Walk By Faith

መግቢያ

ዛሬ ትናትና በሸክላ እቃ ዉስጥ ስላለዉ መዝገብ በተካፈልነዉ መልዕክት ላይ እንገነባለን/እንቀጥላለን ፡፡ በ 2ቆሮ (4፡ 1) ጳዉሎስ ለዚህ አገልግሎት እንደተጠራና ላለመታከትም እንደወሰነ ተናገረ ፡፡ በ 2ቆሮ (4፡ 7) ጳዉሎስ ተሰጥቶት ስለ ነበረዉ መዝገብ (የሸክላ እንስራዎች እንደ ሆንን ኢየሱስ ደግሞ መዝገቡ) ገልጾአል ፡፡ በ 2ቆሮ (4፡ 13) ጳዉሎስ ለመናገር የሚመራን ተመሳሳይ የእምነት መንፈስ አለን አለ ፡፡ ወደ 2ቆሮንቶስ ስንሻገር ቁጥር 1 በሰዉ እጅ ያልተሰራ ዘላለማዊ መኖሪያ ከእግዚአብሄር የሆነ ሕንፃ እንዳለን ይነግረናል ፡፡

ትምህርት

2-ቆሮንቶስ (5፡ 1-5)፡ ሐዋ (18፡ 1-3) ጳዉሎስ በቆሮንቶስ ሲያገለግል ድንኳን በመስራት ራሱን እንደደገፉ ይነግረናል ፡፡ ድንኳን የተለመደ አንድ ነገር አለው - በመቆየት እንዲፀልዩ ተስፋ ታደርጋላችሁ ምክንያቱም አንድ ኃይለኛ ንፋስ ስለሚጥላቸው ፡፡ ድንኳን ጠንካራ አይደለም፣ ቋሚ ስትራክቸር አይደለም ፡፡ “ ጊዜያዊዉ ምድራዊዉ መኖሪያችን ቢፈርስም እንኳን “ በሚል ጊዜ ጳዉሎስ በአካል ስንሞት ስለሚጠፋዉ አካላችን እያወራ ነበር ፤ እግዚአብሄር ይመስገን ሌላ ነገር አለን - “ በእጅ ያልተሰራ በሰማያ የዘላለም መኖሪያ አለን “ ፡፡ ጳዉሎስ በሰማይ ስለ ግንብ እያወራ አልነበረም - ስለሌላ የከበረ ሰዉነት እያወራ ነበር እንጂ ፤ በፍፁም ደካማነትን የማያሳይ ይህ አዲስ የሚያምር ዘላለማዊ ሰዉነት አለን ፡፡ ያ ዉጋት፣ ህመም፣ ራስ ምታት፣ መጥፎ እግር ወይም መጥፎ ጭን ካለዉ ደካማና ጊዜያዊ ሰዉነት ሙሉ በሙሉ ተቃራኒ ነው ፡፡ የከበረዉ ሰዉነት 100 ፐርሰንት ጊዜያዊዉን ድንኳን ይበልጣል ፡፡

ይህ አዲስ ህንፃ በክርስቶስ ትንሳኤ ምክንያት ይመጣል (1ቆሮንቶስ 15) ፡፡ ከክርስቶስ ትንሳኤ የተነሳ በሙሉ ራስ መተማመን የከበረ ሰዉነት አለን ማለት እንችላለን ፡፡ ሞት ከዚህ በኋላ ሊቀጣን ወይም በኛ ላይ ድል ሊቀዳጅ አይችልም ፤ ምክንያቱም በዉስጣችን ይህ መዝገብ አለን “ በዚህ ዉስጥ በእዉነት እንቃትታለንና ከሰማይ የሚሆነዉን መኖሪያችንን እንድንለብስ “ (ቁጥር 2) ፡፡ ዋረን ዋይርስቤ ይህን በሌላ መንገድ አስቀምጦታል፡ የኢየሱስን ተመልሶ መምጣት በእዉነት እንጠብቃለን በማለት እግዚአብሄር ለዚህ አላማ በማዘጋጀት (ለከበረዉ ሰዉነት) መንፈሱን እንደ መያዣነት ሰጠን (ቁጥር 5) ፡፡ ጳዉሎስ ወደፊት የተሸለ ነገር ስላለን ይህን ሂደት እንድንታገስ አሳስቦናል ፤ በዚህ ሂደት ዉስጥ እንዲረዳን እግዚአብሄር መንፈስ ቅዱስን ሰጥቶናል ፤ በሚያስደንቅ ሁኔታ “ በቅንነት “ የሚለዉ የግሪክ ቃል “ የእጮኝነት ቀለበት “ ማለት ነው ፡፡ ቤተ ክርስቲያን ለኢየሱስ ክርስቶስ በመታጨቷ ወደ ሰርጉ መጥቶ እስኪወስዳት ሙሽራዉን እየጠበቀች ነው ፡፡

