Misplaced Trust in Wealth

పరిచయం

49వ కీర్తన జ్ఞాన కీర్తన. ప్రజలు పాడేందుకు కోరహు కుమారులు దానిని గాయక బృందానికి వ్రాసారు. నెల్సన్ యొక్క వ్యాఖ్యానం ప్రకారం, 49వ కీర్తన సంగీతానికి సంబంధించిన సూచనలలో ఒకటి. కీర్తన “తెలివిగల వ్యక్తిని అణచివేసే ధనవంతుల నుండి భయపడాల్సిన అవసరం లేదని గ్రహించాలని పిలుపునిచ్చింది: జంతువులలాగే వారు కూడా చనిపోతారు. అయితే నీతిమంతులు శాశ్వతంగా జీవిస్తారు.”¹ 49వ కీర్తనకు శీర్షిక “సంపదపై నమ్మకం పోవుట”.

కోరహు కుమారులు ఈ కీర్తన రచయితలు. వారి నేపథ్యం ఆసక్తికరంగా ఉంటుంది. 30 మరియు 50 సంవత్సరాల మధ్య వయస్సు గల కహాతీయుల జనాభా గణనను తీసుకోవాలని దేవుడు మోషే మరియు అహరోనులకు చెప్పాడు (సంఖ్యాకాండము 4:1-5). అహరోను మరియు అతని కుమారులు అత్యంత పవిత్రమైన వస్తువులను చూసుకునే బాధ్యతను కలిగి ఉన్నారు. ఈ వస్తువులలో ఇవి ఉన్నాయి: మందసము, దేవుని సన్నిధికి సంబంధించిన బల్ల, పానీయ నైవేద్యానికి ఉపయోగించే గిన్నెలు మరియు కుండలు, దీపస్తంభం మరియు గుడారం నుండి దీపాలు మరియు బంగారు బలిపీఠం (సంఖ్యాకాండము 4:7-20). గుడారము మారినప్పుడల్లా వీటిని కూడా సర్దుకుని తరలించాల్సి వచ్చేది. అప్పుడు కహాతీయులు వస్తువులను రవాణా చేస్తారు, కానీ వారు ఈ వస్తువులను తాకలేరు లేదా వాటిని చూడలేరు లేదా వారు చనిపోతారు (సంఖ్యాకాండము 4:15, 20). దేవుడు మోషే మరియు అహరోనులను కహాతీయుల వంశాలను జాగ్రత్తగా చూసుకోమని చెప్పాడు, కాబట్టి వారు లేవీయులచే తుడిచిపెట్టబడరు, ఎందుకంటే కహాతీయులకు ఒక ముఖ్యమైన పని ఉంది (సంఖ్యాకాండము 4:17-20).

సంఖ్యాకాండము 16లో, కోరహు మరియు ఇతర ప్రముఖ ఇశ్రాయేలీయులు మోషే మరియు అహరోనులకు వ్యతిరేకంగా తిరుగుబాటు చేసి ఇశ్రాయేలీయులందరూ పరిశుద్ధులని వారికి చెప్పారు. మోషే మరియు అహరోనులు ఇశ్రాయేలీయుల సమాజం కంటే తమను తాము ఎందుకు గొప్పగా చేసుకున్నారని వారు ప్రశ్నించారు (వ. 1-3). వారు తమ జీవితమంతా ఈ పరిశుద్ధ వస్తువులను మోస్తూనే ఉన్నారు, కానీ వాటిని ముట్టుకోలేకపోయారు, తాకలేకపోయారు కానీ మోషే మరియు అహరోనులు వాటిని తాకగలిగారు కాబట్టి ఇది వారికి అసూయగా ఉంది. మోషే ప్రతిస్పందిస్తూ, దేవుడు తనను ఏమి చేయమని పిలిచాడో అదే చేశానని చెప్పాడు. తిరుగుబాటు చేసిన వారు అందరిలాగే జీవించి చనిపోతే, అతను దేవుడు చేయాలనుకున్నది తాను చేశాననుటకు రుజువు ఉండదని ఆయన అన్నారు. అయితే, దేవుడు ఇంతకు ముందెన్నడూ చేయని పని చేసి, భూమి తెరిచి వారందరినీ మింగివేస్తే, వారి వద్ద ఉన్న ప్రతిదానితో పాటు, ఇశ్రాయేలు ప్రజలు దేవుడే బాధ్యత వహిస్తారని తెలుసుకుంటారు. (వ. 28–30). మోషే వర్ణించినట్లుగానే భూమి తన నోరు తెరచి వారిని వారి కుటుంబములను కోరహు సంబంధు లందరిని వారి సమస్త సంపాద్యమును మింగివేసెను. (వ. 31-35). వారందరూ మింగబడినట్లు కనిపిస్తున్నప్పటికీ, సంఖ్యాకాండంఉ 26వ అధ్యాయములోని జనాభా గణన కోరహు యొక్క ప్రజలలో ఒక చిన్న సమూహం చనిపోలేదని చూపింది (వ. 9–11).

