Messenger, Sufferer, Watchman, And Sign

መግቢያ

ሕዝቅኤል ጥልቅ እና ኃይለኛ ነበር ፡፡ በዚህ ምዕራፍ ዉስጥ ሕዝቅኤል “ ይህን እንዲበላው “ ተነግሮት ነበር ፤ ሕዝቅኤል ራዕይ ባዬ ጊዜ እያለቀሱ ከነበሩት ምርከኞች ጋር ነበር ፡፡ ሕዝቅኤል የሚያብረቀርቅ ብርሀን፣ ኪሩቤል፣ አራት ህያዋን ፍጥረቶች፣ አራት ፊት፣ ክንፎች፣ መንኮራኩሮች ያላቸዉ እና ሁሉም በሚያዝዛቸዉ በእግዚአብሄር መንፈስ እንደሚንቀሳቀሱ ያየዉ ራዕይ ነበረው ፡፡ በተጨማሪም በወገቡ ዙሪያ ላይ እሳት ያለዉ ከአንድ ሰዉ ጋር የሆነ ዙፋንም ነበር ፤ ይህ የሚያስደንቅ የእግዚአብሄር መገኘት ራዕይ ነበር ፡፡ “ መለኮታዊ መገለጥ/መታየት ለሕዝቅኤል በ (1፡ 1-28) ሲሆን ለሕዝቅኤል መለኮታዊ አሳይመንቱ ደግሞ በምዕራፍ (2፡ 1-3፡ 27) ነበር “ ፡፡ ሕዝቅኤል ወደ አመፀኞቹ እስራኤላዊያን የመሄድ አሳይመንትን አገኘ ፡፡

በሁለተኛዉ የግዞት መወሰድ ጊዜ ሕዝቅኤል እዛዉ ነበር ፡፡ የመጀመሪያዉ የስደት ጊዜ በዳንኤል ጊዜ ነበር ፤ ሁለተኛዉ ስደት ደግሞ በሕዝቅኤል ጊዜ ነበር ፤ ሰዎስተኛዉ ስደት ደግሞ ከክርስቶስ ልደት በፊት 586 ይሆናል ፡፡ ዉድቀቱ በተከናወነ ጊዜ ከክርስቶስ ልደት 586 በፊት ጊዜ ሕዝቅኤል በኢየሩሳሌም ይሆናል ፤ እግዚአብሄር ሕዝቅኤልን እስራኤላዊያን የማይወዱትን እና የማይቀበሉትን መልዕክት እየሰጠዉ እንደ ነበር እየነገረዉ ነበር ፡፡ ሕዝቅኤል ቃሉን የማይናገር ከሆነ በራሱ ላይ ይሆንበታል ፤ ቃሉን ከተናገረና በቃሉም ምንም ነገር ካላደረጉ በራሳቸዉ ላይ ይሆናል ፡፡ እግዚአብሄር ቃል ከተናገረና ከተቀበሉት ሁሉም ሰዉ ያሸንፋል ፤ ነገር ግን በዚህ ሁኔታ ማንም ይህን ሊቀበለዉ አልፈለገም ፡፡

ትምህርት

ሕዝቅኤል (3፡ 1-9)፡ ሕዝቅኤል ይህን መፅሐፍ እንዲበላ እና ለእስራኤል ቤት እንዲናገር ተነገረው ፡፡ በእግዚአብሄር ለእርሱ ተመግቦት የነበረዉን መፅኀፉን በበላዉ ጊዜ አሁንም ሕዝቅኤል በራዕይ ዉስጥ ነበር ፤ ጣዕሙ እንደ ማር ነበር ፡፡ ማክአርቱር “ መልዕክቱ በእስራኤል ላይ ስለፍርድ ቢሆንም እንኳን መፅኀፉ ታፋጭ ነበር ምክንያቱም የእግዚአብሄር ቃል ስለ ነበርና (መዝ 19፡ 10, 119፡ 103) ኤርምያስም የተደሰተበትን በቅድስና፣ በፅድቅ፣ በታማኝነት እና በክብር እግዚአብሄርን ስላረጋገጠ (ኤር 15፡ 16) “ በማለት ይገልፃል ፡፡ ቃሉ አስቸጋሪ ይሆናል ነገር ግን በቃሉ ዉስጥ ጥፍጥና ነበር ምክንያቱም ከእግዚአብሄር ስለ ነበር ፡፡ ከፍርዱ የተነሳ በዉስጡ መራርነት ሊኖር ይችላል ነገር ግን ጣፋጭ ነበር ፡፡