2-ቆሮንቶስ (5፡ 6-7)፡ ድነታችንን ስለ ማጣት በፍፁም መጨነቅ የለብንም ፤ ከጌታ የራቅን ብንሆንም እንኳን በእኛ ዉስጥ ባለዉ ክርስቶስ ምክንያት ሙሉ መተማመን ሊኖረን እንደሚችል እናውቃለን ፡፡ በሚገባ “ በእይታ ሳይሆን በእምነት “ መጓዝ እንችላለን (ቁጥር 7) ፤ ይህ በጠቅላላ ምዕራፉ እንዴት በእምነት መጓዝ እንዳለብን ለመረዳት ቁልፍ/ዋና ነው ፡፡ ይህን ለማድረግ እንዴት እንማራለን ? ዊክሀዉ በቦልድ ህትመት የተዘረዘሩት አንዳንድ ምክሮችን አቅርቧል፡

1. ዘላለማዊ አስፈላጊነት ባላቸዉ ነገሮች ላይ ማትኮር ፡፡ ማየት ከምትችሉት ነገር ላይ ብቻ ትኩረታችሁን አሳልፋችሁ አትኩሩ ፡፡
2. መፅሀፍ ቅዱስን እና የእግዚአብሄር ትዕዛዝን ማክበር ፡፡
3. ሞኝነት የሚመስል ነገርን ለመመልከት መዘጋጀት ፡፡ ለእግዚአብሄር ሞኝ መሆን መልካም ነው ፤ ቤተ ክርስቲያን በአለም አይን ሞኝ ለመሆን ትፈራለች ፡፡ ሰዎች በባለቤታቸዉ ወይም በልጆች ፊት ሞኝ መሆን ይፈራሉ ፡፡
4. በመንገድ/በጉዞ ላይ መከራ እንደሚገጥም ማሰብ ፡፡ በእምነት መጓዝ ቀላል አይደለም ነገር ግን ሁል ጊዜ እግዚአብሄር ከእናንተ ጋር ነው ፡፡
5. አንድ ጥምቀትን መጠበቅ ማቆም ፡፡ ስንፀልይ “ እግዚአብሄር ምልክት ይሰጠኛል እሄዳለሁም “ ማለትን አሁንም ያ በእይታ መሄድ ስለሆነ ፡፡
6. በምታደርጉት ሁሉ እግዚአብሄርን ማክበር ፡፡ ጳዉሎስ ይህን በ 1ቆሮ (10፡ 31) ብሏል ፡፡

በእምነት ለመጓዝ የእምነት መንፈሳዊ ስጦታ ካልተሰጣችሁ ፤ ዮሐንስ ፒፐር ይህን ዝርዝር አቅርቧል፡

ከእግዚአብሄር ዉጪ ምንም ነገር ማድረግ እንደማትችሉ እመኑ (ዮሐ 15፡ 5) ፡፡

ስለ እርዳታ መፀለይ (መዝ 50፡ 15) ፡፡

የተለዩ ተስፋዎችን ማመን (2ዜና 20፡ 20) ፡፡

መተግበር/መስራት (ፊል 2፡ 12-13) ፡፡

ስለ ስጦታዉ እና ርህራሄዉ/ቸርነቱ እግዚአብሄርን ማመስገን (መዝ 106፡ 1) ፡፡

በሮሜ (10፡ 17) ጳዉሎስ “ እንግዲያስ እምነት ከመስማት ነው መስማትም በእግዚአብሄር ቃል ነው “ በማለት ፅፏል ፤ ስለዚህ በእግዚአብሄር ቃል መሰረት እነዚህን ነገሮች ስንሰማ በዚህ እምነት እንሄዳለን ፡፡ የዚህ ሁሉ ጥቅም ምንድን ነው ? በኤፌ (3፡ 20) እግዚአብሄር “ እንግዲህ በእኛ እንደሚሰራው ኃይል መጠን ከምንለምነው ወይም ከምናስበው ሁሉ ይልቅ እጅግ አብልጦ በእኛ እንደሚሰራ “ እናነባለን ፡፡ በዮሐ (14፡ 12) ኢየሱስ “ በእኔ የሚያምን እኔ የማደርገዉን ስራ እርሱ ደግሞ ያደርጋል ፤ ከዚህም የሚበልጥ ያደርጋል “ አለ ፡፡ እንዴት በእምነት እንደምትጓዙ ማወቅ ትፈልጋላችሁ ? እምነት ሲኖራችሁ ኢየሱስ ከሰራዉ የሚበልጥ ነገር ማድረግ ትችላላችሁ ፤ ስለዚህ ከእርሱ ዉጪ ይህን ማድረግ እንደማትችሉ እመኑ፣ በመፀለይ እንዲረዳችሁ ጠይቁት፣ በዚህ በተለዬ ተስፋ በማመን በዚህ ለመስራት በመጀመር እግዚአብሄር ስለሚታይላችሁ/ስለሚገለጥላችሁ አመስግኑ ፡፡

መደምደሚያ

ይህ ምዕራፍ የክርስቶስ አምባሳደር ስለመሆን የሚያወራ ቢሆንም ዛሬም በእምነት እንድትጓዙ እንዳበረታታችሁ እግዚአብሄር እንደነገረኝ ተሰምቶኛል ፡፡