Ascribe God His Glory

መግቢያ

1ሳሙኤል 3-4 እወደዋለሁ ፤ የእግዚአብሄር ድምፅ በስማችሁ ሲጠራችሁ መስማት እንዴት የሚያስደንቅ ነው ? በተለዩ ግለሰቦች ላይ የእግዚአብሄር ቅባት ሂደት እንመለከታለን በመጀመሪያ ሳሙኤል ላይ ከዚያ ደግሞ ሳዖል እና ዳዊት ላይ ፤ እነዚህ ሁሉም ወደ ዋናዉ(መጨረሻዉ) የተቀባዉ ኢየሱስ ክርስቶስ ያመለክታሉ ፤ የተቀባ የሚለው ይህ ለ 1ሳሙኤል መፅሀፍ ሀረጋችን ይሆናል ፡፡ በ1ሳሙኤል የሀና ፀሎት በሳሙኤል መወለድ ሲፈፀም አይተናል ፤ በ1ሳሙኤል 2 ሀና በትንቢታዊነት ፀለየች ሳሙኤልም እግዚአብሄርን እንዲያገለግል በመቅደሱ ተቀመጠ ፤ በ1ሳሙኤል 3 ሳሙኤል የእግዚአብሄርን ድምፅ ለመስማት ተማረ ፡፡ በ1ሳሙኤል 4 እስራኤላዊያን ከፍልስጤማዊያን ለመዋጋት ሄዱ፣ የኪዳኑንም ታቦት ተወሰደ የእግዚአብሄርም ፍርድ በኤሊ ላይ ተፈፀመ ፤ ምዕራፉ ስሙ “ ክብሩ ከእግዚአብሄር ለቀቀ “ የሚል ትርጉም ባለዉ በኢካቦድ መወለድ አለቀ ፡፡ በምዕራፍ 5 ፍልስጤማዉያን የማረኩትን ታቦት ከከተማ ወደ ከተማ አንቀሳቀሱት - ከአቤንኤዘርም ወደ አዛጦን ወደ ጌት ወደ አስቀሎና አንቀሳቀሱት ፤ በእያንዳንዱ ከተማ ሰዎቹ የእግዚአብሄር እጅ በእነርሱ ላይ እንደ ከበደች ተሰማቸው ፤ ታቦቱም ከእነርሱ እንዲሄድላቸዉ ጮኹ ፡፡ ምዕራፉም “ ያልሞቱትም ሰዎች በእባጭ ተመቱ ፤ የከተማይቱም ዋይታ እስከ ሰማይ ወጣ “ በሚል ገለፃ ያበቃል (ቁጥር 12) ፡፡

ትምህርት

1-ሳሙኤል (6፡ 1-6)፡ ከሰባት ወር በኋላ ፍልስጤማዉያን ካህናቶቹን እና ማዋርተኞቹን በመሰብሰብ የኪዳኑን ታቦት እንዴት ወደ እስራኤል እንደ ሚመልሱት ተማከሩ (ቁጥር 1-2) ፡፡ የኔልሰን ማብራሪያ “ ምዋርተኞቹ ወደ ፊት ያለዉን መተንበይ የሚችሉ እንደ ሆኑና የሚበርሩ ወፎችን ምልክት ወይም የተሰዋን እንሰሳት ጉበት በመመልከት የአምላኮቻቸዉን ፍቃድ መወሰን እንደ ሚችሉ የሚናገሩ እንደሆኑ “ ይገልፃል ፡፡ ካህናቶቹ እና ሙዋርተኞቹ መፈወስ ከፈለጉ ለዳረጉት ወይም ለጥፋታቸዉ ካሳ ከታቦቱን ሳይሰዱ እንዳይልኩ ነገሯቸው (ቁጥር 3) ፤ ፍልስጤማዊያን ምን አይነት መስዋዕት ለካሳ ማቅረብ እንዳለባቸው ጠየቁ (ቁጥር 4፣ ዘሌ 5፡ 14-19) ፤ ካህናቶቹም እያንዳንዳቸዉ የፍልስጤም መሪዎች ገጥሟቸዉ የነበረውን ለመወከል አምስት የወርቅ እንቦጮች እና አምስት የወርቅ አይጦች እንዲያደርጉ መለሱላቸው (ቁጥር 4-5) ፡፡ ሌሎች ህዘቦችን እና ሌሎች ኃይማኖት ወደ እግዚአብሄር መጪህ ሲጀምሩ በምናይ ጊዜ ወደ መጨረሻ እንደ ሚመራ እናዉቃለን ፡፡ መፅሀፍ ፍልስጤማዉያን በመጨረሻዉ ጊዜ የሚሆነዉን እንዳደረጉ ይናገራል (ኢሳ 45፡ 23፣ ሮሜ 14፡ 11፣ ፊል 2፡ 9-11፣ ራዕ 5፡ 13) ፡፡ የኔልሰን ማብራሪያ ፍልስጤማዉያን የእግዚአብሄር ኃይል በእነርሱ ላይ ያንን መቅሰፍት እንዳ መጣባቸው እንዳወቁ ይገልፃል ፤ ካህናቱም ፈርዖን በእስራኤል አምላክ ላይ ልቡን ባደነደነ ጊዜ በግብፅ ላይ መቅሰፍቱ የከፋ እንደ ሆነ ፍልስጤማዉያንን አሳሰቧቸው (ቁጥር 6) ፡፡

