Solomon's Temple

መግቢያ

በ 1ነገስት መፅሀፍት ዉስጥ እየሄድን ነው ፤ በቀደምት ታሪክ ስንኝ ለማጣት ቀላል ሊሆን ይችላል ፤ በእነዚህ ታሪኮች እና ስሞች ላይ ለመዝለል ፈታኝ ሊሆን ይችላል ፤ ይሁን እንጂ እነዚህን ታሪኮች በማጥናት የክርስቲያኖች ህይወት የሚጠቀምበት ወቅቶች አሉ ፡፡ እንዳትዘሉዓቸዉ አበረታታችኋለሁ ፤ ከመፅኀፍ ልናገኝባቸዉ የምንችለበት ብዙ መንገዶች አሉ ፡፡ በዚህ ፅሁፍ የሰለሞን ቤተ መቅደስ መገንባትን እናያለን ፡፡

ትምህርት

1-ነገስት (5፡ 1)፡ ሰለሞን የተቀባ ንጉስ እንደ ነበር ነገሩን በሰማ ጊዜ የጢሮስ ንጉስ ኪራም አገልጋዮቹን ወደ ሰለሞን ለከ ፡፡ ኪራም የዳዊት ምርጥ ጓደኛ ነበር ፡፡ ሰለሞን የመንግስት አስተዳደር ትርጉሙን እና ከአባቱ ዳዊት ጋር ያለዉ ህብረትን አስፈላጊነት እንደ ተማረ አምናለሁ ፡፡

1-ነገስት (5፡ 2-5)፡ ሰለሞን ለኪራም አባቱ በዙሪያዉ በነበረዉ ጦርነት ምክንያት ቤተ መቅደሱን መገንባት እንዳልቻለ በመግለፅ መለሰለት ፤ ሰለሞን በተጨማሪም ሰላምን እየኖረበት በመሆኑ ምክንያት የአባቱን መቅደስ ለመስራት እንዳቀደ አጋራው ፡፡

በ 2ሳሙ (7፡ 2) የእግዚአብሄርን ቤት ለመስራት አቅዶ የነበረዉ ዳዊት ነበር ፤ ዳዊት የሚኖርበትን የእግዚአብሄር መገኘት ከነበረበት ጋር በማነፃፀር መቅደሱን ለመስራት በመወሰን ተፈጥሮአዊ ምክንያቶችን እየተጠቀመ እንደ ነበር አምናለሁ ፡፡ እግዚአብሄር ናታንን ወደ ዳዊት በመሄድ መቅደሱን ለመስራት ጊዜዉ እንዳልሆነ እንዲነግረዉ ነገረው ፤ የቤተ መቅደሱ መሰራት በዳዊት ሳይሆን በእግዚአብሄር ጊዜ ይሆናል ፡፡ እግዚአብሄራዊ ነዉ ብለን የምናምንበትን ግላዊ ምርጫችንን ለማስገባ ቀላል ነው ፡፡ ጥያቄው እግዚአብሄር እንዴት እንድናመልከዉ ይፈልጋል እና እኛ እንዴት ልናመልከዉ እንፈልጋለን የሚል ነው ?

1-ነገስት (5፡ 6-9)፡ ሰለሞን ኪራምን ዝግባ ምርጥ እንጨት እንደ ነበርና የኪራም ሰዎች እንጨቶቹን ለመቁረጥ የተመረጡ ነበሩ ነገረዉ ፤ ከዚያም ሰለሞን ኪራምን ዛፎችን እና ሰራተኞችን በማቅረብ የግንባታ ስራዉን እንዲደግፈዉ ጠየቀዉ ፡፡ ሰለሞን ለዛፎቹ፣ ለሰራተኞቹ እንደ ሚከፍል እና ፕሮጀክቱን ለመርዳት አገልጋዮቹንም እንደሚሰጥ ቃል ገባለት ፡፡ ኪራም የሰለሞንን እቅድ በሰማ ጊዜ ተደሰተ ፡፡

1-ነገስት (5፡ 10-12)፡ ሰለሞን ለኪራም ስራዉ እንደ ቀጠለ 125,000 መስፈሪያ ስንዴ እና 1,160 ጋሎን ዘይት በየአመቱ ላከ ፡፡ እግዚአብሄር ለሰለሞን በሰጠዉ ጥበብ ምክንያት በሰለሞን እና ኪራም መካከል ሰላም እና ህብረት ነበር ፤ እግዚአብሄር ሰለሞንን እንደ ሰላም ጠባቂ አሰልጥኖታል ፡፡

1-ነገስት (6፡ 1-6)፡ ለእግዚአብሄር ቤተ መቅደሱ እስራኤላዊያን ከግብፅ ከወጡ በኋላ እስከ 480 አመት አልተሰራም ነበር ፤ ቤተ መቅደሱ 125 ጫማ እርዝመት፣ 42 ጫማ ስፋት እና 62 ጫማ ከፍታ ነበር ፡፡ ለትልቅ ቤተ ክርስቲያን ስንጠቀም ስለ ሰለሞን ቤተ መቅደስ መጠን እና በጌጥ የመዋቡን ዝርዝር ለመረዳት አስቸጋሪ ነው ፡፡

1-ነገስት (6፡ 7)፡ የመቅደሱን ዉጨኛዉን ቅጥር ለመስራት የተጠቀመበት ድንጋይ ቀድመዉ የተቆረጡ ስለ ነበር በእግዚአብሄር ቤት ድምፅ አይኖራቸዉም ፡፡ አንድ ሰዎች ቤተ መቅደሱን በተመለከቱት ጊዜ በዉጪ ድንጋይ እንዲሁም ደግሞ በዉስጥ ወርቅ ያያሉ ፡፡

1-ነገስት (6፡ 14-38)፡ ዉስጡ በፅዶች እና በአንድ ላይ የሚገጣጠሙ የመስሪያ እቃዎች የተሰራ ነበር ፣ በንፁህ ወርቅ የተሸፈነ ስለ ነበር ሸካራ እንጨት እና ሌሎች እቃዎች በየግላቸዉ አይታዩም ነበር (ቁጥር 21-22) ፡፡

ቁጥር 23 የመቅደሱን ዉስጥ ጌጣጌጥ(መዋብ) በዝርዝር ይገልፃል ፡፡ 10 ክንድ ቁመት እና ስፋት(21 ጫማ ቁመት እና 21 ጫማ ስፋት) በነበረዉ ቅድስተ ቅዱሳኑ ላይ የተሰሩ ሁለት ኪሩቤሎች ነበሩ ፤ በመፅሀፍት ኪሩቤል የት ላይ ነበር ? መጀመሪያም በግምት 5ጫማ ከፍታ በነበረዉ ታቦት ላይ የተቀመጠ ሁለት ኪሩቤል ነበር ፡፡ የአዲሱ ኪሩቤል ክንፍ ቅድስተ ቅዱሳኑን በመሸፈን ዉጨኛዉ ክንፎቹ የዉጨኛዉን ቅጥር ሲነካ ዉስጠኛዉ ክንፎቹ ደግሞ የሌላኛዉን ኪሩቤል ክንፍ ይነካል ፡፡ ሀሳቡ የስርየት መቀመጫዉ እግዚአብሄር ሊያርፍበት የመጣበት ነበር ነገር ግን ሰለሞን ለእግዚአብሄር ክብር ማደሪያ ቤተ መቅደስን ለመስራት እየሞከረ ነበር (2 ሳሙኤል 7) ፡፡

1-ነገስት (6፡ 11)፡ ወደ ቁጥር 11 ዘለን እስኪ እንመለስ ፤ በመቅደሱ ይህን ሁሉ ዉበት በመግለፅ መካከል ላይ እግዚአብሄር ለሰለሞን “ ትዕዛዜን የምትከተል ከሆነ በዚህ ስፍራ አድራለሁ “ አለው ፤ አሪፍ ስለ ሆነ በቤተ መቅደሱ ዉስጥ አድራለሁ አላለም ፡፡ በሰለሞን መታዘዝ እግዚአብሄር እመጣለሁ አለ ፡፡ አንዳንድ ጊዜ በራሳችን መንገድ እና ሀሳብ መስራት እንፈልጋለን ፤ ነገር ግን እግዚአብሄር አንድ ነገራችንን ይባርካል - መታዘዛችንን ፡፡ እግዚአብሄርን ወደ ራሴ ምርጫ ለማጣጣም በመሞከሬ እገረማለሁን ? የሰለሞን ቤተ መቅደስ ለእግዚአብሄር የመጀመሪያዉ ቋሚ ማደሪያ ስፍራ ነበር ፡፡

መደምደሚያ

ስንዘጋው አዲስ ኪዳን ላይ ማን እንደ ሆንን እንመልከት ( 1 ቆሮ 3፡ 16-17) ፤ ጳዉሎስ የእግዚአብሄርን መንፈስ ስለተቀበልነዉ ስለ ሁላችንም ይናገር ነበር ፤ አሁን እግዚአብሄር የሚያድርብን ቤተ መቅደሶች ነን ፡፡ በመንፈስ ቅዱስ በኩል እግዚአብሄር ሊያንቀሳቅሰን እና ሊመራን ይችላል (ሐዋ 7፡ 44-50) ፡፡ ሀሳባችንን እና ምርጫችንን ከእግዚአብሄር ፍላጎት በላይ ለማስቀመጥ በፈለግን ጊዜ እግዚአብሄርን መልሰን በመቅደስ ዉስጥ ወይም በሚያምር ሳጥን ዉስጥ ለማስቀምጥ በምንሞክር ጊዜ ያስደንቀኛልን ? ፀሎቴ ማምለክ እና መርካት እንዲሆን እንጂ የሚይዝ እና የሚያስጨንቅ ነገር እንዳላደርግ እግዚአብሄር እንዲረዳኝ ነው ፡፡