The Burnt Offering

పరిచయం

పరిశుద్దగ్రంధం ద్వారా ప్రతి పుస్తకంలో మెస్సీయను సూచించే ఒక పదాన్ని గుర్తించడమే మన లక్ష్యం. ఆదికాండములో సంతానము అనే పదము (ఆదికాండము 3:15). నిర్గమకాండమునకు మన పదము విమోచకుడు (యూదా 5). ఇప్పుడు మనం లేవీయకాండములో ఉన్నాము. లేవియకాండము అంటే, "ఆయన పిలిచాడు" లేదా "ఆయన పేరు పెట్టాడు."

లేవీయకాండ గ్రంధములో యేసు కొరకు మన పదము ప్రాయశ్చిత్తము. పాత ఒడంబడిక మొత్తం యేసు మరియు మెస్సీయను సూచిస్తుంది. లేవియకాండము లేవీయులకు సంబంధించినది – యాజకులు, మరియు మెస్సయ ఒడంబడిక యొక్క అవసరాలను కలిగి ఉంది. గోర్డాన్ వెన్‌హామ్ ఇలా వ్రాశాడు, “అయితే, లేవియకాండమును యాజకుల పుస్తకముగా వర్ణించడం తప్పు. ఆరాధనలో సామాన్య విశ్వాసులు పోషించాల్సిన భాగానికి ఇది సమానంగా సంబంధించినది.”¹ ఇది రోజువారీ వ్యక్తుల కోసం.

ఇశ్రాయేలీయులు అరణ్యంలో ప్రత్యక్ష గుడారాన్ని కలిగి ఉన్నారు, మరియు దేవుడు వారికి మరిన్ని నిబంధనలను ఇస్తానని చెప్పాడు: పరిశుద్ధ స్థలమునకు ఎప్పుడు వెళ్లాలి? ఏం తీసుకురావాలి? యాజకులు ఏమి చేయాలి? వారు ఎలా దుస్తులు ధరించాలి? పుస్తకంలోని కొన్ని అధ్యాయాలు మాత్రమే నేరుగా లేవీయులకు ఇవ్వబడ్డాయి. మిగతా సూచనలు దేవుని సన్నిధిని ఎలా చేరుకోవాలో రోజువారీ వ్యక్తులకు కోసం సూచించబడ్డాయి. మార్క్ F. రూకర్ ఇలా వ్రాశాడు, "వారు యూదుల పిల్లలకు బోధించే పుస్తకాలలో ఇది ఒకటి.”²

లేవియకాండము యొక్క ప్రధాన ఇతివృత్తాలలో ఒకటి పరిశుద్ధత అని సైల్‌హామర్ చెప్పారు.³ దేవుడు ఇశ్రాయేలీయులను ఇలా గుర్తించాడు: (1) ఒక స్వకీయ సంపాద్యమును, (2) యాజక రూపమైన రాజ్యముగాను మరియు (3) పరిశుద్ద జనముగా గుర్తించాడు (నిర్గమకాండము 19:5-6). లేవీయకాండములో, ఇది ఎలా జరుగుతుందనే దాని గురించి దేవుడు వారికి ఒక గ్రంథమును ఇచ్చాడు. ఇశ్రాయేలీయులు అరణ్యంలో ఉన్నారు, మరియు ప్రత్యక్ష గుడారములో ