Even to the Gentiles

መግቢያ

መንፈስ ቅዱስ በእያንዳንዳችን ዉስጥ እያለፈ/እየተንቀሳቀሰ ነው ፡፡ በሐዋሪያት ስራ 10 መንፈስ ቅዱስ ራሱን በቆርኔሌዎስ ላይ ብቻ ሳይሆን በቆርኔሌዎስ ሙሉ ቤተሰቦች ላይ አፈሰሰ ፤ በሐዋሪያት ስራ (1-9) ወንጌል የአይሁድ ሰዎችን ብቻ ደርሶ ነበር ፡፡ በቆርኔሌዎስ ላይ የሆነዉ ቃል ሲሰራጭ ለአንዳንድ ሙግቶች መነሻ መሆን ጀመረ ፤ ሰዎችም አልወደዱትም ፡፡ በምዕራፍ 11 ዉስጥ ዋይርስቤ ለአሕዛቦች ቃለ ምልልስ የአይሁዶችን ሰዎስት ምላሾች ተመልክቷል፡

1. አሕዛቦችን ተቀበላቸው (ቁጥር 1-18) ፡፡
2. አሕዛቦችን አበረታቷቸው (ቁጥር 19-26) ፡፡
3. ከአሕዛቦች ርዳታ /እገዛ ተቀበሉ (ቁጥር 27-30) ፡፡

ትምህርት

ሐዋሪያት ስራ (11፡ 1)፡ ሁሉም ይሁዳ 30 ማይል ያክል ያጠቃልላል ፡፡ የእግዚአብሄር መንፈስ ማህበራዊ መገናኛ ብዙኃን በሌሉበት አለም እንኳን ሲጓዝ ቃሉ ይሰማል ፡፡

ሐዋሪያት ስራ (11፡ 2-3)፡ የተፈጠረዉ ዜና ጴጥሮስ ሊጓዝ ከሚችለዉ ይልቅ በፍጥነት ተሰራጨ ፤ በጊዜዉ ወደ ኢየሩሳሌም ተመለሰ፣ በቆርኔሌዎስ ቤት ተፈጥሮ የነበረዉ ቀድሞ ታዉቋል ፡፡ አንዳንዶች ጴጥሮስ ወደ አልተገረዘዉ ሰዉ ቤት በመግባቱና አብሮ በመብላቱ ጴጥሮስ አድርጎት በነበረዉ ነገር ላይ ተናደዱ ፤ አሕዛቦች በስፋት እንደ “ ዉሾች “ ይታዩ ነበር (ማቴ 15፡ 26) ፡፡ ማክአርቱር “ የአይሁድ አማኞች በእንዲህ አይነቱ የአይሁድ የቅሬታ ልፍለፋ ልምድ ላይ ተበሳጩ አለ “ ፤ የአይሁድ ልምዶት የተሰበሩ ከሆኑ ይህ ማለት ጴጥሮስ በኃይማኖታቸዉ እየቆሸሸ ነበር ማለት ነው ፡፡ ዋይርስቤ አይሁዶች ለመጀመሪያ ጊዜ አይሁዶች አሕዛቦችን ሲቀበሉ በመጀመሪያዎቹ 18 ቁጥሮች እንዳየን መፃፉን አስታዉሱ ፡፡ በአሁኑ ጊዜ ግን ብዙ ተቀባይነት አልነበረም ነገር ግን በዚያ እንዴት እንዳገኘነው ማየት የሚያስደንቅ ነው ፡፡

ሐዋሪያት ስራ (11፡ 4-11)፡ ጴጥሮስ ለራሱ ለአይሁድ አድማጮቹ ወደ ቆርኔሌዎስ ቤት ምን እንደ መራዉና በዚያ እንደ ነበር ደግሞ ተፈጥሮ የነበረዉን በትክክል ገለፀላቸው ፡፡ ጴጥሮስ አድርጎት ለነበረዉ ነገር ምክንያቱ እግዚአብሄር እንደ ነበር ብዙ ማስረጃዎችን ሰጠ ፤ መጀመሪያ ጴጥሮስ ራዕዩን ከእግዚአብሄር ጋር አገናኘው (ቁጥር 5-11) ፤ ጴጥሮስ ራዕዩን ለእርሱ እንደ እግዚአብሄር ምስክርነት ማስረጃ እንደ ገና ተናገረ ፡፡ ይህን በማድረግ እግዚአብሄር ጴጥሮስ ባደረገዉ ክብርን ተቀበለ ፡፡ ጴጥሮስ ተቃዋሚዎቹ/ባላንጣዎቹ እንደገለፁት ራዕዩን ለመቀበል ተመሳሳይ ግትርነት እንደገለፀ አገናኘው ፤ በፍፁም ንፁህ ያልሆነ ነገር እንዳልበላና እንዳልነካ በመግለፅ ፤ ነገር ግን ሀሳቡን ለማጠንከር እግዚአብሄር ራዕዩን ሰወስት በተለያዩ ጊዜ ላከለት ፤ ከዚያም በኋላ ጴጥሮስ ከእንቅልፉ ሲነቃ እርሱን ወደ ቆርኔሌዎስ ለመዉሰድ ሰዎስት ሰዎች እርሱን እየጠበቁት ነበር ፡፡

