Jesus is Crucified and Buried

పరిచయం

మార్కు 14లో, గెత్సేమనే తోటలో యేసు తన శిష్యులకు రెండు పదాలు చెప్పాడు: "మేల్కొని ఉండండి." మూడు సార్లు యేసు ఇలా అన్నాడు, మరియు మూడవసారి, "నేను అప్పగింపబడబోతున్నాను" అని యేసు చెప్పాడు. అప్పుడు, యూదా గెత్సేమనే తోటలో కనిపించాడు మరియు యేసు అధికారులకు అప్పగించబడ్డాడు.

పాఠము

మార్కు 15:1-5: తెల్లవారగానే ప్రధాన యాజకులు, పెద్దలు, శాస్త్రులు మరియు మహాసభ మొత్తం యేసు చేతులు కట్టి పిలాతుకు అప్పగించారు. యేసు యూదుల రాజువు నీవేనా అని పిలాతు అడిగినప్పుడు, యేసు, “నీవన్నట్లే” (మత్తయి 26:25) అని జవాబిచ్చాడు. ప్రధాన యాజకులు యేసును అనేక విషయాలలో నిందించడం కొనసాగించగా, ఆయన ఇంకేమీ మాట్లాడలేదు.

మార్కు 15:6-15: పండుగలో, ఒక ఖైదీని విడుదల చేయడం పిలాతు ఆచారం. ఇది రెండు ఎంపికలకు వచ్చింది: యేసు లేదా బరబ్బ. ప్రజలులు బరబ్బాను విడుదల చేయడానికి ఎంచుకున్నారు. విడుదలైన తర్వాత, పిలాతు ఇలా అడిగాడు, “యూదుల రాజని మీరు చెప్పువాని నేనేమి చేయుదునని మరల వారి నడిగెను?” మరియు వారు "వానిని సిలువవేయుమని మరల కేకలువేసిరి.!" పిలాతు ఎందుకో తెలుసుకోవాలనుకున్నాడు, కాని వారు మళ్ళీ, “ఆయనను సిలువ వేయండి!” కేకలువేశారు. జనసమూహమును సంతృప్తి పరచడానికి, పిలాతు యేసును కొరడాలతో కొట్టించి సిలువ వేయడానికి అప్పగించాడు.

మార్కు 15:16-20: తాను చంపబడి సమాధిచేయబడి, పునరుత్థానుడనవుతానని యేసు మూడుసార్లు ప్రవచించాడు. ఈ ప్రక్రియలో, ఆయన ఎగతాళి చేయబడతాడు, కొరడాలతో కొట్టబడ్డాడు మరియు ఉమ్మివేయబడ్డాడు. ఈ వచనాలు యేసు తాను శ్రమలు అనుభవిస్తానని చెప్పిన విధానానికి సంబంధించిన అన్ని ప్రవచనాలను బయటపెట్టినట్లు ధృవీకరిస్తాయి.

మార్కు 15:21-32: ఈ వచనాలలో యేసు యొక్క నిజమైన సిలువ శ్రమలు నమోదు చేయబడినవి.

మార్కు 15:33-41 మధ్యాహ్నమైనప్పుడు, మధ్యాహ్నం మూడు గంటల వరకు దేశమంతటా చీకటి అలుముకుంది. యేసు సిలువపై ఉండి చనిపోయాడు. గుర్తుంచుకోండి, మార్కు 10:45 ఇదే యేసు అంతిమ లక్ష్యం అని చెప్పింది. " మనుష్య కుమారుడు పరిచారము చేయించుకొనుటకు రాలేదు గాని పరిచారము చేయడానికే వచ్చాడు." అనేకులకు ప్రతిగా విమోచన క్రయధనంగా తన జీవితాన్ని ఇవ్వడం ద్వారా యేసు సేవ చేశాడు. యేసు తుది శ్వాస విడిచినప్పుడు, జనసమూహం ఏమి జరిగిందో అర్థం చేసుకోవడానికి ప్రయత్నించారు.

మార్కు 15:42-43: ఇప్పుడు యేసు మరణించాడు, ఆయన మరణానికి మరియు పునరుత్థానానికి మధ్య ముఖ్యమైన సంబంధం ఆయన సమాధి. సిలువ వేయడం వాస్తవానికి శుక్రవారం నాడు జరిగింది, అందుకే మనం దానిని మంచి శుక్రవారము అని పిలుస్తాము. ఇప్పుడు సాయంత్రం అయింది, కాబట్టి సబ్బాతు ప్రారంభమైంది. అరిమతీయాకు చెందిన యోసేపు ధైర్యంగా యేసు మృతదేహాన్ని ఇప్పించమని పిలాతును అడిగాడు. అరిమతీయా అనేది యెరూషలేముకు వాయువ్యంగా 20 మైళ్ల దూరంలో ఉన్న ఒక పట్టణం. యేసును వదిలించుకోవాలని కోరుకునే సన్హెద్రీ సభలో యోసేపు సుప్రసిద్ధమైన వాడు, మరియు ప్రముఖ సభ్యుడు.

