God's Purpose For The Israelites

పరిచయం

ఈ కీర్తన గూర్చి సంతోషకరమైన చాలా వాస్తవాలు ఉన్నాయి! 90వ కీర్తన అత్యంత పురాతనమైన కీర్తన, ఇది మోషేచే వ్రాయబడింది. నేను చిత్రాన్ని చిత్రించాలనుకుంటున్నాను. నిన్న, మనము దేవుణ్ణి చూడకపోవడం మరియు అదే సమయంలో ఆయనను స్తుతించడం వంటి గందరగోళముతో వ్యవహరించాము. ఈ కీర్తన కూడా అదే అనుభూతిని కలిగి ఉంది. మోషే తన ప్రజల పట్ల దయ కోసం దేవుణ్ణి వేడుకున్నాడు. 90వ కీర్తన యొక్క కీర్తనాకారుడు "దేవుని నిత్యత్వము యొక్క ప్రతిబింబంతో ప్రారంభమై, దేవుని కోపానికి సంబంధించిన జీవితంలోని దుఃఖం మరియు సంక్షిప్తత గురించి తన నిస్సత్తువ ఆలోచనలను వ్యక్తపరుస్తాడు మరియు తన ప్రజలు ప్రాముఖ్యమైన రీతిలో జీవితమును గడిపేలా సహాయము చేయమని దేవునికి విన్నవంచుటతో ముగించాడు"¹ అని మాక్‌ఆర్థర్ రాశాడు.

ఇశ్రాయేలీయులు గందరగోళములో ఉన్నప్పటికీ, వారు తమ జీవితాల్లో ఉద్దేశ్యముల కొరకు దేవుణ్ణి అడిగారు. కాదేషు-బర్నియాలో జరిగిన సంఘటన తర్వాత విషయాలు పడిపోయాయి. మోషే సహోదరి మిర్యాము మరియు అతని సహోదరుడు అహరోను ఇద్దరూ మరణించారు (సంఖ్యాకాండము 20:1, 22-29), నీటి కొరకు చూస్తున్నప్పుడు మోషే దేవునికి అవిధేయత చూపి బండను కొట్టాడు.² ఇది 90వ కీర్తనకు నేపథ్యం. ఇశ్రాయేలీయులు చాలా తప్పులు చేశారు, కానీ ఇప్పటికీ ఉద్దేశ్యము తెలుసుకోవాలనే కోరిక ఉంది. నేడు, చాలా మంది ప్రజలు తాము గందరగోళానికి గురై దేవుడు వారిని పునరుద్ధరించలేడు లేదా విమోచించలేడు అని భావిస్తారు. మన రక్షణ క్రియల మీద ఆధారపడి లేదు కాబట్టి దేవుణ్ణి స్తుతించండి. ఆయనలో మనం నీతిమంతులం. మనం పరిపూర్ణతను సాధించలేమని దేవునికి తెలుసు.

పాఠము

కీర్తన 90:1-2: మోషే తనను తాను "దైవజనుని"గా గుర్తించుకున్నాడు (ద్వితీయోపదేశకాండము 33:1; యెహోషువా 14:6). వైర్స్‌బే ఈ పద్యాలను ఇలా వివరించాడు, "మనము ప్రయాణికులం మరియు దేవుడే మన ఇల్లు."³ దేవుడే మన ఇల్లు, మన నివాస స్థలం వంటి ఈ చిత్రాన్ని నేను ప్రేమిస్తున్నాను. మాక్‌ఆర్థర్ ఇలా వ్రాశాడు, "ఇశ్రాయేలీయుల కాపుదల కొరకు, ఆధారము కొరకు మరియు స్థిరత్వం కొరకు దేవుదే వారి పరిశుద్ధస్థలము."⁴ మరియు దేవుడు ఆశ్రయమైయునాడనే ఈ ఆలోచన నాకు చాలా ఇష్టమైనది.

