David and Zion Were Chosen

పరిచయం

ఈ వారం మనము కీర్తనల గ్రంధములో మన అధ్యయనాన్ని ముగించాము. కీర్తనల అధ్యయనం ఇప్పటివరకు మనము పరిశుద్ధగ్రంధములో ఏదైనా గ్రంధములో పూర్తి చేసిన అతి పొడవైన బోధనా శ్రేణి మరియు ఇది నాకు గొప్ప అధ్యయనం. కీర్తనల అంతటా పైకి క్రిందికి భావోద్రేకాల అంశాలతో వ్యవహరించడం గురించి నాకు ఖచ్చితంగా తెలియదు, కానీ అది నాకు పునరావృతమయ్యేలా అనిపించలేదు. కీర్తనల పుస్తకానికి సంబంధించిన మా పదబంధం మహిమగల రాజు, కానీ నన్ను ఆశ్చర్యపరిచిన అంతర్లీన అంశము ఏమిటంటే, మహిమగల రాజు యేరుషలేము వస్తున్నాడు అని. చాలా కీర్తనలు యేరుషలేమును సూచిస్తాయి-అక్కడ ఆరాధన జరుపుకోవడం, అక్కడ దేవుని ఉనికి మరియు ప్రభువు యొక్క జరుగబోవు క్రియలను గురించి చెప్పబడింది. కీర్తన 132 మూడు విభాగాలుగా సరిపోతుంది. ఇది రాజ కీర్తన, యాత్రా కీర్తన మరియు మెస్సియా కీర్తన. ఇది యాత్రా కీర్తనలలో పొడవైనది.

132వ కీర్తనలో ప్రభువు నివాసస్థలమైన యెరూషలేముకు ఉత్సహాముతో పోదాము రండి (వ. 7). యెరూషలేము దేవుని పట్టణము అని యూదులు అర్థం చేసుకున్నారు. 132వ కీర్తన 89వ కీర్తనను పోలి ఉంటుంది. రెండు కీర్తనలు అభిషేకించబడిన రాజును సూచిస్తాయి మరియు అది వ్రాయబడిన కాలానికి మరియు మహిమగల రాజు యొక్క రాభోవు కాలానికి రెండింటికీ వర్తిస్తుంది. అభిషిక్త రాజుతో పాటు, ఎదుర్కోవాల్సిన శత్రువును రెండు కీర్తనలు తెలియజేస్తాయి. రెండు కీర్తనలు రక్షణ యొక్క కొమ్మును మరియు సింహాసనాన్ని సూచిస్తాయి. మాక్‌ఆర్థర్ 132వ కీర్తనలో “దావీదు రాజవంశీయుల కోసం దేశం యొక్క ప్రార్థనలు ఉన్నాయి, వారు మెస్సీయ కొరకు ఎదురు చూస్తున్నారు.”¹

పాఠము

కీర్తన 132:1-5: అజ్ఞాత కీర్తనకారుడు దావీదు అనుభవించిన కష్టాలను గుర్తుంచుకోవాలని దేవుణ్ణి అడిగాడు (వ. 1) మరియు అతను "యాకోబు యొక్క బలిష్టునికి" (వ. 2) ఎలా మ్రొక్కుబడి చేశాడో గుర్తుంచుకోవాలి. ఇది దేవుని యొక్క అరుదైన హోదా, దీనిని మొదట యాకోబు ఉపయోగించాడు (ఆదికాండము 49:24-25). యెషయా 1:24 “ఇశ్రాయేలు యొక్క శక్తిమంతుడు” అనే పదాన్ని ఉపయోగిస్తుంది. దేవుడు యాకోబుకు పెట్టిన రెండవ పేరు ఇశ్రాయేలు. కష్ట సమయాల్లో దేవుడు రక్షణ మరియు ఆశీర్వాదం ఇచ్చాడని చూపించడానికి రెండు పదబంధాలు ఉపయోగించబడ్డాయి. 3-5 వచనాలలో, దేవుడు మరియు ఆయన మందసము కొరకు నివాస స్థలాన్ని కనుగొనవలసిన అవసరతతో దావీదు ప్రేరేపించబడ్డాడు (2 సమూయేలు 7:1-2). ఇది దావీదుకు కష్టమైంది (2 సమూయేలు 24), ఎందుకంటే అతను దాని కోసం భూమిని కొనుగోలు చేసినప్పటికీ, దేవుని నివాస స్థలాన్ని నిర్మించడానికి అతనికి అనుమతి లేదు. దేవుడు తన కుమారుడైన సొలొమోను ఆలయాన్ని నిర్మించాలని దావీదుతో చెప్పాడు.

కీర్తనలు 132:6-7: కీర్తనకారుడు దావీదు కష్టాల నుండి దావీదు సంతతికి చేరుకున్నాడు. మందసము బేత్లెహేము సమీపంలో ఎఫ్రాతా అనే ప్రాంతంలో ఉందని వారు విన్నారని మరియు అది యాయరు (కిర్యత్యారీము అని కూడా పిలుస్తారు) పొలాల్లో కనుగొనబడిందని అతను చెప్పాడు. మందసము యెరూషలేముకు తీసుకెళ్ళడానికి ముందు 20 సంవత్సరాలు (1 సమూయేలు 7:1-2) కిర్యత్యారీము వద్ద ఉంది (2 సమూయేలు 6:1-5). మాక్‌ఆర్థర్ ఇలా వివరించాడు, “దేవుని సింహాసనం పరలోకములో ఉంది మరియు ఆయన పాదపీఠం భూమిపై ఉంది.”² ఈ సందర్భంలో, “ఆయన పాదపీఠం” 7వ వచనంలో “భూమిపై ఉన్న ఒడంబడిక పెట్టె వద్ద ఆరాధన” గురించి ప్రస్తావించబడింది.³ కానిస్టేబుల్ ప్రతిస్పందనను వివరిస్తాడు. మందసము తిరిగి యెరూషలేముకు ప్రయాణం:

ఈ కీర్తనను పాడిన ఇశ్రాయేలీయుల యాత్రికులు సియోను పర్వతం మీద, యెరూషలేములోని మందసము నిలిచి ఉంచిన ప్రదేశానికి (వ. 7) దేవుణ్ణి ఆరాధించడానికి వెళ్లాలని నిర్ణయించుకున్నారు (వ. 7), ఇక్కడ దేవుని "పాదపీఠం"గా పేర్కొన్నారు. అక్కడ దేవుడు తన ప్రజల మధ్య స్థానికంగా నివసించాడు. ఇది అతని భూసంబంధమైన సింహాసనం. అక్కడ తమతో కలవాలని దేవుడిని పిలిచారు. వారు "దేవుని బలముగల మందసము" గురించి మాట్లాడారు, ఎందుకంటే ఇది ఇశ్రాయేలు యొక్క మునుపటి యుద్ధాలలో దేవుని శక్తిని సూచిస్తుంది.⁴

అరణ్యములో ఉన్న ప్రజలకు ముందుగా వెళ్లడం మరియు వారిని యోర్దాను నది దాటి వాగ్దాన దేశములోకి నడిపించడంతో సహా చాలా కష్టమైంది.

కీర్తన 132:8-10: ఇశ్రాయేలీయులు దేవుణ్ణి "యెహోవా, లెమ్ము...నీవు నీ బలసూచకమైన మందసమును" యెరూషలేముకు రమ్ము అని పిలుపు నిచ్చారు (వ. 8a). నెల్సన్ యొక్క వ్యాఖ్యానం వారు దేవుడు వాగ్దానం చేసినట్లుగా తన అభిషిక్తుడిని తమ వద్దకు పంపమని అడిగారు.⁵ కీర్తనకారుడు దేవుడు తన నగరంలో తన మందసమును, అతని రాజును, అతని యాజకులు మరియు అతని దైవభక్తిగల ప్రజలను ఆరాధనలో ఉంచమని అడిగాడు. (vv. 8b–9). కీర్తనకారుడు తన అభిషిక్తుడికి ఎప్పటికీ వాగ్దానం చేసినందున వారి నుండి దూరంగా ఉండవద్దని దేవుణ్ణి వేడుకున్నాడు (వ. 10).

కీర్తన 132:11-18: దేవుడు తన వంశస్థులను సింహాసనంపై శాశ్వతంగా పరిపాలిస్తారని దావీదుతో ప్రమాణం చేశాడని కీర్తనకారుడు జ్ఞాపకము చేసాడు (వ. 11-12). నెల్సన్ యొక్క వ్యాఖ్యానం పేర్కొంది 11 "దావీదు నిభందన యొక్క ప్రధాన పదాలను కవిత్వ పునర్నిర్మించబడింది " (2 సమూయేలు 7:8-16).⁶ విచారకరమైన విషయం, దావీదు నుండి వచ్చిన రాజులలో ఎంతమంది చెడ్డ రాజులు ఉన్నారో మనకు తెలుసు. “దావీదుకు చేసిన వాగ్దానం విశ్వాసపాత్రులైన కుమారులపై దేవుడు ఉద్దేశించిన ఆశీర్వాదాలు, దారితప్పిన కుమారులను శిక్షించడం మరియు ఊహించిన రాబోయే కుమారునిలో అతని అంతిమ నెరవేర్పు పరంగా నిర్దిష్టంగా ఉంటుంది.”⁷

దేవుడు సీయోను (యెరూషలేము) ఎప్పటికీ తన నివాసంగా మరియు తన విశ్రాంతి స్థలంగా ఎంచుకున్నాడు. ఆయన దానిని కోరుకున్నాడు (వ. 13–14). దేవుడు తన నగరంలో తన ప్రజలను ఆశీర్వదిస్తాడు, తన యాజకులకు రక్షణను వస్త్రముగా దరింప చేస్తాడు మరియు ప్రజలు "బిగ్గరగా ఆనందగానము చేసెదరు" (వ. 15-16). “సంతోషం కోసం కేకలు వేయడం” అంటే “బిగ్గరగా పలకడం” మరియు “హృదయపూర్వకంగా, సంతోషకరమైన గానం” అని వర్ణించడానికి ఉపయోగించబడింది.⁸ v. 17) (యెషయా 11:1–5). రాబోయే మెస్సీయ కిరీటాన్ని ధరిస్తాడు, అయితే ఆయన శత్రువులు అవమానంతో ధరింస్తారు (వ. 18).

ముగింపు

యెరూషలేము వరకు పాడిన యాత్రా కీర్తనలు మనందరి కోసము. మనమందరము పరలోక సీయోనుకు వెళ్తాము (హెబ్రీయులు 12:22-24). మెస్సీయ యొక్క రాజ్యం శాశ్వతంగా స్థాపించబడుతుంది (యెషయా 9:7), మరియు ఆయన శత్రువు ఆయనను ఎదిరించడు. మహిమగల రాజు పరిపూర్ణుడు ఇది మనందరికీ సిద్ధమయ్యే పాట, ఎందుకంటే ఆయన సమయంలో మనమందరం ఆయన వద్దకు కొనిపోబదతాము.