Bringing the Ark to Jerusalem

መግቢያ

በ 1ሳሙ (16፡ 12-13) ዳዊት በሳሙኤል ፊት መጥቶ የእስራኤል ቀጣዩ ንጉስ እንደ ሚሆን በእግዚአብሄር ተመርጦ ነበር ፤ ቁጥር 13 “ የእግዚአብሄርም መንፈስ ከዚያ ቀን ጀምሮ በዳዊት ላይ በኃይል መጣ “ ብሎ ይናገራል ፡፡ በ 1ሳሙኤል እንደ ቀሪ እግዚአብሄር ዳዊትን መባረክ በመጀመር በእስራኤል ዙፋን ላይ ለሚቀመጥባት አንድ ቀን አዘጋጀው ፤ ይሁን እንጂ ዳዊት የወደፊት ንጉስ ተደርጎ በመቀባቱ እና በሳዖል የአሁን ንጉስነት መቀባት መካከል በማያቋርጥ ትግል እና ዉጥረት ዉስጥ ነበር ፡፡ በ 2ሳሙኤል በመጀመሪያዉ ክፍል ዳዊት የይሁዳ ንጉስ ተደረገ በምዕራፍ 5 ደግሞ መላዉ እስራኤል ዳዊትን በላያቸዉ ላይ እንደ ንጉስ ሊሾሙ በአንድ ላይ መጡ ፤ እግዚአብሄር ዳዊትን በጎቹን ይጠብቅ እንደ ነበረዉ አሁን ህዝቡን እንዲጠብቅ እና በእስራኤል ላይ እንዲያስተዳድር ነገረው ( 2ሳሙ 5፡ 1-3) ፡፡

እስራኤል እንደ ተቀባ ለዳዊት የእርሱ ደም እና ስጋ እንደ ነበሩ የተቀባዉ የሚመጣዉ የኢየሱስ ጥላ እንደ ሆነ ነገሩት ፤ ኢየሱስ ለእኛ ደም እና ስጋ ሆኖልናል ፡፡ በተጨማሪም በሳዖል እንደ መጀመሪያ ንጉስ እና በአዳም እንደ መጀመሪያዉ ሰዉ፣ በዳዊት እንደ ሁለተኛ ንጉስ እና በኢየሱስ እንደ ሁለተኛዉ ሰዉ መካከል የሚያስደንቅ ተመሳሳይነት አለ ፡፡

አንዳንዶቻችሁ በእናንተ ላይ ተነግሮ የነበር ትንቢታዊ ቃል አላችሁ ምናልባትም በዚያ በጥሪአችሁ ዉስጥ ስትጓዙ በጭንቀት ዉስጥ ትሆናላችሁ ፤ በህዝብ ፊት ያልሆነ ቅባት (ሹመት ) አይኖራችሁ ይሆናል ፤ ነገር ግን ማንም ለእናንተ የሆነዉን ያን ቅባት እዉነቱን ዋጋ አያሳጣዉም ፡፡ ዳዊት በጥሪዉ ሲጓዝ በሂደቱ ተግቶ መስራትን እና ሀቀኝነትን አዳበረ ፡፡ ዳዊት ንጉስ በሆነ ጊዜ 30 አመቱ ነበር ፤ ይህ ያስደንቃል ኢየሱስም አገልግሎቱን ሲጀምር 30 አመቱ ነበር ፡፡