ሐዋሪያት ስራ (11፡ 12-15)፡ ጴጥሮስ የቆርኔሌዎስ ቤተሰብ ለምን እንዳገለገለ ለመግለፅ ያገናኘበት ሁለተኛዉ ማስረጃ የመንፈስን ምስክረነት እንደ ገና መግለፅ ነበር (ቁጥር 12-15) ፡፡ በመንፈስ ፈጣን ምላሽ ላይ ጴጥሮስ ስድስቱን ሰዎች እርሱን ለማዳን በመላክ ያዛቸው ፤ የቆርኔሌዎስን ቤት ለማግኘት በአንድ ላይ 30 ማይል ያክል ተጓዙ ፡፡ ጴጥሮስ ደርሶ በቆርኔሌዎስ ቤተሰቦች ወንጌልን ማካፈል ሲጀምር ጴጥሮስ በበዓለ ኃምሳ ቀን ላይ የአይሁድ አማኞች ቡድን ላይ እንደ ነበረዉ መንፈስ ቅዱስ በእነርሱም ላይ እንደሚመጣ በግልፅ መሰከረ ፡፡

ሐዋሪያት ስራ (11፡ 16-18)፡ ጴጥሮስ የቆርኔሌዎስን ቤት ለምን እንዳገለገለ ለመግለፅ ያገናኘበት ሰዎስተኛው ማስረጃዉ የጴጥሮስ ቃል ነበር (ቁጥር 16) ፤ ጴጥሮስ ተከታዮቹ “ በመንፈስ ቅዱስ እንደሚጠመቁ “ (ቁጥር 16) የሚለዉን የኢየሱስን ትምህርት አስታወሰ ፡፡ “ በመንፈስ ቅዱስ መጠመቅ “ የሚለዉ ሀረግ በአዲስ ኪዳን በስድስት ሌሎች ጊዜ ይገኛል፡

“ ዮሐንስ በዉሃ አጥምቆ ነበርና እናንተ ግን ከጥቂት ቀን በኋላ በመንፈስ ቅዱስትጠመቃላችሁ “ (ሐዋ 1፡ 5) ፤ አይሁዶች ኢየሱስ ይህን ቃል ከተናገረበት “ ብዙ ቀን “ ሳይቆይ በበዓለ ኃምሳ ቀን በመንፈስ ቅዱስ ተጠመቁ ፡፡

“ እኔስ ለንስሐ በዉኃ አጠምቃችኋለሁ ፤ ጫማዉን እሸከም ዘንድ የማይገባኝ ከእኔ በኋላ የሚመጣዉ ግን ከእኔ ይልቅ ይበረታል ፤ እርሱ በመንፈስ ቅዱስ በእሳትምያጠምቃችኋል “ (ማቴ 3፡ 11) ፤ እዚህ ላይ በመንፈስ መጠቀም ከእሳት ከመጠመቅ ጋር የተገናኘ ነበር ፤ ይህ በብዛት በአንደበት ከመናገር ጋር ሲገናኝ በስፋት ለጌታ በማገልገል በመንፈሳዊ ስጦታዎቻችሁ ለመሄድ እንድትዘጋጁ ዋጋ ቢስ የሆነዉን ህይወታችን ለማቃጠል በመምጣት የእግዚአብሄር መገኘትን ያመለክታል ፡፡

“ እኔ በዉኃ አጠመቅኋችሁ እርሱ ግን በመንፈስ ቅዱስ ያጠምቃችኋል እያለ ይሰብክ ነበር “ (ማር 1፡ 8) ፡፡

“ ዮሐንስም መልሶ እኔስ በዉኃ አጠምቃችኋለሁ ፤ ነገር ግን የጫማዉን ጠፍር መፍታት ከማይገባኝ ከእኔ የሚበረታ ይመጣል ፤ እርሱ በመንፈስ ቅዱስና በእሳት ያጠምቃችኋል “ (ሉቃ 3፡ 16) ፡፡ መጥምቁ ዮሐንስ ኢየሱስ እሱ ከደረገዉ የሚበልጥ ነገር ያደርጋል አለ ፤ ነገር ግን ኢየሱስ ክርስቲያኖች እርሱ ካደረገዉ ይበልጥ ያደርጋሉ አለ ምክንያቱም በኑሮአችን ላይ መንፈስ ቅዱስ የእግዚአብሄር እሳት ስለሚያስቀምጥ ፡፡

“ እኔም አላዉቅም ነበር ዳሩ ግን በዉኃ አጠምቅ ዘንድ የላከኝ እርሱ መንፈስ ሲወርድበትና ሲኖርበት የምታየዉ በመንፈስ ቅዱስ የሚያጠምቅ እርሱ ነዉ አለኝ “ (ዮሐ 1፡ 33) ፡፡

