Unity And Diversity In The Body

መግቢያ

በምዕራፍ 3 ጳዉሎስ ክርስቶስ የቤተ ክርስቲያን ራስ እንደ ነበርና አይሁድና አሕዛቦች ሁለቱም የእርሱ አካል የቤተ ክርስቲያን ለመሆን የተዋሀዱ እንደነበሩ ገልፆአል ፡፡ ኤፌሶን 4 በዚህ መሰረት ላይ ይገነባል ፡፡

ትምህርት

ኤፌሶን (4፡ 1-6)፡ በቁጥር 1 ጳዉሎስ ኤፌሶዊያዊያንን እግዚአብሄር እንዲያደርጉት ጠርቷቸዉ በነበረው “ መመላለስ “ እንዲመላለሱ ይጠራቸዋል ፤ በትህትና፣ በበጎነት፣ በትዕግስት፣ እርስ በእርስ በፍቅር በመቀባበል፣ ሁላችንንም በሚያስተሳስር አንድነት እና ሰላም ይመላለሱ ነበር (ቁጥር 2-3) ፡፡ ጳዉሎስ ሰዎስት ጥሩ ባህሪያትን ይዘረዝራል፡ ትህትና፣ በጎነት እና ትዕግስት ፤ ኮንስታብል ትህትናን “ በእግዚአብሄር ፕሮግራም ተገቢ የሆነ የራስ ግምገማ ሲሆን “፣ ጨዋነት ወይም የዋህነት ደግሞ “ የራስ ማረጋገጫ ተቃራኒ …. ስሜቱን የሚቆጣጠር ሰው ባህሪይ ነው “ በተጨማሪም ትዕግስት ወይም መታገስ “ በቁጣዉስጥ/በመከራ ዉስጥ ሆኖም መታገስ “ ማለት እንደ ሆነ ይገልፃል ፡፡ የእነዚህ ጥሩ ባህሪዎች ዉጤት “ እርስ በእርስ በፍቅር መቀባበል፣ በሚያስተሳስረን ሰላም በመንፈስ አንድነትን መጠበቅ ነው “ (ቁጥር 2-3) (ማቴ 5፡ 9) ፡፡ ሰላም ጠባቂዎች እንድንሆን አልተጠራንም በሰላም እንድንያያዝ እንጂ ፡፡ ይህ የታሰበበት መሆን አለበት !

በቁጥር (4-6) ጳዉሎስ አንድነት የሚኖረንብንን ሰባት መንገዶች ይዘረዝራል ፤ በክርስቶስ አንድ አካል አለን (ኤፌ 1፡ 23)፣ በመንፈስ ቅዱስ አንድ መንፈስ አለን (1ቆሮ 12፡ 13, ኤፌ 2፡ 22)፣ በትንሳኤዉ በኩል የዘላለማዊነት አንድ ተስፋ አለን (1ጴጥ 1፡ 3, 3፡ 15)፣ አንድ ጌታ አለን (ኤፌ 1፡ 22-23, ቆላ 1፡ 18)፣ አንድ እምነት አለን (ኤፌ 2፡ 8-9), በክርስቶስ ሞት በኩል አንድ ጥምቀት አለን (ሮሜ 6፡ 3) እና የሁሉ አባት የሆነ አንድ እግዚአብሄር አለን (ዘዳ 6፡ 4, 2ነገ 19፡ 15) ፡፡ በእነዚህ ሁሉ የተባበርን/ህብረት ነን ፡፡