በምዕራፍ 5 እንደ ቀሪ ኢየሩሳሌምን ከኢያቡሳዊያን ላይ ለመዉሰድ ዳዊት ወታደሮቹን መራ ፤ እስራኤላዊያን ለተስፋይቱ ምድር በሚዋጉ ጊዜ ኢያቡሳዊያንን እንደ ሚጠብቁዓቸዉ አስበዉ ነበር ፤ ያ ባለመሆኑ ዳዊት በስትራቴጂክ እንቅስቃሴ ይህንን ወሰደ ፡፡ ኢየሩሳሌምን እንደ አዲስ ዋና ከተማ በመመስረት ዳዊት በደቡብ እስራኤል እና በሰሜን እስራኤል መካከል ጥምረት ፈጠረ ፡፡ ኢያቡሳዊያን ከተማዋ በኃይል እንደ ተመሸገች በማመን ከእነርሱ ጋር ለመዋጋት እዉሮችን እና አንካሳዎቹን በምሽግጉ ላይ አስቀመጡዓቸው ፤ ዳዊት እና የእርሱ ሰዎች በዉኃ መሹለኪያ በኩል በመግባት ከተማዋን ያዙአት ፡፡ ይህ እንደ ንጉስ የዳዊት የመጀመሪያዉ ዉጊያ ነበር ፡፡ ዳዊት ንጉስ እንደ ነበር ፍልስጤማዊያን በሰሙ ጊዜ ሊያሰንፉት በማቀድ ከኃላዉ ተከተሉት ፤ ይሁን እንጂ እግዚአብሄር ፍልስጤማዊያንንም ለዳዊት ሰጠው ፡፡

ትምህርት

2-ሳሙኤል (6፡ 1-5)፡ ዳዊት ታቦቱን ወደ ኢየሩሳሌም ለማምጣት በአንድ ላይ የተመረጡ 30,000 ሰዎችን አመጣ (ቁጥር 1-2) ፤ ዳዊት እና ወታደሮቹ ለ50 አመት ከተቀመጠበት ከአሚናዳብ ቤት ታቦቱን ለማምጣት ሄዱ ፡፡ ፍልስጤማዊያን ታቦቱን ማርከዉት ነበር ነገር ግን በመካከላቸዉ በመገኘቱ በአካላቸዉ ላይ እብጠቶች ማደግ ጀመረባቸው (1 ሳሙኤል 6) ፤ ለህመማቸዉ ታቦቱ ምክንያት እንደ ነበር ለማየት በአዲስ ሰረገላ ላይ በማድረግ መልሰዉ ላኩት ላሞቹም መልሰዉ ወደ ቤተሳሚስ ሳቡት ፤ በዚያ የነበሩ ሰዎች ታቦቱን በአምልኮ አላስተናገዱትም እግዚአብሄርም 70 ሰዎችን ገደለ ፡፡ ታቦቱም ተቀምጦበት በነበረው ወደ አሚናዳብ ቤት ተወስዶ ነበር (1 ሳሙኤል 7) ፤ ታቦቱ በአዲስ ሰረገላ ወደ እነርሱ ተመልሶ ስለ ነበር ዳዊት እና ወታደሮቹ በሌላ አዲስ ሰረገላ ላይ አስቀመጡት (ቁጥር 3) ፡፡

2-ሳሙኤል (6፡ 6-11)፡ ሰረገላዉን እና ታቦቱን ሲከተሉ በሬዉ ስላደናቀፈዉ ታቦቱ ተወዛወዘ ፤ ዖዛ ታቦቱ ላይ ደረሰ ስለዚህም ታቦቱ አይወድቅም (ቁጥር 6) ፤ በዖዝ አምልኮ(አክብሮት) ማጣት ላይ የእግዚአብሄር ቁጣ ነደደ ዖዝንም ስለ ቀሰፈዉም በዚያዉ ሞተ (ቁጥር 7) ፤ በእስራኤል ህግ ታቦቱን ሰዎች በአምልኮት እና በአክብሮት ያስተናግዱታል ፡፡ ታቦቱ በትክክል አልተያዘም ነበር ፤ ዳዊት ተበሳጨ በተፈጠረዉም ነገር እግዚአብሄርን ፈራ (ቁጥር 8-9) ፡፡ በኢየሩሳሌም ፋንታ ታቦቱ ወደ አቢዳራ ቤት ተወሰደ በዚያም ለሰዎስት ወር በመቀመጡ የአቢዳር ቤት ተባረከ (ቁጥር 10-11) ፡፡ የእግዚአብሄር መገኘት በመካከላችን በሚኖር ጊዜ ነገሮች መቀየር ይጀምራሉ በመኖሩም ፍሬ ይመጣል ፡፡ በራሴ ህይወት በአገልግሎቴ ፍሬ የማላፈራበትን ጊዜ የማይባቸዉ ብዙ ጊዜዎች አሉ በዚህም በማቆም ለምን እንደ ሆነ እግዚአብሄርን መጠየቅ እፈልጋለሁ ፡፡

