Was John The Baptist The Second Elijah

పరిచయము

మత్తయి పుస్తకానికి మనం ఉపయోగిస్తున్న ఒక పదం రాజు. నిన్న, మత్తయి సువార్త 10వ అధ్యాయములో, యేసు తన 12 మంది అపొస్తలులకు తన సందేశాన్ని ఇశ్రాయేలు యొక్క తప్పిపోయిన గొర్రెలవద్దకు తీసుకెళ్లమని, అలాగే దయ్యాలను వెళ్లగొట్టడానికి మరియు రోగులను స్వస్థపరిచే పరిచర్యను చేయమని పంపాడు.

పాఠము

మత్తయి 11:1-3: యేసు తమకు అప్పగించిన పనిని చేయడానికి శిష్యులు బయలుదేరినప్పుడు, ఆయన కూడా ఇశ్రాయేలు పట్టణాలలో బోధించడానికి బయలుదేరాడు (వ. 1). ఈ సమయంలో అందరూ ఒక పరిచర్యలో ఉన్నారు. చెరసాలలో ఉన్న బాప్తిస్మమిచ్చు యోహాను యేసు ఏమి చేస్తున్నాడో విన్నాడు. బాప్తిస్మమిచ్చు యోహాను హేరోదు మరియు అతని భార్యపై చేసిన ఆరోపణల నిమిత్తమై చెరసాలలో వేయబడ్డాడు (లూకా 3:19-29). యోహాను బంధీయయ్యాడని యేసు విన్న తర్వా ఆయన గలిలయకు బయలుదేరాడు (మత్తయి 4:12).

బాప్తిస్మమిచ్చు యోహాను తన మనస్సులో యేసు ఎవరో ఒక నిర్దిష్ట చిత్రాన్ని కలిగి ఉన్నాడు, ఎందుకంటే అతని జీవితమంతా యేసు రాక కోసం సిద్ధపడటానికి అంకితం చేయబడింది. కాని అతను చెరసాలలో ఉన్నప్పుడు, అతను తన (యోహాను) శిష్యుల ద్వారా యేసుకు ఒక సందేశాన్ని పంపాడు, తాను వస్తున్నట్లు ప్రకటించిన యేసువు నీవేనా లేదా మరెవరైనా ఉన్నారా అని ధృవీకరించమని అడుగుటకు పంపిచాడు (వ. 3). యేసు గుర్తింపు గురించి యోహానుకు ఈ నిర్ధారణ ఎందుకు అవసరం?

1. యేసు గలిలయలో ఉన్నాడు, యెరూషలేములో కాదు, అక్కడ కొత్త రాజు రాజ్యానికి నాంది పలికాడు.
2. యోహాను అయోమయంలో పడ్డాడు. మత్తయి 3:11-12లో, తాను యేసు ఆయన చెప్పులు మోయుటకైనను నేను పాత్రుడను కానని యోహాను గుర్తించాడు.

కానీ యేసు అగ్నితోను (మత్తయి 3:12), అధికారం మరియు శక్తితోనూ వస్తాడని అతను ఆశించాడు. మెస్సీయ యెరూషలేములోనుండి వస్తాడని ఆశించుటకు చాలా ఆధారాలు ఉన్నాయి:

కీర్తనలు 118:26: “యెహోవాపేరట వచ్చువాడు ఆశీర్వాద మొందును గాక యెహోవా మందిరములోనుండి మిమ్ము దీవించు చున్నాము.”

మార్కు 11:9b-10: “ జయము ప్రభువు పేరట వచ్చువాడు స్తుతింపబడుగాక వచ్చుచున్న మన తండ్రియైన దావీదు రాజ్యము స్తుతింపబడుగాక సర్వోన్నతమైన స్థలములలో జయము1 అని కేకలు వేయుచుండిరి!”

హెబ్రీయులు 10:37: " ఇక కాలము బహు కొంచెముగా ఉన్నది, వచ్చుచున్నవాడు ఆలస్యముచేయక వచ్చును."

విశ్వాసం లేకపోవడం వల్ల యోహాను అయోమయంలో పడలేదు, కానీ అది జరగాలని ఆశించినప్పుడు అది జరగలేదు.