మార్కు 15:1కి తిరిగి వెళ్ళు, అక్కడ ప్రధాన యాజకులు, పెద్దలు, శాస్త్రులు మరియు మొత్తం మహాసభ యేసును పట్టుకుని పిలాతుకు అప్పగించారు. యోసేపు ఇందులో భాగమా? యోహాను 19:38 యోసేపు “యేసుకు శిష్యుడు—అయితే యూదుల పట్ల అతనికున్న భయం వల్ల రహస్యంగా” అని బయలుపరిచాడు. లూకా 23:50-51 యోసేపు నీతిమంతుడని చెబుతుంది, అతను యేసును వదిలించుకోవాలనే మహాసభ యొక్క ప్రణాళికతో ఏకీభవించలేదు. యోసేపు దేవుని రాజ్యం కోసం ఎదురు చూస్తున్నాడని లేఖనాలు ఎప్పుడూ చెబుతాయి. ఇది ఎందుకు ముఖ్యమైనది? ఇది యేసును పాతిపెట్టడంలో అతని చర్యలను నిర్దేశించింది. సన్హెద్రీ చర్యలతో విభేదించిన క్రీస్తు రహస్య శిష్యుడిగా, అతను ధైర్యంగా పిలాతు వద్దకు వెళ్లి యేసు శరీరాన్ని అడిగాడు. పిలాతు వద్దకు వెళ్లడం వలన అతను సిలువ వేయబడిన యేసుతో పొత్తులో ఉన్నట్లు సూచించినందున దీనికి తీవ్రమైన ధైర్యం వచ్చింది. యోసేపు "తన్ను తాను ఉపేక్షించుకొని, తన సిలువను ఎత్తుకొని, [యేసును] వెంబడించడానికి" (మార్కు 8:34) సిద్ధపడ్డాడు. యోసేపు యేసుతో గుర్తించబడటానికి సిద్ధంగా ఉన్నాడు మరియు యేసు శరీరాన్ని స్వీకరించే విషయములో చనిపోవడానికి కూడా సిద్ధంగా ఉన్నాడు.

మార్కు 15:44-45: యేసు అప్పటికే చనిపోయాడని పిలాతు ఆశ్చర్యపోయాడు. సిలువ వేయడం సుదీర్ఘమైన, కష్టమైన, బాధాకరమైన ప్రక్రియ కాబట్టి యేసు అప్పటికే చనిపోయాడా అని పిలాతు శతాధిపతిని అడిగాడు. పిలాతు శవాన్ని యోసేపుకు ఇచ్చాడు (యేసు శరీరాన్ని శవంగా వర్ణించడం ఇది ఒక్కసారి). రాజద్రోహం నేరం మోపబడిన వ్యక్తి యొక్క శవాన్ని ఎవరికైనా కానీ సమీప బంధువుకు ఇవ్వడం కూడా అసాధారణమని వెసెల్ చెప్పాడు.¹ యేసు రాజద్రోహానికి పాల్పడలేదని పిలాతుకు తెలిసి ఉండవచ్చు, కాబట్టి అతను తన శరీరాన్ని యోసేపుకు ఇచ్చాడు. యేసు నిజంగా ఎవరో పిలాతుకు తెలిసి ఉండవచ్చు.

మార్కు 15:46: యోసేపు యేసును సిలువపై నుండి దించి, ఆయన శరీరాన్ని నారబట్టతో చుట్టి, బండలో తొలిపించిన సమాధియందు ఉంచాడు. యోసేపు అప్పుడు ఆయనను పెట్టి ఆ సమాధి ద్వారమునకు రాయి పొర్లించెను. యేసుక్రీస్తును సమాధి చేశాడని సంప్రదాయం చెబుతున్న రెండు ప్రదేశాలలో సమాధి తోట ఒకటి. సమాధి లోపల రెండు గదులు ఉన్నాయి; యేసు మృతదేహాన్ని లోపలి గదిలో ఉంచారు.

యోహాను 19:38-42 ప్రకారం నికోదేము, సభ సభ్యుడు కూడా కావడంతో సమాధి చేయడంలో యోసేపుకు సహాయం చేశాడు. (యోహాను 3:1-2లో, నికోదేము రాత్రియందు  యేసును కలిశాడు.) నికోదేము సుమారు 75 పౌండ్ల సాంబ్రాణి మరియు బోళము తీసుకువచ్చాడు. వారు యూదుల ఆచారాల ప్రకారం యేసు శరీరాన్ని నార బట్టలు మరియు సుగంధ ద్రవ్యాలతో చుట్టారు. వారు ఆయన శరీరాన్ని ఒక సమాధిలో, ఎవరూ ఉంచని తోటలో ఉంచారు.