2-ሳሙኤል (6፡ 12-19)፡ ሰዎች በታቦቱ መገኘት ምክንያት እግዚአብሄር የአቢዳር ቤት እየተባረከ እንደ ነበር ዳዊትን ነገሩት ዳዊትም በደስታ ታቦቱን ወደ ኢየሩሳሌም ለማምጣት ሄደ (ቁጥር 12) ፡፡ ታቦቱን የተሸከሙት ሌዋዊያን የእግዚአብሄርን የአፈጣጠር ሂደትን የሚወክለዉን ስድስት እርምጃ ከሄዱ በኋላ ታቦቱ ይቆማል ዳዊትም አንድ በሬ እና የሰባ ጥጃ ይሰዋ ነበር (ቁጥር 13) ፡፡ ዳዊት ንጉስ ነበር በተጨማሪም የበፍታ አፉዱን በመልበስ እና በአምልኮ በመጨፈር የካህኑ ቁመና(ድርሻ) ላይ ቆመ፤ ታቦቱን ወደ ኢየሩሳሌም ሲያመጣው እስራኤል ሁሉ ከዳዊት ጋር በመምጣት ጮኹም የመለከት ቀንድም ነፉ (ቁጥር 15) ፡፡ የሳዖል ልጅ እና የዳዊት ሚስት ሚልኮል በመስኮት ስትመለከት ዳዊት በእግዚአብሄር ፊት ሲጨፍር አየችዉ “ በልቧም ናቀችዉ “ (ቁጥር 16) ፡፡ ያለ ገደብ እግዚአብሄርን በድርጊታችን ለማምለክ ፍቃደኛ ባለመሆናችን እደነቃለሁ ምክንያቱም ሌሎች ስለ እኛ ምን እንደ ሚያስቡ ያተኮርን ስለሆነ ፡፡ በዚህ ፅሁፍ ሚልኮል ለእግዚአብሄር የዳዊትን ምላሽ እና ግብረ መለስ ግራ የሚያገባ መሆኑን የግሏን አስተያየት እንደ ሰጠች አያለሁ ፡፡ ታቦቱ ዳዊት አዘጋጅቶለት በነበረዉ ስፍራ ተቀመጠ ዳዊትም ለእግዚአብሄር የሚቃጠል መስዋዕት እና የደኅንነት መስዋዕት አቀረበ (ቁጥር 18) ፡፡

የሚቃጠለዉ መስዋዕት ሙሉ መስዋዕት ነበር ይህ ማለት የሚሰዋዉ እንሰሳ የማይቃጠለዉ ብቸኛዉ አካል ለሌዋዊያን ተሰጥቶ የነበረው ቆዳዉ ብቻ ነበር ማለት ነው ፡፡ የደህንነት መስዋዕት የእግዚአብሄር ሰላም ለእግለሰብ ወይም ለቡድን መምጣቱን የሚያሳዉቅ ነበር ፤ የደህንነት መስዋዕት እንደ መስዋዕት አካል በመሆን በዛዉ የሚበላ እንጂ ቤት የሚወሰድ አልነበረም ፡፡ ሁሉም እስራኤላዊያን እና የዉጪ ሰው ከደህንነት መስዋዕቱ አካል ይቀበላሉ ፤ ይህ ሰላም ለሁሉም እንደ መጣ የኢየሱስ ክርስቶስ መስዋትነት የሚያምር መልክ ነው ፡፡ ከመስዋዕቶቹ በኋላ ዳዊት ህዝቡን በእግዚአብሄር ስም ባረካቸው ፤ በተጨማሪም ዳዊት ለእያንዳንዱ በእስራኤል ላለዉ ማህበረሰብ ሁሉ ለወንዱም ለሴቱም አንድ እንጀራ፣ አንድ ቁራጭ ስጋ እና አንድ የዘቢብ ንጣፊ ሰጣቸዉ ሁሉም ወደራሱ ቤት ሄደ (ቁጥር 19) ፡፡ ከዚያም ዳዊት የራሱን ቤተሰብ ሊባርክ ወደ ቤቱ ሄደ በ 1ዜና ቤተሰቡን እንዳገለገለ የተገለፀ ነው ፡፡ ዳዊት የራሱን ቤተሰቦች እና የህዝቦቹን አከበረ ፡፡