ኤፌሶን (4፡ 7-11)፡ በመቀጠል ጳዉሎስ ከአንድነት ወደ ብዙኃነት ተጓዘ ፡፡ በክርስቶስ ስጦታ መሰረት ሁሉም አማኝ የእግዚአብሄርን ፀጋ ተቀብለዋል (ቁጥር 7) ፡፡ ሆሄነር “ ክርስቶስ ወደ ሰማይ ለማረጉ መጀመሪያ ዝቅ ወዳለዉ ወደምድር አካል ዝቅ ብሎ እንደነበር ፤ ምናልባትም ይህ የኢየሱስ ሞትን እና መቃብርን የሚያመለክት እንደሆነ “ ይገልፃል ፡፡ ኮንስታብል “ በሞቱ ኢየሱስ ክርስቶስ በኃጢዓት ላይ ድልን ማግኘቱን እና ለቤተ ክርስቲያን እንደ ስጦታ የሚሰጣቸዉን እንደተቤዣቸዉ “ መግለፁን ይቀጥላል ፡፡ ኢየሱስ እኛን ለማዳን እንደወረደ እና ለእያንዳንዳችን በግል ስጦታን በሰጠበት ስፍራ ተመልሶ ወደላይ አረገ (ቁጥር 8-11) ፤ ቁጥር 11 የቲቲአር አንዱ ቁልፍ ነው ፡፡

ኤፌሶን (4፡ 12-14)፡ እነዚህ ስጦታዎች (ሐዋሪያት፣ ነቢያት፣ ወንጌላዊያን፣ ሰባኪዎች እና አስተማሪዎች) 1) በአገልግሎት ቅዱሳንን ለማሰልጠን እና 2) የክርስቶስን አካል ለመስራት/ለማነፀ የተሰጡ ነበሩ (ቁጥር 12) ፡፡ እነዚህ ስጦታዎች ለተወሰነ ጊዜ የተሰጡ ናቸው - “ ሁላችንም በእምነት እና በእግዚአብሄር ልጅ እዉቀት አንድነት ላይ እስክንደርስ ድረስ “ በክርስቶስ ሙሉነት እስከምናድግ ድረስ (ቁጥር 13) ፡፡ እነዚህ ሁሉ ነገሮች እነዚህ ነገሮች ወደ ፍሬአማነት እስኪመጡ ድረስ ይቀጥላሉ ፡፡

በሲንድይ ያዕቆብ የአገልግሎት ሳይት the ministrysite www.generals.org መሰረት፡

• በሁሉም ወራት 1,800 ፓስተሮች አገልግሎትን ይተዋሉ ፡፡
• በአስር አመት ዉስጥ ከፓስተሮች 40 ፐርሰንቱ በአገልግሎት ዉስጥ አይቆዩም ፡፡
• ከሁሉም ፓስተሮች 50 ፐርሰንቱ ስራን መስራት እንደማይችሉ ይሰማቸዋል ፡፡
• ከፓስተሮች 80 ፐርሰንቶቹ አገልግሎታቸዉ በመጥፎ ቤተሰባቸዉን እንደሚጎዳ ያምናሉ ፡፡
• ከፓስተሮች 40 ፐርሰንቶቹ ድብረት የደረሰባቸዉ ወይም ከአገልግሎታቸው ዉጪ መዉጣትን በመፈለግ ይጠፋሉ ፡፡
• 33 ፐርሰንቶች ደግሞ በአምስት አመታቸዉ ዉስጥ ከአገልግሎት ይጠፋሉ ፡፡

ለፓስተር “ ይህን ሁሉ እንድታደርጉ እንፈልጋለን “ እንዳልን ተረዱን ፤ ነገር ግን ጳዉሎስ ኤፌሶዊያንን የቤተ ክርስቲያን ስራ እንዲቀጥል ከፈለጉ የአንድ ሰዉ (የፓስተሩን) ንግግር ብቻ ሳይሆን ብዙ ድምፆች እንደሚያስፈልጉት ይነግራቸዋል ፤ ስለዚህም በአምስት እጥፍ አገልግሎቱ ስለተጠቀመባቸው ስለሌሎቹ አንዳንድ ድምፆች እናዉራ ፡፡