యోసేపు తనను తాను యేసు అనుచరుడిగా వెల్లడించడం బహుశా ఇదే మొదటిసారి కావచ్చు. యోహాను 7:45-50లో, దేవాలయ బంట్రౌతులు యేసును ఎందుకు బంధించలేదని ప్రధాన యాజకులు మరియు పరిసయ్యులు తెలుసుకోవాలనుకున్నప్పుడు నికోదేము యేసును సమర్థించాడు. వైర్స్‌బే ఇలా అంటాడు, "ఈ ఇద్దరు వ్యక్తులు అకస్మాత్తుగా యేసును పాతిపెట్టాలని నిర్ణయించుకున్నారని మనం అనుకోకూడదు, ఎందుకంటే వారు చేసిన దానికి చాలా సిద్ధపాటు కావాలి."² ఈ వ్యక్తులు లేఖనాలలోని ప్రవచనాలను అధ్యయనం చేసి, "ఆత్మతో" కనుగొన్నారని అతను సూచించాడు. యేసు పస్కా పండుగలో చనిపోతాడని. మెస్సీయ ఒక ధనవంతుని సమాధిలో సమాధి చేయబడతాడని యెషయా ప్రవచించాడు. ఎవరో ఒకరు ముందుకు వచ్చి ప్రవచింపవలసి వచ్చింది. యోసేపు మరియు నికోదేము ఇలా చేశారు, ఎందుకంటే వారు “దేవుని రాజ్యాన్ని వెదకడం” వల్ల యెషయా 53:9ని అధ్యయనం చేసి, దానిలో భాగం కావాలని నిర్ణయించుకున్నారు. వారు ఆనాటి సమాధి ఆచారాలను నెరవేర్చారు. సాధారణంగా, శరీరాన్ని కడిగి, సుగంధ ద్రవ్యాలతో అభిషేకం చేసి (నికోదేము తెచ్చినది), గుడ్డలో చుట్టి, ఖననం చేసిన కట్టుతో కట్టి, ప్రత్యేక వస్త్రంతో ముఖాన్ని కప్పి ఉంచుతారు. జోసెఫ్ మరియు నికోదేము, ఆ సమయంలో, మృతదేహంగా ఉన్న యేసుకు సేవ చేశారు.

మార్కు 15:47: యేసు తల్లియైన మరియ మరియు మగలేనె మరియ యేసు మృతదేహాన్ని ఎక్కడ ఉంచారో చూసారు. ఆయన పరిచర్యలో యేసుకు మద్దతుగా నిలిచిన స్త్రీలు సబ్బాతు ముగిసిన తర్వాత ఆయన శరీరాన్ని అభిషేకించడానికి నూనెలు మరియు సుగంధ ద్రవ్యాలు సిద్ధం చేశారు. ఆయన శరీరం అక్కడ లేదు, కానీ వారు సిద్ధపడి మరియు సిద్ధంగా ఉన్నారు.

ఈ వృత్తాంతం నుండి సేవచేసే యేసును గురించి మనం ఏమి నేర్చుకోవచ్చు?

1. సేవకులు సిద్ధమయ్యారు. వారు దేవుని రాజ్యం కోసం ఎదురుచూశారు. సన్హెద్రి యేసును సిలువ వేయమని డిమాండ్ చేసిన సమయంలో వారు సమాధిలో దాక్కున్నారని ఒక సిద్ధాంతం (నిరూపించబడలేదు).³
2. వారికి వాక్యము తెలుసు. వారికి పాత నిబంధన ప్రవచనాలు బాగా తెలుసు మరియు యేసు మరణంలో అవి నెరవేరడం చూశారు.
3. వారు ధైర్యంగా ఉన్నారు.
4. వారు త్యాగాలు చేసారు. వారు తమను తాము నిరాకరిస్తూ, తమ శిలువలను ఎత్తుకుని, యేసును అనుసరించడానికి సిద్ధంగా ఉన్నారు.
5. వారు మంచి సారథ్యం వహించారు. యోసేపు మరియు నికోదేములు వారి భౌతిక ఆస్తులకు మంచి నిర్వాహకులు.
6. వారికి గొప్ప విశ్వాసం ఉన్నది.

యోసేపు మరియు నికోదేములు యేసు మృత దేహాన్ని పాతిపెట్టడం ద్వారా దేవుని రాజ్యం కోసం ఎదురుచూశారు, ఎందుకంటే ఆయన మళ్లీ జీవించబోతున్నాడని వారు నమ్మారు.

ముగింపు

రాజు యొక్క రాకడకు సిద్ధం కావడానికి మనం మన ఆస్తులకు మంచి నిర్వాహకులుగా మారాలి.