Exile, Wrath, And Judgement

መግቢያ

በአራቱ ታላላቅ ነቢያት መፅኀፍት (በኢሳይያስ፣ በኤርምያስ፣ በሕዝቅኤል እና በዳንኤል) ዉስጥ ሁል ጊዜ ስለ ነፃ መዉጣት መልዕክቶች ነበሩ ፡፡ ሁሉም ስሕተቶቿ እና ክፉ አድራጎቷ እያሉ እስራኤል አሁንም የዳዊት ጻድቅ ቁጥቋጦ ነበረች ፡፡ እግዚአብሄር ጣልቃ ስለገባ የእስራኤል ሕዝብ የራሳቸዉ ነፃነት ሊኖራቸዉ ቻለ ፡፡

ትምህርት

ኤርምያስ (24፡ 1-14)፡ በዚህ ምዕራፍ ዉስጥ ኤርምያስ ሕዝቡ ወደ ባቢሎን ይሄዱ እንደነበር ትንቢትን ተናገረ ፡፡ ዋይርስቤ “ ከክርስቶስ ልደት 597 በፊት ባቢሎናዊያን በምድሪቱ እንዲሰሩ ድሀዎቹን ብቻ በመተው ንጉስ ዮአኪንን ከብዙ ታዋቂ እና ቁልፍ ሰዎች ጋር አፈለሱት (2ነገ 24፡ 14-16) ፤ ይህ ለይሁዳ የመጨረሻዉ መጀመሪያ ነበር ኤርምያስም በኃይለኛው ጭንቀት ዉስጥ እንደ ነበር ጥርጥር እንደሌለ “ ይገልፃል ፡፡

እግዚአብሄር ኤርምያስን የበለስ ቅርጫቶችን በማሳየት ኤርምያስ ምን እንዳዬ ጠየቀው ፤ ኤርምያስ የበለስ ቅርጫቶችን እንዳዬ ምላሽ ሰጠ - የመልካሙን በለስ እና የመጥፎዉን በለስ ሁለቱንም እንዳዬ ፡፡ መጥፎዎቹ በለሶች የማይበሉ እና በጣም መጥፎዎች ነበሩ ፤ መልካሞቹ በለሶች እግዚአብሄርን የሚታዘዙትን የእስራኤልን ቅሬታዎችን ይወክላሉ ፡፡ እግዚአብሄር ኤርምያስን ቅሬታዎቹን ከምድሪቱ ቢልካቸዉም እነርሱን መጠበቁን በመቀጠል በመጨረሻም ወደ ምድሪቱ እንደሚመልሳቸዉ ነገረው ፡፡ እግዚአብሄር እንደሚመልሳቸዉ እና እንደሚገነባቸዉ ከስራቸዉም እንደማያጠፋቸዉ ቃል ገባ ፤ የእግዚአብሄርም ሕዝብ ይሆናሉ እግዚአብሄርም አምላካቸዉ ይሆናል ፡፡ እግዚአብሄር እርሱን የሚያዉቅ ልብ ይሰጣቸዋል ፤ ይህ የአዲስ ኪዳን አስተሳሰብ ነበር ፡፡

የይሁዳ ንጉስ ሴዴቅያስ አብረዉት ከሚሰሩት ባለስልጣኖቹ/ሰራተኞቹ እና እግዚአብሄርን ያልተከተሉት የይሁዳ ቅሬታዎች የመጥፎዉ/የተበላሸዉ በለስ ቅርጫት እንደሚወክሉ የታዩ ነበሩ ፡፡ እግዚአብሄር የተበላሹትን በለሶች ይተዋቸዋል/አይቀበላቸውም ፤ ለአሕዛብ ሁሉ የመጥፋትን መልክ ይወክላሉ ፡፡ የበለሶቹ ስዕል 12 የእስራኤል ነገዶች ይወክላሉ ፡፡ ሰይፍ፣ ርኃብ እና መቅሰፍት እግዚአብሄርን በማይታዘዙትን ወይም በማይከተሉት ሕዝቦች ላይ ጥቅም ላይ ይዉላሉ ፡፡

ዋይርስቤ “ ኤርምያስ በምዕራፍ 25 እና 26 የተመዘገበዉን መልዕክት በሚያደርስ ጊዜ ለ23 አመታት ያገለገለ ነበር ፤ ከክርስቶስ ልደት ከ626 በፊት ወደ ትንቢት አገልግሎት የተጠራ ሲሆን ከክርስቶስ ልደት ከ587 ከኢየሩሳሌም ዉድቀት በኋላ አገልግሎቱን በመቀጠል ከ40 አመታት በላይ እንዳገለገለ “ ይናገራል ፡፡ ኤርምያስ የይሁዳን እና የኢየሩሳሌምን ሰዎች ከእነዚያ 23 አመታት በኋላ ያዳመጡ ወይም የሚታዘዙ እንዳልነበሩ ነገራቸው ፡፡ ሁል ጊዜ በየቀኑ ፍርድን እና ንስኃን እየሰበከ ነበር ፤ እግዚአብሄር ብዙ ነቢያቶችን ልኮላቸዉ እንደ ነበርና ማንኛዎቹም ሰምተዋቸዉ እንዳልነበሩ አሳሰባቸው ፡፡