ሐዋሪያነት፡ የእጃችሁን ስዕል ይስላል ፤ የሐዋሪያ ስፍራ በአዉራ ጣት የሚወከል ነው ፡፡ አዉራ ጣት ከቀሩት ጣቶች ጋር ተቃራኒ የሆነ ስራን አይሰራም ይልቁንም መላዉ እጅ እንዲሰራ የታዘዘዉን ከሌሎቹ ጣቶች ጋር በመሆን ይሰራል እንጂ ፡፡ ሐዋሪያ በአስተዳደርነት በመስራት (ከነቢያት ጋር በአንድ ላይ) በትክክለኛዉ አስተምሮና መንፈሳዊ መዋቅር መሰረትን ያስቀምጣል (ኤፌ 2፡ 20) ፡፡ አንድ ሐዋሪያ በክርስቶስ አካል ዉስጥ መሰረት ጣይ፣ ጀማሪ ወይም ተግባር/ስራ ሰጪ/አከፋፋይ ፈጣሪ ነው (1ቆሮ 3፡ 10) ፡፡ ሐዋሪያ ወይም በግሪክ “ ሐዋሪያዎ/አፖስትሎ “ በመጀመሪያ በሮማዊያን አዲስ ምድርን ለመያዝ ባህላቸዉን ለማጥናት ተልኮ የነበረን ሰዉ ለመግለፅ ይጠቀሙበት የነበረ “የተላከ “ ማለት ነው ፡፡ “ እግዚአብሄር ወደ ጠራቸዉ አዲስ ምድር የእግዚአብሄርን ሰዎች የምንመራ ነን ? “ በማለት ይጠይቃሉ ፡፡

ነቢይ፡ ነቢይ የመጀመሪያዉ ወይም አመልካች ጣት ሲሆን በመገለጥ በማገልገል አማኞችን መንገድን ያሳያል ፡፡ የነቢይነት አገልግሎት ከትንቢት ስጦታ የተለዬ ነው - መንግስታዊ አይነት ስልጣንን እና ከፍተኛ የኃላፊነት ሚናን የተሸከመ ነው ፡፡ ትንቢት የመናገር ስጦታ ለመምከር፣ ለመገሰፅ እና ለማነፅ ሲሆን ነቢይ በመሪነት፣ በትዕዛዝ፣ በግሳፄ፣ በፍርድእና በመገለጥ ስፍራዎች ላይ ይገኛል/ይፈስሳል ፡፡ ነቢያት የእግዚአብሄርን ፍቃድ በማወቅ በተለይም ለዚህ ዘመን ከእግዚአብሄር እና ከእዉነቱ ጋር የተዋሀዱ ናቸው ፡፡ ሁኔታቸዉን በመጠየቅ “ የእግዚአብሄር ሰዎች ድምፁን በመስማት በትክክል ምላሽ ይሰጣሉን ? “ በማለት ይጠይቃሉ ፤ ርዕሱ/ኃሳቡ “ ወደ እግዚአብሄር የሚሰማና የሚያደምጥ “ ማለት ነው ፡፡

እረኛ፡ የቀለበት ጣት ወይም የሰርግ ቀለበት ጣት ስለ መንጋዉ ያለዉን የእረኛን ጥንቃቄ መሰጠት ይወክላል ፡፡ ፓስተር ለመጠበቅ እና የሚያስፈልግን ለመስጠት ከአካባቢዉ ቅዱሳን ጋር በእረኝነት ግንኙነት የተሳሰረ ነው ፤ የግንኙነት የፍቅር እና መንፈሳዊ እድገትን መስመርን በማብቀል ደቀመዛሙርት በማድረግና በማሳደግ የእግዚአብሄርን መጋ በመንፈሳዊ ብስለት በመጠበቅ ላይ የሚያተኩሩ የማህበረሰቡ ጠባቂዎች ናቸው ፡፡ ስያሜአቸዉም “ የእግዚአብሄርን ህዝብ የሚጠብቅ “ ማለት ሲሆን “ የእግዚአብሄር ሰዎች ለክርስትና የህይወት አኗኗር የተጠበቁ እና የተዘጋጁ ናቸዉን ? “ በማለት ይጠይቃሉ ፡፡

ወንጌል ሰባኪነት፡ መካከለኛዋ ጣት ወንጌል ሰባኪን የሚያሳይ ሲሆን እስከ አለም ድረስ የሚደርስ ወንጌል ሰባኪነትን ይወክላል ፡፡ የነፍስ አሸናፊዎች ናቸው ነገር ግን ይህን አገልግሎት ያልያዙ ነፍስን ለማሸነፍ ሸክም ያላቸዉ በክርስቶስ አካል ዉስጥ ብዙዎች አሉ ፡፡ ወንጌል ሰባኪነት የመጀመሪያ የነፍሳት አሸናፊ አይደሉም ነገር ግን ቤተ ክርስቲያንን በማነቃቃት ሰዎችን ወደ ድርጊት ለማንቀሳቀስ የተጠሩ ናቸው ፡፡ ወንጌል ሰባኪነት ሌሎችን ለጉዳዩ ይመለምላል ፤ ስያሜአቸው “ መልካሙን ዜና የሚያመጣ “ ማለት ነው ፡፡ “ አዲስ ሰዉ ወደ እግዚአብሄር መንግስት ገብቷል ? “ በማለት ይጠይቃሉ ፡፡

አስተማሪ፡ አስተማሪዎች አስፈላጊ እና ባላንስ የምትሰጠው ትንሻ ጣት ናቸው ፡፡ አስተማሪ በእግዚአብሄር ቃል መርህ ትዕዛዝ በኩል ቤተ ክርስቲያንን በእዉነት ይተክላል ፡፡ የአስተማሪ ልብ ለእዉነት ሲሆን ፍላጎታቸዉም ቤተ ክርስቲያን የመፅኀፍን እዉነት በሚገባ በዝርዝር መረዳቷን እርግጠኛ መሆን ነው ፡፡ ብዙጊዜ የክርስቶስን አካል ለማስተማር በተለዩ እዉነቶች ስፍራ ላይ አብራሪዎች፣ ስነ መለኮት አስተማሪዎች ወይም ደግሞ የተለዬ ሸክም ወይም ማብራሪያ ያላቸዉ ናቸው ፡፡ አስተማሪዎች በመረዳት ይገልፃሉ ፤ ሌሎችን ወደ ተሻለ የእግዚአብሄርን ፍቃድ መለየት መፅሀፍ ቅዱሳዊ መነሻ እንዲኖራቸው ፣ ሌሎችን ወደ ጥበብ በመምራት የሚረዱ፣ ማህበረሱን ለክርስቶስ ቃል የታመነ ሆኖ እንዲቀመጥ የሚረዱ እና የሚተላለፍ አስተምሮን የሚገነቡ ናቸው ፡፡ ስያሜአቸው “ እዉነትን የሚፈልጉ እና የሚያጋሩ “ ሲሆን “ የእግዚአብሄር ሰዎች ራሳቸዉን በመፅሀፍ እና በመፅሀፍ ቅዱስ መርሆች በሚገባ አስገብተዋልን ? በመርሆቹስ እየኖሩ ነውን ? “ በማለት ይጠይቃሉ ፡፡

መደምደሚያ

አንዳንድ የእናንተ ጥያቄዎች በዚህ ዘመንስ የሐዋሪያት እና የነቢያት ተግባር አሁንም አሉ የሚል ነው ፡፡ በመፅኀፍ ቅዱስ ላይ ባነበብኩት መሰረትና በቀመስኩት/በገጠመኝ መሰረት ያሉ ይመስለኛል ፡፡

Hoehner, Harold W. "Ephesians." In The Bible Knowledge Commentary: New Testament, pp. 613-45. Edited by John F. Walvoord and Roy B. Zuck. Wheaton: Scripture Press Publications, Victor Books, 1983, quoted in Constable, p. 90; available online at https://planobiblechapel.org/tcon/notes/pdf/ephesians.pdf