እግዚአብሄር ጥበብን ስለመሰረተ ኢዮብ “ እነሆ እግዚአብሄርን መፍራት ጥበብ ነዉ ፤ ከኃጢዓትም መራቅ ማስተዋል ነው “ (ቁጥር 28) በማለት አጠቃለለ ፡፡ የእግዚአብሄርን መንገድ ማወቅ እግዚአብሄርን ከመፍራት ጋር እኩልና ጥበብ የሚገኝበት ነበር ፡፡ አንድን ሰዉ ከክፉ ነገር እንዲመለስ የሚያደርጉትን ነገሮች ማስተዋል እግዚአብሄርን የመፍራት ምላሽ ነበር ፡፡

“ በክርስቶስ ለማድረግ እንደ ወደደ እንደ አሳቡ የፈቃዱን ምስጢር አስታዉቆናልና ፤ በዘመን ፍፃሜ ይደረግ ዘንድ ያለዉ አሳቡም በሰማይና በምድር ያለዉን ሁሉ በክርስቶስ ለመጠቅለል ነው “ (ኤፌ 1፡ 9-10) ፡፡ ኢዮብ, ኤልፉዝ, በልዳዶስ እና ሶፋር ሁሉም “ የፍቃዱ ሚስጥር “ ምን እንደ ነበር ለመሳል ሞከሩ ፡፡

“ አስቀድሜ በአጭሩ እንደ ፃፍሁ ይህን ምስጢር በመግለጥ አስታወቀኝ ፤ ይህንም ስታነቡ የክርስቶስን ምስጢር እንዴት እንደማስተዉል ልትመለከቱ ትችላላችሁ ፤ ይህም አሕዛብ አብረዉ እንዲወርሱ በአንድ አካልም አብረዉ እንዲሆኑ በወንጌልም መስበክ በክርስቶስ ኢየሱስ በሆነ የተስፋ ቃል አብረው እንዲካፈሉ ለቅዱሳን ሐዋርያትና ለነቢያት በመንፈስ አሁን እንደ ተገለጠ በሌሎች ትዉልዶች ዘንድ ለሰዉ ልጆች አልታወቀም “ (ኤፌ 3፡ 3-5) ፡፡ ኢዮብና ወዳጆቹ ሙሉ ባልሆነ መገለጥ ታገሉ ፤ በዚያን ጊዜ መጥቶ ስላልነበር ስለ ክርስቶስ ሙሉ እዉቀት አልነበራቸዉም ፡፡

“ ፍለጋ የሌለዉን የክርስቶስን ባለ ጠግነት ለአሕዛብ እሰብክ ዘንድ ሁሉንም በፈጠረው በእግዚአብሄር ከዘላለም የተሰወረው የምስጢር ስርዓት ምን እንደሆነ ለሁሉ እገልጥ ዘንድ ይህ ጸጋ ከቅዱሳን ሁሉ ይልቅ ለማንስ ለኔ ተሰጠ “ (ኤፌ 3፡ 8-9) ፡፡ ኢዮብ ስለ ተፈጠረዉ አለም በብዙ ተረድቷል ነገር ግን የእግዚአብሄርን ዉስብስብነት ለመረዳት ታገለ በተለይም ከመለኮታዊ ፍትህ አንፃር ፡፡

“ ለእኛም ይገለጥ ዘንድ ካለዉ ክብር ጋር ቢመዛዘን የአሁኑ ዘመን ስቃይ ምንም እንዳይደለ አስባለሁ “ (ሮሜ 8፡ 18) ፤ ይህ ኢዮብ ያጣዉ አመለካከት ነበር ፡፡ ጳዉሎስ በህይወቱ መከራ ቢደርስበትም የደረሰበትን መከራ ተራ የሚያደርግ ክብር የሚቀበልበት ቀን እንዳለ ተረድቷል ፡፡

“ እግዚአብሄርንም ለሚወዱት እንደ አሳቡም ለተጠሩት ነገር ሁሉ ለበጎ እንዲደረግ እናዉቃለን “ (ሮሜ 8፡ 28) ፤ ኢዮብና ወዳጆቹ በዚህ ተፈተኑ ምክንያቱም ይህ በጊዜዉ ስላልተገለጠ ፡፡ በሰዉ ምክንያት የኢዮብን ችግር በማሰላሰል/በማቅረብ መረዳታቸዉ ገደብ ላይ ደረሱ ፤ የእግዚአብሄርን መንግስትና በምድራዊ ሰዉነት ግንኙነቱን ለመረዳት በራሳቸዉ መንገድ ለማቅረብ አልቻሉም ፡፡

እግዚአብሄር ሁሉንም ነገር አዲስ ያደርገዋል ፤ ተመልሶ በመምጣት ሁሉንም ነገር ይመልሰዋል ፡፡ ከእግዚአብሄር አመለካከት አንፃር ነገሮችን መመልከት ስንችል በትክክለኛው መንገድ እንመለከታቸዋለን ፡፡ ሁኔታዎቻችንን ከእግዚአብሄር እይታ አንፃር ስንመለከተው ብንሞት እንኳን እንደ ገና በክብር ከእርሱ ጋር እንደምንሆን እንረዳለን ፤ ሁኔታዎቻችንን ከእግዚአብሄር እይታ አንፃር ስንመለከተው ሁሉንም ነገር ለመልካም እንደሰራዉና የወደፊት ክብር ከአሁኑ ችግር በብዙ እንደሚበልጥ እንረዳለን ፡፡ ነገር ግን ኢዮብ ሙሉ ለሙሉ እነዚህን ሀሳቦች አልተረዳቸዉም ፡፡

ኢዮብ (29፡ 1-25)፡ ኢዮብ ነገሮች እንዲሆኑ ለተጠቀመበት መንገድ ሀዘኑን ይገልፃል ፤ በቀድሞ/በፊት የእግዚአብሄር ጓደኝነት ተሰምቶታል (ቁጥር 4-5)፣ አሁንም የራሱ ልጆች ነበሩት (ቁጥር 5)፣ የስልጣን ስፍራ ነበረው (ቁጥር 7)፣ ታላቅ ጥበብ እንዳለዉ ያስብ ነበር (ቁጥር 8-11) እና ስለ ፍትህ ድሆችንና የተጨቆኑትን ረዳ (ቁጥር 12-17) ፡፡ በስቃዩ መካከል ላይ ኢዮብ እግዚአብሄር በህይወቱ ስፍራ እንደ ነበረዉ ያውቃል ፡፡ የተንከራተተ መሰለ “ እግዚአብሄርን ማገልገለ በዚህ ልክ ለምን አስቸጋሪ ይሆናል ? “

መደምደሚያ

ለጌታ ለመኖርና እንደ ቃሉ ለመኖር ምርጫን ባደረግን ጊዜ ከአንዳንድ ነገሮች ተለይተናል ፤ ነገር ግን ያን ተመሳሳይ ምርጫ በእምነት ተመሳሳይ አስተሳሰብ ካላቸዉ ከሌሎች ጋር በመቀላቀል አዲስ ንብረት የሆነን ስፍራ እናገኛለን ፡፡