పాఠము

కీర్తన 49:1-4: నెల్సన్ యొక్క వ్యాఖ్యానం 1-4 వచనాలను "అవగాహన కోరకైన పిలుపు"గా వివరిస్తుంది, ఇది విశ్వవ్యాప్తంగా ప్రజలందరికీ వెళుతుంది.² "ప్రపంచం" (వ. 1) అనే హెబ్రీ పదానికి "మొత్తం మానవ దృశ్యం, గడచిన జీవితమంతటి చక్రము.”³ “పొడుపు కథ” లేదా “చీకటి సామెత” అంటే “చిక్కుముడి” మరియు “కలవరపెట్టే నైతిక సమస్యను సూచిస్తుంది”: దేవుని గురించి ఏమాత్రం ఆలోచించనట్లు కనిపించే అణచివేసే ధనవంతులతో నీతిమంతులు ఎలా ఒప్పుకుంటారు?”⁴ సంగీత వాయిద్యములను ఉపయోగించి ఈ సందేహస్థితిని వివరిస్తామని కీర్తనకారులు చెప్పారు.

కీర్తనలు 49:5-9: కీర్తనకారుడు తన శత్రువుల పాపాలను తెలుసుకొన్నాడు, కానీ వారివలన తనకు భయం లేదని చెప్పాడు. వారు తమ వ్యక్తిగత సంపదపై నమ్మకం ఉంచారు కానీ దేవుని ముందు తమను తాము విమోచించుకోవడానికి తగినంత క్రయధనము నివ్వలేదు. "గొయ్యి" (వ. 9) అనే పదం "మరణం యొక్క చీకటి కోణంలో ఉన్న శక్తిని సూచిస్తుంది."⁵ మరణం యొక్క శక్తి నుండి ఎవరినైనా దేవుడు మాత్రమే విడిపించగలడు. ధనవంతులుగా ఉండటం పాపం కాదని "మనం ఇచ్చే వానిగా దేవుణ్ణి గుర్తించి, ఇతరులకు సహాయం చేయడానికి మరియు ఆయన పేరును మహిమపరచడానికి ఆయన ఇచ్చే వాటిని ఉపయోగించే ధనవంతులుగా ఉండాలని."⁶ (మార్కు 10:24-25; లూకా 16:15.) వైర్స్‌బే వివరించాడు.

కీర్తనలు 49:10-12: దేవుడు లేని ధనవంతులు చనిపోతారు మరియు ఇతరులు వారి సంపదను పొందుతారు. వారి జీవితాల కోసం వారు చూపించవలసిందల్లా వారి శాశ్వతమైన విశ్రాంతి స్థలం-వారి సమాధులు. జంతువుల్లాగే మానవాళి కూడా చనిపోతుంది. సంపద కలిగి ఉండడం వల్ల అలా జరగకుండా నిరోధించలేం.

కీర్తనలు 49: 13-15: ఈ మార్గాన్ని అనుసరించిన వారు అహంకారంతో ఉన్నారు మరియు వారు పాతాళము వైపు వెళ్ళారు. కానీ ధనవంతులను మరియు పేదలను పాతాళము నుండి రక్షించే శక్తి దేవునికి ఉంది. ఇది “పాపం నుండి మరియు సమాధి శక్తి నుండి మనల్ని ఇప్పటికే విమోచించిన ప్రభువు”⁷ యొక్క విమోచన పనిని సూచిస్తుంది.

కీర్తనలు 49:16-20: కాబట్టి, చనిపోయినప్పుడు తమతో ఏమీ తీసుకోని మరియు మళ్లీ వెలుగు చూడని ధనవంతులకు వారు భయపడకూడదు. కానీ, "ఘనత నొంది యుండియు బుద్ధిహీనులైనవారు నశించు జంతువులను పోలియున్నారు." (వ. 20).

ముగింపు

కోరహు కుమారుల నేపథ్యాన్ని కలిగి ఉండటం ఈ భాగానికి జీవం పోస్తుంది. 49వ కీర్తనలోని మాటలు సంఖ్యాకాండములో వివరించబడిన కుటుంబ అనుభవాల నుండి వచ్చాయా అని మీరు ఆశ్చర్యపోవాలి. ఈ కీర్తనలోని జ్ఞానం, కోరహు ప్రజలకు ఏమి జరిగిందనే దానిలో లోతైన మూలాలు ఉన్నాయనిపిస్తుంది, వారు ఇతరులకు ఏమి కావాలని కోరుకున్నారు మరియు వారు ఇప్పటికే కలిగి ఉన్న ముఖ్యమైన పాత్రను కోల్పోయారు. ఈ సాహిత్యం నిజమైనది మరియు ఏది ముఖ్యమైనది అని తెలుసుకున్న వ్యక్తి నుండి వచ్చింది.