1-ሳሙኤል (6፡ 7-12)፡ ፍልስጤማዉያን አድስ አንድ ሰረገላ በመስራት ቀንበር ተጭኖባቸዉ የማያዉቁ ሁለት የሚያጠቡ ላሞችን እንዲወስዱ ተጨማሪ ትዕዛዝ ተሰጣቸው (ቁጥር 7) ፤ እምቦሶቹም ከእናቶቻቸዉ በመወሰድ በረት ተቀመጡ ፡፡ ከዚያም ሰረገላዉን በማሰር ላሞቹን በማስተሳሰር ወደ እስራኤል ይላካሉ (ቁጥር 8) ፤ ላሞቹ ወደ እስራኤል (ቤትሳሚስ) ከሄዱ ለመቅሰፍታቸዉ ምክንያት የነበረዉ የእስራኤል አምላክ ነበር ፤ ነገር ግን ላሞቹ በተለየ መንገድ ከሄዱ መቅሰፍቱ የመጣብን በአጋጣሚ ነበር (ቁጥር 9) ፡፡ ቤትሳሚስ የግጦች ምድር የሌዋዊያን ከተማ ነበረች (ኢያ 21፡ 16) ስለሆነም በዚያ የነበሩ ካህናት ታቦቱን ሊንከባከቡት ይችላሉ ፡፡ ፍልስጤማዊያን እንደ ተነገራቸዉ አደረጉ ላሞቹም ወደ ግራም ወደ ቀኝም ሳይሉ ቀጥታ ወደ ቤትሳሚስ ሄዱ (ቁጥር 10-12) ፡፡

እግዚአብሄር እንድታደርጉለት የሚፈልገዉን በትክክል እያወቃችሁ ነገር ግን ለመስጠት እና ለማድረግ በጣም እለኸኞች በመሆን ይህንን ፅሁፍ ካጠኑት ሰዎች ምን ያክሉ በደንብ ተከትለዋል ? ምናልባት እግዚአብሄር የሆነ ነገር እንድታደርጉ እንደ ጠራችሁ እዉቅና ለመስጠት እና ራሳችሁን በትህትና ለማስገዛት እምቢ ብላችሁ ይሆናል ፡፡ ጠንቃቆች ካልሆንን በፍልስጤማዉያን ሰፈር ልንሆን እንችላለን እግዚአብሄርን ለማዳመጥ እና የሚፈልገዉን ለማድረግ እምቢ እያልን ማለት ነው ፤ ነገር ግን በትህትና በእግዚአብሄር ፊት በምንመጣ ጊዜ ከሰባት ወር በኋላም እንኳን ሁኔታዉን ይቅር በማለት ለቀጣዩ ያዘጋጀናል (መዝ 139፡ 9-10) ፡፡

ላሞቹ እየሄዱ “ እየቀነሱ(ቀስ እያሉ) “ ከኃላቸዉም ለቀሩት ጥጆች እያለቀሱ ነበር ፤ ይህ እግዚአብሄርን ለማገልገል ያለዉን ጥሪያቸዉን እና የሚወዱትን ቤተሰባቸዉን ለማጣጣም ሲሞክሩ ሁሉም ወደ አገልግሎት የተጠሩ የሚገጥማቸዉ የዉጥረት መልክ ነው ፡፡