በቁጥር (4-27) የእግዚአብሄር ቃል እወጃ ነበር ፡፡ እግዚአብሄር መልዕክተኛ እንዲሆን ሕዝቅኤል አስፈለገው ፤ እስራኤል ተደራሻ ስትሆን መልዕክቱ የእግዚአብሄር ቃል ነበር ፡፡ ዋይርስቤ “ ሕዝቅኤል መልዕክተኛዉ እንደ ነበር የእስራኤል ሰዎች ደግሞ ተደራሾቹ እንደ ነበሩና የእግዚአብሄር ቃል ደግሞ የሚደረሰዉ መልእክት እንደ ነበር “ ይናገራል ፡፡ ሕዝቅኤልን የሰሙት አብዛኛዎቹ ሰዎች ከይሁዳ ከደቡቡ መንግስት ነበሩ ፡፡

እንደ ዋይርስቤ አገላለፅ “ ነቢዩ የተተካን መልዕክተኛ እንዲልክ እንዲሁም ደግሞ መልዕክቱን እንዲቀይር እና ወደ ተለዩ ተደራሾች እንዲሄድ አልተፈቀደለትም ነበር “ ፡፡ ሕዝቅኤል አዋጅ ነጋሪ ነበር ፤ መልዕክቱን እንዴትም ይቀበሉት እንደ ነበር የሚጨነቅ/የሚያስብ አልነበረም፣ መሄድ ብቻ ነበረበት ፡፡ ምንም እንኳን እግዚአብሄር አይሰሙም ቢልም ሕዝቡ ምን እያለ እንደ ነበር መረዳት ይችላሉ ፡፡ ሕዝቅኤል የሄደበት ክርስቶስ ከሄደበት ጋር ተመሳሳይ ነበር ፡፡

እግዚአብሄር ሕዝቅኤልን ያበረታዋል ፤ ዋይርስቤ “ እግዚአብሄር ለነቢዩ በተቃዉሟቸዉ እና አለመታዘዛቸዉ ፊት መቆም እንዲችል የሚያስፈልገዉን ሁሉ እንደሚሰጠው አረጋገጠለት ፤ በሕዝ (3፡ 8) በሕዝቅኤል ስም ላይ የሚጠነጥን ቃል ጨዋታ ነዉ ማለትም “ እግዚአብሄር ኃያል ነው “ ወይም “ እግዚአብሄር ያበረታል ማለት ነው ፤ በተጨማሪም እግዚአብሄር ያጠነክራል ማለት ነው ፡፡ ሕዝቡ ልባቸዉን እና ፊታቸዉን ቢያጠነክሩም እግዚአብሄር አገልጋዩን በማጠንከር ለአገልግሎቱ/ለተልዕኮ የታመነ ያደርገዋል “ በማለት ይገልፃል ፡፡ እግዚአብሄር ነቢዩን እንደ ስሙ ትርጉም እንዲኖር ያስችለዋል ፡፡