వైర్స్బే ఇలా వ్రాశాడు, "ప్రతియొక్కరికి జీవితం అనేది జననము నుండి మరణం వరకు ఒక యాత్ర వంటిది, మరియు విశ్వాసులకు, ఇది భూమి నుండి పరలోకమునకు ప్రయాణం వంటిది, కానీ రహదారి అంత సులభమైనది కాదు."⁵ దీనికి రుజువుగా, వైర్స్బే యాకోబు యొక్క సుదీర్ఘ యాత్రను ఎత్తి చూపాడు. అది "కొద్ది మరియు కఠినమైనది" (ఆదికాండము 47:9). అప్పుడు మోషే అరణ్యంలో 40 సంవత్సరాలు సంచరించాడు, అందులో ఇశ్రాయేలీయులు ఆ 40 సంవత్సరాలలో విడిది చేసిన 42 వేర్వేరు ప్రదేశాలు ఉన్నాయి (సంఖ్యాకాండము 33). వైర్స్బే కూడా ఇలా అంటాడు, “మోషే ఎక్కడ నివసించినా, దేవుడు ఎల్లప్పుడూ అతని నివాసంగా ఉన్నాడు. అతను ‘ప్రభువునందు నివసించాడు.’ ‘ప్రభువునందు నిలిచియుండుట’ మరియు ప్రతిరోజు అవసరాలకు కావలసిన బలం, ఓదార్పు, ప్రోత్సాహం మరియు సహాయాన్ని ఎలా పొందాలో ఆయనకు తెలుసు.”⁶ ప్రయాణంలో మన దృష్టి ఎక్కడ ఉంది? మోషే ప్రభువుతో విడిది చేశాడు. యాత్రికులుగా కూడా దేవుడే మన ఇల్లు.

2వ వచనంలో, మోషే “నిత్యత్వము నుండి నిత్యత్వము” అనే పదాలతో సమయాన్ని సూచించాడు. మాక్‌ఆర్థర్ ఇలా వ్రాశాడు, "దేవుని స్వభావం ప్రారంభం లేదా అంతం లేకుండా ఉంటుంది, అన్ని కాలాల నుండి స్వతంత్రంగా ఉంటుంది మరియు కాలానికి కారణాన్ని కలిగి ఉంటుంది."⁷

కీర్తన 90:3-6: వైర్స్‌బే 3-12 వచనాలను ఇలా వివరించాడు, “మనము నేర్చుకునేవాళ్లం, మరియు జీవితమే మన పాఠశాల.”⁸ 3-12 వచనాలలో మోషే మనిషి యొక్క బలహీనత మరియు 1-2 వచనాలలో దేవుని నిత్యత్వం యొక్క చిత్రాన్ని చిత్రించాడు. దేవుడు చాలా పెద్దవాడు, మన జీవితాలు చాలా త్వరగా మరియు వేగంగా ఉంటాయి (ఆదికాండము 3:19; యెషయా 40:6-7).

కీర్తనలు 90:7-9: మోషే ముఖ్యంగా, "మనం గందరగోళంలో ఉన్నామని మనకు తెలుసు" అని చెబుతున్నాడు. రహస్య పాపం లేదు. మాక్‌ఆర్థర్ ఇలా వ్రాశాడు, "బాధలు మరియు ఇబ్బందులతో తన జీవితంలో పోరాడిన తర్వాత, ఒక వ్యక్తి జీవితం బాధ మరియు అలసటతో ముగుస్తుంది."⁹ మానవత్వానికి స్వాగతం! ఇప్పటివరకు ఇది చాలా ప్రోత్సాహకరంగా లేదు.

కీర్తన 90:10-12: ఈ పద్యం ప్రకారం, సగటు జీవితకాలం 70 సంవత్సరాలు లేదా మీరు బలంగా ఉంటే, 80 సంవత్సరాలు. మోషే 120 సంవత్సరాలు జీవించాడు. వైర్స్బే ఇలా వ్రాశాడు, “జీవిత పాఠశాలలో మనం రెండు ముఖ్యమైన పాఠాలు నేర్చుకోవాలి: జీవితం క్లుప్తంగా ఉంటుంది మరియు వేగంగా గడిచిపోతుంది, కాబట్టి దాని నుండి ఎక్కువ ప్రయోజనం పొందండి; మరియు జీవితం కష్టమైనది మరియు కొన్నిసార్లు వ్యర్థమైనదిగా అనిపిస్తుంది.”¹⁰