మత్తయి 11:4-6: యోహాను తన శిష్యులకు యేసు చేసిన పని గురించి తాము విన్న వాటిని మరియు చూసిన వాటిని తనకు నివేదించమని చెప్పాడు: అయితే యేసు ఇలా చెప్పుట ద్వారా యోహాను యొక్క ప్రశ్నకు సమాధానమిచ్చాడు, “గ్రుడ్డివారు చూపుపొందుచున్నారు, కుంటివారు నడుచుచున్నారు, కుష్ఠరోగులు శుద్ధులగుచున్నారు, చెవిటి వారు వినుచున్నారు, చనిపోయినవారు లేపబడుచున్నారు, బీదలకు సువార్త ప్రకటింపబడుచున్నది.” (వ. 5). యేసు సాక్షులను సేకరించి అద్భుతాలు చేయబోతున్నాడు, తద్వారా మెస్సీయగా యేసు పాత్ర గురించి యోహానుకు నిశ్చయత ఇవ్వబడుతుంది.

యెషయా 29:18-19: “ఆ దినమున చెవిటివారు గ్రంథవాక్యములు విందురు అంధకారము కలిగినను గాఢాంధకారము కలిగినను గ్రుడ్డివారు కన్నులార చూచెదరు. యెహోవాయందు దీనులకు కలుగు సంతోషము అధిక మగును మనుష్యులలో బీదలు ఇశ్రాయేలుయొక్క పరిశుద్ధ దేవునియందు అనందించెదరు.”

ఇది మెస్సీయ గురించి యెషయా నుండి వచ్చిన ప్రవచనాత్మక వచనము, మరియు యేసు అప్పటికే ఈ ప్రవచనము నుండి బయటికి వస్తున్నాడు. ఇవి బ్నాప్తిస్మమిచ్చు యోహానుకు తెలిసిన వచనాలు, కాబట్టి యోహాను ఈ సందేశాన్ని అర్థం చేసుకుంటాడని నిర్ధారించుకోవడానికి యేసు ఇవన్నీ చేశాడు. యెషయా 35:5-8 ఇది రాబోయే మెస్సీయ గురించి మరియొక ప్రవచనం.

మత్తయి 11:7-10: యోహాను శిష్యులు అక్కడనుండి వెళ్ళగానే, యేసు తన చుట్టూ ఉన్న జనసమూహానికి బోధించడం ప్రారంభించాడు. యోహాను బోధ వినడానికి వారిని అరణ్యానికి రప్పించిందేమిటి అని యేసు జనసమూహాన్ని అడిగాడు. బహుశా, అతను రాజభవనాలలో పనిచేసే "​సన్నపు బట్టలు" ధరించేవారిని ఎగతాళి చేశాడు. యోహాను ఒక ప్రవక్త మరియు దాని కంటే ఎక్కువని యేసు నొక్కి చెప్పాడు. తన కొరకు మార్గాన్ని సిద్ధం చేయడానికి వచ్చిన యోహానును సూచించడానికి యేసు మలాకీ 3:1ని ఉటంకించాడు. యేసు రాక కొరకు ప్రజలను సిద్ధం చేసే బాధ్యతను బాప్తిస్మమిచ్చే యోహాను నెరవేర్చాడు.

మత్తయి 11:11-15: యోహాను కంటే ఎవరూ గొప్పవారు కాదని యేసు చెప్పాడు, అయితే " పరలోకరాజ్యములో అల్పుడైన వాడు అతనికంటె గొప్పవాడు." (వ. 11) అని చెప్పాడు. మాక్‌ఆర్థర్ ఇలా అన్నాడు, "యోహాను పాత నిబంధన ప్రవక్తల కంటే గొప్పవాడు, ఎందుకంటే అతను నిజంగా తన కళ్ళతో చూశాడు మరియు వారు ప్రవచించిన వాటిని నెరవేర్చడంలో వ్యక్తిగతంగా పాల్గొన్నాడు."¹ ఒకరు వస్తాడని మలాకీ ప్రవచించాడు––ఆయనే బాప్తిస్మమిచ్చు యోహాను. ఇప్పుడు, మనం దేవుని రాజ్యంలో ఉన్నాము మరియు గతం నుండి ప్రవచనాత్మక వచనాన్ని మనం అనుభవించవచ్చు అది మనలను బాప్తిస్మమిచ్చు యోహాను కంటే గొప్పవారిగా చేస్తుంది. అప్పుడు తక్కువ ("అత్యల్ప") వారు కూడ బాప్తిస్మమిచ్చు యోహాను కంటె గొప్పవారు.