ሕዝቅኤል (3፡ 10-15)፡ በቁጥር 10-15 ሕዝቅኤል እንደ መከራ ተቀባይ እንዲሁም እንደ መልዕክተኛ እንደ አንድ ምሳሌ በመሆኑ ሽግግር ነበር ፡፡ ወደ ሰማይዊ ወደ ሆነ ራዕይ ዉስጥ ከፍ ተደርጎ ነበር ፤ በምዕራፍ 1 ሕዝቅኤል ራዕይ ነበረው፣ በምዕራፍ 2 እግዚአብሄር ራዕዩን እያቀረበለት ነበር፣ በምዕራፍ 3 ወደዚህ ራዕይ ዉስጥ ተነስቶ/ከፍ ተደርጎ ነበር ፡፡ ሕዝቅኤል ከፍ በተደረገ ጊዜ በተበሳጨ መንፈስ ዉስጥ ነበር ፤ የምሬት እና ከፍ የመደረግ እርግጠና አለመሆን በስሜታዊነት የመመለስ ዉጤትን ያመጣል ፡፡ ሕዝቅኤል ግራ ተጋብቶ እና ተበሳጭቶ ነበር ነገር ግን እግዚአብሄር የአይሁድ ምርኮኞች በነበሩበት ስፍራ በቴልአቢብ በሕዝቡ ፊት ለፊት አስቀመጠው ፤ በሚያስደንቅ ሁኔታ ሕዝቅኤል በዚያ ለሰባት ቀን ተቀመጠ ፡፡

እዚህ ስፍራ ላይ ሕዝቅኤል እያለፉበት በነበረዉ ሁኔታ ዉስጥ በሕዝቡ መካከል ነቢይ ነበር ፤ ለማይረዱት ሕዝቦች ቃሉን እያቀረበ ነበር ፡፡ ክርስቶስን ከገጠመዉ ነገር ጋር ተመሳሳይነት ነበረው ፡፡ ክርስቶስ ፈተና ምን እንደ ነበር፣ ድህነት ምን እንደ ነበር፣ ፍርኃት ምን እንደ ነበር፣ ድካም ምን እንደ ነበር እና መገፋት ምን እንደ ነበር ያውቃል ፤ ሕዝቅኤል ብስጭት ምን እንደ ነበር፣ ኃዘን ምን እንደ ነበር እና መናቅ/መዘለፍ ምን እንደ ነበር ያውቃል ፤ በተጨማሪም ብቸኝነት ምን እንደ ነበርም ያውቃል ፡፡ እኛ ባለፍንበት ሁሉ አልፏል ፡፡

ሕዝቅኤል (3፡ 16-17)፡ ዋይርስቤ ሕዝቅኤል “ መልዕክተኛ፣ መከራ ተቀባይ እና ጠባቂ “ እንደ ነበር ያመለክታል ፤ በእግዚአብሄር መገኘት ፊት ነበር አሁን ደግሞ ከሕዝቡ ጋር ተመልሶ ነበር ፡፡ ሕዝቡ አይሰሙትም ወይም አይቀበሉትም ፤ “ ይህ ተግባር በአንድ ከተማ ቅጥር ላይ የጠላትን መቅረብ በንቃት በመከታተል ነዋሪዎችን ለመከላከል እንዲሰበሰቡ ከሚያደርግ አንድ ዘበኛ ተግባር ጋር በመንፈሳዊነት ይመሳሰል ነበር ፤ ነብዩ ስለቀረበዉ ፍርድ በጊዜዉ ማስጠንቀቂያዎችን ሰጥቷል ፡፡ የዘበኛ ስራ ቀድሞ በ2ሳሙ (18፡ 24-27) እና 2ነገ 9፡ 17-20) በግልፅ የተቀመጠ ነው “ ፡፡