2-ሳሙኤል (6፡ 20-23)፡ ዳዊት ቤት በገባ ጊዜ የሳዖል ልጅ ሚልኮል በድርጊቱ በመቆጣት ራሱን አጋልጦ እንደ ነበር እና እንደ ባለጌ አድርገሀል አለችዉ (ቁጥር 20) ፡፡ ዳዊት የሚልኮልን ቁጣ ባለመቀበል እንዲያስተዳድር በሚልኮል ቤተሰቦች ላይ በመረጠዉ አምልኩ ፊት እየጨፈረ እንደ ነበር ነገራት ፤ “ ስለዚህም በእግዚአብሄር ፊት እጫወታለሁ ፤ አሁንም ከሆንኩት ይልቅ የተናቅሁ እሆናለሁ በዓይንሽም እዋረዳለሁ ፤ ነገር ግን በተናገርሽዉ ቆነጃጅት ዘንድ እከብራለሁ አላት “ (ቁጥር 21-22) ፡፡ በመሰረቱ ዳዊት ሚልኮልን ከእርሷ ጋር ነገሩን እንደ ፈፀመ እየነገራት ነበር ፤ ቁጥር 23 ይህን ያረጋግጣል “ የሳዖልም ልጅ ሜልኮል እስከ ሞተችበት ቀን ድረስ ልጅ አልወለደችም “ ፡፡

መደምደሚያ

ዳዊት ዋና ከተማ እንዲሆነዉ በኢየሩሳሌም ቦታን መሰረተ ፤ እንዲሁም ከሁሉም በላይ እግዚአብሄር በእስራኤል ላይ እዉነተኛ ንጉስ እንዲሆን መፈለጉን አሳዬ ፡፡ ዳዊት እግዚአብሄር ከእርሱ በላይ እንዲያስተዳድር ፈለገ ስለሆነም ታቦቱና የእግዚአብሄር መገኘት በዋና ከተማዉ ይኖረዋል ፤ ለዚህ ነው እግዚአብሄርን የንገስታት ንጉስ እና የጌቶች ሁሉ ጌታ ብለን የምንጠራው ፡፡ ዳዊት የእግዚአብሄርን መገኘት በማክበር መገኘቱን በትክክለኛ ስፍራ አስቀመጠ - ከሁሉም ነገር እና ከሁሉም ሰዉ በላይ በሆነው ፡፡

አንድ የመጨረሻዉ አሳብ ስለ ዘላለማዊ ዙፋን ፍሬ ነገር ነው ፡፡ እስራኤል ታቦቱን በሰረገላ ላይ ባስቀመጡት ጊዜ አንድ ሰዉ ሞተ ስለዚህም ተመልሰዉ በመምጣት በሌዋዊያን ትካሻ ላይ አስቀመጡት ፤ ኢሳ (9፡ 6) “ አለቅነትም በጫንቃዉ ላይ ይሆናል “ ይላል ፤ ኢየሱስ “ ቀንበሬ ልዝብ ሸክሜም ቀሊል ነዉና “ ብሏል (ማቴ 11፡ 30) ፡፡ የእግዚአብሄር መገኘት በትካሻችን ላይ በማረፍ ከዚያ ስፍራ ከፍ እንድንል ምክንያት ይሆናል ፡፡ በትካሻቸዉ ላይ ታቦቱን ማስቀመጣቸው የእግዚአብሄርን መገኘት በትካሻዉ የተሸከመዉ የኢየሱስ ጥላ እንደ ነበር አምናለሁ ፡፡