1-ሳሙኤል 6፡ 13-18)፡ የቤትሳሚስ ሰዎች ታቦቱ መቅረቡን ባዩ ጊዜ በማሳዎች ላይ የስንዴ እህልን እየሰበሰቡ ነበር ፤ የእግዚአብሄርን መገኘት በማየታቸዉ ከመጥን በላይ ተደሰቱ (ቁጥር 13) ፡፡ ሰረገላዉም በአንድ ትልቅ አለት አጠገብ ቆመ ፤ የቤትሳሚስ ሰዎች የሰረገላዉን እንጨት በመፍለጥ ላሞቹን ለእግዚአብሄር እንደ ሚቃጠል መስዋዕት ሰዉዓቸው (ቁጥር 14) ፡፡ ሰዎቹ የሚቃጠል መስዋዕቱን ማድረግ እንደ ቀጠሉ ሌዋዊያን ታቦቱን እና የወርቅ መስዋቱን በትልቁ አለት ላይ አስቀመጡ (ቁጥር 15) ፤ የፍልስጤም መሪዎች የሆነዉን ካዩ በኋላ ወደ አስቀሎና ተመለሱ (ቁጥር 16) ፡፡ ቁጥር 17-18 ምንድን እንደሆነ ያጠቃልላል ፡፡

1-ሳሙኤል (6፡ 19-21)፡ ይሁን እንጂ እግዚአብሄር የቤትሳሚስን ሰዎች ወደ ታቦቱ ዉስጥ ስለ ተመለከቱ ገደላቸው (ቁጥር 19) ፤ ምናልባትም ይሄ የሆነው ለታቦቱ ክብር ስላላሳዩ ወይም ደግሞ ታቦቱ በመመለሱ እየፈነደቁ ስለ ነበር ይሆናል ፡፡ እግዚአብሄር መከበር፣ ዉዳሴ እናአክብሮታዊ ፍርሀት ይፈልጋል ፡፡ እግዚአብሄር በዚያ ከነበሩ 50,000 ሰዎች 70 ሰዎችን ገደለ ( ቁጥር 19) ፤ የእግዚአብሄር መልዕክት ከቀደሙት ስህተቶች እንዳይደገም ነበር - የእግዚአብሄርን መገኘት አለማቅለል ማለት ነው ፡፡ የቤትሳሚስ ሰዎች “ በዚህ በቅዱስ አምላክ በእግዚአብሄር ፊት መቆም ማን ይችላል ? ከእኛስ ወጥቶ ወደ ማን ይሄዳል ? በማለት ጠየቁ “ (ቁጥር 20) ከዚያም ለቂርያትይዓሪም ሰዎች ታቦቱን መጥተዉ እንዲያገኙት መልዕክተኞችን ላኩ (ቁጥር 21) ፡፡ ቂርያትይዓሪም ከእስራኤል 10 ማይል ርቀት ላይ የምትገኝ ነበረች ታቦቱም ንጉስ ዳዊት ወደ ኢየሩሳሌም እስኪወስደዉ ድረስ በዚያ ቆየ (2ሳሙ 6፡ 1-9) ፡፡

መደምደሚያ

ሁላችንም እግዚአብሄር የሚገባዉን ክብር በመስጠት ለመቀጠል ማስብ አለብን ፤ 1ዜና (16፡ 28-30) የሚለው “ የአሕዛብ ወገኖች ለእግዚአብሄር አምጡ ክብርንና ኃይልን ለእግዚአብሄር አምጡ ፡፡ ለስሙ የሚገባ ክብርን ለእግዚአብሄር አምጡ ፤ ቁርባንን ይዛችሁ በፊቱ ግቡ ፤ በቅድስናዉ ስፍራ ለእግዚአብሄር ስገዱ ፡፡ ምድር ሁሉ በፊቱ ትነዋወጥ ፤ ዓለሙም እንዳይናወጥ ጸንትአል “ ፡፡

2Nelson’s Commentary, p. 354

3Nelson’s Commentary, p. 354