ሕዝቅኤል (3፡ 18-21)፡ በቁጥር 18 ለክፉ ሰዉ ቃልን ተናግሯል ፤ ማስጠንቀቂያ የተሰጠዉ አንድ ክፉ ሰዉ ካልተቀየረ ይሞታል ነገር ግን ነቢዩ የራሱን ሕይወት ያድናል ፡፡ ከፅድቅ ስራዉ ዞር ያለ አንድ ፃድቅ ሰዉ መንገዱን ካልቀየረ ይሞታል ፤ ነገር ግን በቁጥር 21 ኃጢዓት እንዳይሰራ አንድ ጻድቅን ሰዉ ካስጠነቀቅከው እና ኃጢዓትን ካላደረገ እና ማስጠንቀቂያዉን እና ነቢዩን ከሰማ ህይወቱን ያድናል ፡፡ ዋይርስቤ “ አራቱ ሁኔታዎች/ችግሮች የሚይዙት፡ የመጀመሪያው ዘበኛዉ ያልታመነ ስለነበርና ስላላስጠነቀቃቸዉ ሕዝቡ ይሞታል፣ ሁለተኛው ዘበኛውክፉዎችን ለማስጠንቀቅ የታመነ ይሆናል ነገር ግን አይሰሙትም፣ ሰዎስተኛው ከኪዳን መታዘዛቸዉ በመመለሳቸዉ እና ዘበኛው ስላላስጠነቀቃቸዉ ፃድቃን ይሞታሉ እና የመጨረሻው ፃድቃን የዘበኛዉን ማስጠንቀቂያ የሰሙ ስለሚሆን የተፈረደባቸዉ አይሆኑም “ በማለት ይገልፃል ፡፡ ሕዝቅኤል ቃሉን ካላደረሰ በራሱ ላይ ይሆንበታል ፡፡

ሕዝቅኤል (3፡ 22-27)፡ በተጨማሪም ሕዝቅኤል እንደ ምልክት አገለገለ ፤ ዋይርስቤ “ ሕዝቅኤል ለሕዝቡ የእግዚአብሄርን ቃል ብቻ አልተናገረም ነገር ግን በፊታቸዉ የእግዚአብሄር መልዕክት ምን እንደሚመስል በሚያዩበት መንገድ በፊታቸዉ እንደ ኖረ “ ይላል ፡፡ በሜዳ ላይ የእግዚአብሄርን መገኘት እንደ ገና አገኘው ፤ መንፈስ ቅዱስ በመምጣት በእነዚህ ቁጥሮች ዉስጥ አልፏል/ሄዷል ፡፡ ከፍተኛ የሆኑት የሕዝቅያስ አገልግሎቶች በቁጥር 24 ላይ በተጠቀሰዉ በቤቱ ዉስጥ የተፈፀሙ ነበሩ ፡፡ ማክአርቱር “ በላያችሁ ላይ ገመድን ያደርጉባችኋል ፤ እነዚህ ገመዶች በቀጥታ ቃል በቃል አልነበሩም መንፈሳዊ እንጂ ፡፡ በአንድኛዉ እጅ አመፀኞቹ አይሁዶች በመንፈሱ ላይ የሚያደርሱት ተፅዕኖ የሚጭኑ የዉስጣዊ ገመዶች ሊኖራቸዉ ይችላል ፤ ጠማማነታቸዉ ልክ እንደ ገመድ በስብከቱ ነፃነቱን አምቆ እንደሚይዘዉ “ ይገልፃል ፡፡

መደምደሚያ

ሕዝቅኤል እግዚአብሄር በእርሱ የሚለዉን ብቻ ለሕዝቡ ይናገር ነበር ፤ ጆሮ የነበረዉ ሁሉ ይሰማል ፡፡ እግዚአብሄር አፉን ሲከፍት ብቻ ይናገር ነበር ፡፡ “ ሁለት ምርጫዎች አሉ ልክ እንደሚታዘዝ አገልጋይ መኖር እና እዉነት መስማት እንደማይፈልጉት አመፀኛ ሰዎች መኖር “ ፤ ይህ ለቤተ ክርስቲያን መልዕክት ነው ፤ ይህ ለሕዝቅኤል አስደናቂ ጥሪ እና አገልግሎት ነበር ፡፡