በቁጥር 5 ኤርምያስ መልዕክቱን በመደጋገም ጣዖትን በማምለክ እግዚአብሄርን በቁጣ እንዳያነሳሱት ማበረታታቱን ቀጠለ ፤ እዚህ ስፍራ ላይ የኤርምያስ መልዕክት በሁለት አቅጣጫ ሄዷል ፤ አንዱ የፍርድ መልዕክት ለይሁዳ ነበር፣ ሌለኛዉ መልዕክት ደግሞ ለአሕዛቦች ነበር ፡፡ እግዚአብሄር ባቢሎናዊያን እንደ ወኪል ይጠቀምባቸዋል ፡፡

ዋይርስቤ በቁጥር 9 ስለ ናቡከነደፆር ማሳያን ይገልፃል፡ “ ናቡከነደፆር በእዉነተኛዉ በእስራኤል አምላክ በእግዚአብሄር የሚያምን አልነበረም ነገር ግን በእርሱ ድል ማድረግ የእግዚአብሄርን ፍቃድ እየፈፀመ ነበር (51፡ 20-23) “ ፡፡ የኔልሰን ማብራሪያ “ ናቡከደነፆር….. አገልጋዬ፡ ይህ ገለፃ የባቢሎናዊያን ገዢዎች የእስራኤልን አምላክ ያመልካሉ ማለት አይደለም በቀላሉ የእግዚአብሄርን አላማ ለመፈፀም በእግዚአብር ጥቅም ላይ የዋለ ማለት ነበር( በኢሳ (45፡ 1 ) በእግዚአብሄር የተቀባ ተብሎ እንደተጠራው ልክ እንደ ቂሮስ) “ ይገልፃል ፡፡ እግዚአብሄር አላማዉን ለማስፈፀም ክፉ ነገስታትን ተጠቅሟል ፡፡

በቁጥር 11 “ ስለዚች ጠቅላላ ምድር “ ንግግሩ ሁሉንም ይሁዳ እና እስራኤል የሚያመለክት ነበር ፡፡ የባቢሎናዊያን ምርኮ ለ70 አመታት ይቆያል ፡፡ የኔልሰን ማብራሪያ “ ይህ በመጀመሪያዉ ቤተ መቅደስ መፈራረስ (ከክርስቶስ ልደት 586 በፊት) እና የሁለተኛዉን ቤተ መቅደስ መገንባት (ከክርስቶስ ልደት 520-515 በፊት ) መካከል ከ66 እስከ 72 አመታትን ያክል ይወክላል ፡፡ 70 አመት የሚለዉ ሀረግ ለባቢሎናዊያን ምርኮ የቀረበ የጊዜ ቆይታን ምርጥ ማሳያ ነው፣ ይህ እምቅ ባህሪይ ያለዉ ቁጥር ነው ፤ አስር ሰባቶች ፡፡ በተጨማሪም በምርኮ የዳንኤልን ትኩረት የያዘ ቁጥር ነው (ዳን 9፡ 2) “ በማለት ይገልፃል ፡፡ ለ 70 አመታት እስራኤልን ለምርኮ የመስጠት ምክንያት ለምድሪቱ እረፍት ለመስጠት ነበር ፤ እግዚአብሄር እስራኤላዊያንን ለምርኮ በመስጠት ምድሪቱን ያድሳል ፡፡

በቁጥር 12 ኤርምያስ 70 አመት መጨረሻ ላይ እግዚአብሄርየባቢሎንን ሕዝብ ከለዳዉያንን በመጠቀም እንደሚያጠፋ እና ምድራቸዉን ለዘላለም ባድማ እንደሚያደርግ ትንቢትን እየተናገረ ነበር ፡፡ ሕዝቡን ያለ አግባብ እና ስርዓት በሌለ መልኩ በመያዛቸዉ ምክንያት ይፈረድባቸዋል ፡፡

ከቁጥር (1-14) በኋላ አይሁዶችን እና የ70 አመት ምርኮኝነትን በመድረስ ኤርምያስ ወደ አሕዛቦች ዞረ (ቁጥር 15-38) ፡፡ አሕዛቦች የእግዚአብሄርን ፍርድ እንዴት እንደሚቀምሱ/እንደሚቀበሉ ለመግለፅ ስምንት ስዕሎችን ጥቅም ላይ ዉለዉ ነበር፡ የመዓት ፅዋ፣ የሚጮኽ/የሚያጓራ አንበሳ፣ ሙግት፣ ማዕበል፣ ተቃዉሞ፣ የተሰባባረ ሸክላ እና የታረደ መንጋ ፤ ከእነዚህ ስዕሎች እያንዳንዳቸዉ የፍርድ ምሳሌዎች ነበሩ ፡፡ ስዕሎቹ በእግዚአብሄር ላይ ኃጢዓት ያደረጉት የሁሉንም ሕዝቦች ጥፋት ደግመዉ ደግመው ይናገራሉ ፡፡

መደምደሚያ

በምዕራፍ 26 ኤርምያስ እንደ ገና በቤተ መቅደሱ ላይ ለንስኃ አይሁዶችን ተጣራ ፤ ይህ እንደ ነቢይ ተጠርቶ እንደ ነበር ኤርምያስ እርግጠኛ ከሆነ ከ23 አመታት በኋላ ይከሰታል ፡፡ በትንቢቱ ኤርምያስ አይሁዶችን ለ70 አመታት በምርኮ እንደሚሆኑና እግዚአብሄርም በምድራቸዉ መልሶ እንደሚያቋቁማቸው ስለዚህም ተስፋ እንዳለ ነገራቸው፡፡ በአሕዛብ ላይ ያለ ፍርድ የመጨረሻ ነበር ፡፡