12b వచనం ఇలా చెబుతోంది, “పరలోకరాజ్యము బలాత్కారముగా పట్టబడుచున్నది, బలాత్కారులు దాని నాక్రమించుకొనుచున్నారు.” బాప్తిస్మమిచ్చు యోహాను అరణ్యములో కేకలు వేస్తున్న ఒక ప్రవక్తగా, ప్రజల నుండి బలమైన ప్రతిచర్యలను రేకెత్తించాడని” మాక్‌ఆర్థర్ పంచుకున్నాడు.² పరలోకరాజ్యం సమీపంగా ఉందనే సందేశం ఎంతో హింసాత్మకంగా మారింది, అది యోహాను యొక్క శిరచ్ఛేదనం హేరోదు యొక్క సవతి కుమార్తె పుట్టినరోజు కానుకగా కోరబడింది. (మత్తయి 14:6-12). ఈ గ్రాఫిక్ వర్ణన, రాబోయే యేసు గురించిన వారి సందేశం నుండి వెనక్కి తగ్గని ప్రవక్తల మధ్య మరియు వెనుకకు వెళ్ళని శత్రువుల మధ్య ఉద్రిక్తతను చూపుతుంది. మరియు రాజ్యాన్ని వాస్తవంగా ప్రవేశపెట్టే వరకు ఇది కొనసాగుతుంది. దీనిపై పండితులకు చాలా భిన్నమైన అభిప్రాయాలు ఉన్నాయని నేను మీకు చెప్తాను; నేను ఒకదాన్ని మాత్రమే అందించాను, కాబట్టి మీరు దీన్ని తవ్వడం కొనసాగించడానికి మిమ్ములను ఆహ్వానిస్తున్నాను.

13-14 వచనాలు “యోహాను కాలము వరకు ప్రవక్తలందరును ప్రవచించుచువచ్చిరి; ధర్మశాస్త్రము సహా ప్రవచించుచునుం డెను. ఈ సంగతి నంగీకరించుటకు మీకు మనస్సుంటే రాబోవు ఏలీయా యితడే." పరలోక రాజ్యం సమీపములోనే ఉందన్న సందేశాన్ని యూదులు అంగీకరిస్తే, రాజ్య ప్రారంభము జరుగుతుందనుటకు అంత స్పష్టమైన వచనం లేదు. యూదా ప్రజలు చేయాల్సిందల్లా కేవలం "అవును!" అని చెప్పాలి! ఆ సందేశాన్నివారు స్వీకరిస్తేనే యోహానె "రెండవ ఎలిజా" అనే ప్రవచనానికి ప్రవచనాత్మక నెరవేర్పు అవుతాడు. కాబట్టి, ప్రశ్న ఏమిటంటే, “బాప్తిస్మమిచ్చు యోహాను ఏలీయా యొక్క ప్రవచనాత్మక నెరవేర్పా?”

బాప్తిస్మమిచ్చు యోహానే ఈ నెరవేర్పు అని చెప్పుటకు మాక్ఆర్థర్ ఈ బైబిల్ రుజువులను అందించాడు: మలాకీ 4:5-6; మత్తయి 11:14; 16:14; 17:3, 9; 27:47-49; మార్కు 8:28; 9:4; లూకా 1:17; 9:28; యోహాను 1:21.³ యెషయా 40:3లో, బాప్తిస్మమిచ్చు యోహాను తన పాత్ర ఏమిటో ప్రకటించాడు మరియు ఈ రుజువుల ఆధారంగా, మాక్‌ఆర్థర్ ఇలా సూచించాడు:

బాప్తిస్మమిచ్చు యోహాను "‘ఎలియా యొక్క ఆత్మ మరియు శక్తి’తో వచ్చాడని వారు విశ్వసిస్తే ప్రవచనాలు నెరవేరి ఉండేవి.”⁴

మలాకీ 4:5-6ను యోహాను పాక్షికంగా నెరవేర్చాడు.

యూదులు దేవుని రాజ్య సందేశాన్ని స్వీకరించినప్పుడు మలాకీ 4:5-6 అక్షరాలా నెరవేరుతుంది.

అది ఎప్పుడు జరుగుతుందో నాకు తెలియదు, కానీ దానిని చూడడానికి నేను సజీవంగా ఉండాలని ఆశిస్తున్నాను. మత్తయి 11:16 యూదులు మెస్సీయగా యేసును తిరస్కరించడంపై దృష్టి పెడుతుంది.

ముగింపు

మనము మత్తయి 11ని అధ్యయనము చేస్తున్నప్పుడు బాప్తిస్మమిచ్చు యోహాను గురించి చెప్పుకొనుటకు చాలా విషయాలు ఉన్నాయి, అయితే నా ప్రార్థన ఏమిటంటే, వీటిలో కొన్ని, కనీసం ఒక విషయములైనా, మీకు కొత్తవి, మరియు మెస్సీయ యొక్క పూర్తి చిత్రాన్ని చిత్రీకరించడానికి ఈ ముక్కలన్నీ కలిసి వస్తాయి.