“ አይሁድ ብንሆን የግሪክ ሰዎችም ብንሆን ባሪያዎችም ብንሆን ጨዋዎችም ብንሆን እኛ ሁላችን በአንድ መንፈስ አንድ አካል እንድንሆን ተጠምቀናልና ፡፡ ሁላችንም አንዱን መንፈስ ጠጥተናልና “ (1ቆሮ 12፡ 13) ፤ ይህ ጥቅስ በኃይል ከሐዋሪያት ስራ 11 ይተሳሰራል ፡፡ ሁሉም አማኞች ከየትም እንምጣ ወደ አንድ አካል በመንፈስ ቅዱስ ተጠምቀናል ፡፡

የጴጥሮስን ጠቅላላ ታሪክ በመስማት ለአሕዛቦች ዘላለማዊ ህይወት በመስጠቱ የአይሁድ አማኞች እግዚአብሄርን አመሰገኑ ፡፡ ማክአርቱር ይህ “ በአይሁድ ታሪክ አንዱ የሚያስደንቅ ቅበላ/አዎንታ “ እንደ ነበር ፅፏል ፤ አይሁዶች መሲሁ ለአሕዛቦችም እንደ ነበር አስተዋሉ ፤ ይህ ነገር ተተንብዮ ነበር (ኢሳ 41፡ 1, 6፣ 49፡ 6) ፡፡

ሐዋሪያት ስራ (11፡ 19-26)፡ የአይሁድ አማኞች የአሕዛብ አማኞችን ከመቀበል ወደ ማበረታታት ሄዱ/ተጓዙ ፡፡ ከእስጢፋኖስ መሰዋት/መገደል በኋላ መጀመሪያ ተበትነዉ የነበሩት የአይሁድ አማኞች ወንጌል ከአይሁዶች ጋር ብቻ ተጋሩ ፤ አሁን ግን ከቆጵሮስና የቀሬና የሆኑ ሁለት ስማቸዉ ባልተጠቀሰ ሰዎች በኩል በአንፆኪያ ወደ አሕዛብ ማህበረሰብ ዉስጥ ወንጌል ተሰበከ ፡፡ ይህን ሲሰሙ የኢየሩሳሌም ቤተ ክርስቲያን ነገሮቹን እንዲያረጋግጥ በርናባስን ላኩት ፤ ሲመጣም “ የእግዚአብሄርን ፀጋ አየ “ (ቁጥር 23) ፡፡ አሁን ጳዉሎስ ብለን የምናዉቀዉን ሳዖልን ከጠርሴስ ለመፈለግ በርናባስ ሄደ፣ ሁለቱም በማበረታታት ለሚመጣዉ አንድ አመት በአንፆኪያ አዲስ ቤተ ክርስቲያን አስተማሩ ፡፡

ሐዋሪያት ስራ (11፡ 27-30)፡ አሕዛብን ከተቀበሉና ካበረታቱ በኋላ አይሁዶች ከአሕዛቦች አርዳታን ለመቀበል ተንቀሳቀሱ/ሄዱ ፡፡ ከአንፆኪያ አንድ አጋቦስ የሚባል ነቢይ በግዛቱ/በዓለም ሁሉ ርሃብ እንደሚሆ ተነበዬ ፡፡ በአንፆኪያ ደቀ መዛሙርቱ በኢየሩሳሌም ያሉትን አማኞች ለመርዳት በሽማግሌዎቻቸዉ የሚልኩትን ሰበሰቡ ፤ ይህ የእግዚአብሄር ጥብቅ ንቅናቄ ማስረጃ ነው ፤ ከቆጵሮስና ከቀሬና የሆኑት ስም የሌላቸዉ ሁለቱ ሰዎች ይህ ጠቅላላ ንቅናቄ ጀምረዉታል (ሮሜ 15፡ 25-27) ፡፡

መደምደሚያ

ሐዋሪያት ስራ 11 በደንብ በጳዉሎስ በሮሜ 15 በሚገባ ተጠቅልሏል፡ “ አሁን ግን ቅዱሳንን ለማገልገል ወደ ኢየሩሳሌም እሄዳለሁ ፡፡ መቄዶንያና አካይያ በኢየሩሳሌም ቅዱሳን መካከል ያሉትን ድሆች ይረዱ ዘንድ ወደዋልና ፡፡ ወደዋልና የእነርሱም ባለዕዳዎች ናቸው ፤ አሕዛብ በእነርሱ መንፈሳዊ ነገርን ተካፋዮች ከሆኑ በስጋዊ ነገር ደግሞ ያገለግሉዓቸው ዘንድ ይገባቸዋል “ (ቁጥር 25-27) ፡፡ በሐዋሪያት ስራ 11 በመንፈሳዊ ቅርሳቸዉ ምክንያት አሕዛቦች ለአይሁዶች ባለዳዎች እንደሆኑ ተረዱ ፤ እኛም የአይሁዶችን ቁሳዉ ፍላጎቶች ላለመከልከል በተመሳሳይ እምነት ስር ነን ፡፡