మన జీవితాలు ప్రభువుకు ఫలవంతమైన పరిచర్యగా ఉండాలంటే జీవితంలో దేవుని మార్గదర్శకత్వం మనకు కావాలి. “ఇశ్రాయేలీయులకు వారి దినములను జాగ్రత్తగా లెక్కించుట నేర్పుము” అని మోషే యెహోవాను అడిగాడు. మీ రోజులను లెక్కించడం అంటే ఏమిటి? ప్రతి అవకాశాన్ని సద్వినియోగం చేసుకోవాలని దీని అర్థం. దేవుడు ఎల్లప్పుడూ మహిమను పొందే మార్గాల్లో మనం మన రోజులను జాగ్రత్తగా లెక్కించుకుంటున్నామా? ప్రజలు ఇలా చెప్పడం మీరు వింటారు, “నేను తిరిగి వెళ్లి, ప్రతిదీ మళ్లీ చేయగలిగితే . . ." 90వ కీర్తన మనం బలహీనంగా ఉన్నప్పటికీ, మన జీవితాలను వృధా చేసుకోకూడదని చూపిస్తుంది. దేవుడు మీకు వెల్లడించాలనుకుంటున్న రహస్యాలను నేర్చుకోవడం ద్వారా దేవుని కోసం మీ రోజులను లెక్కించడానికి ఉజీవ పాఠశాల ఒక గొప్ప మార్గం.

కీర్తన 90:13-17: వైర్స్‌బే ఈ వచనాలను ఇలా వివరించాడు, “మనము విశ్వాసులం మరియు భవిష్యత్తు మన నేస్తం.”¹¹ దయ మరియు కరుణ కోసం మోషే చేసిన విజ్ఞప్తిని మనం చూస్తాము. మోషే పరము నుండి వచ్చిన మన్నా (మత్తయి 5:6) వంటి దేవుని ప్రేమలో సంతృప్తిని పొందాలని కోరుకున్నాడు. మన సంతృప్తి క్రీస్తు నుండి వస్తుంది, ఆయన స్పష్టంగా జీవాహారము. మనం ప్రతిరోజూ ఆనందం కోసం కేకలువేస్తూ ఉండాలి! మోషే తన జీవితంలోని రోజులన్నింటిలో, కష్టాలలో కూడా సంతోషించాలనుకున్నాడు (రోమా 8:18).

ముగింపు

మనకు విలువ, ప్రాముఖ్యత మరియు అర్థం ఉందని మనం అర్థం చేసుకోవచ్చు. అది అసాధ్యమని భావించినప్పుడు కూడా దేవుడు మనలో కురిపిస్తాడు. దేవుడు మిమ్మల్ని స్థిరపరుస్తాడు, బలపరుస్తాడు మరియు మద్దతు ఇస్తాడు మరియు మీకు ఇక్కడ పరిహారం పొందకపోతే, మీరు పరలోకములో పొందుకుంటారు (1 పేతురు 5:10). ఈ విధంగా మనం నిరీక్షణ కలిగి ఉండవచ్చు. వీయర్స్ బీ ఇలా వ్రాశాడు:

జీవితం క్లుప్తమైనది, కాబట్టి మోషే, “మాకు బోధించు” అని ప్రార్థించాడు. జీవితం కష్టమైనది, మరియు అతను "మమ్మల్ని సంతృప్తిపరచు" అని ప్రార్థించాడు. కొన్నిసార్లు తన పని నిష్ఫలంగా అనిపించింది, "మా చేతుల పనిని స్థిరపరచు." దేవుడు మోషే కొరకు ఆ ప్రార్థనలకు జవాబిచ్చాడు మరియు మన కొరకు వాటికి జవాబిస్తాడు. యేసు మీ రక్షకుడు మరియు ప్రభువు అయినప్పుడు భవిష్యత్తు మీ నేస్తమవుతుంది¹²

మనం గందరగోళములో ఉన్నా దేవుడు పెద్ద దేవుడని మోషే చెబుతున్నాడు. జీవితం చిన్నదని మనకు తెలుసు, కానీ ఈ ప్రక్రియలో, మనం ఎప్పటికీ ఆయనతో ఉండే వరకు దేవుడు మనకు ఉద్దేశ్యాన్ని ఇస్తాడు!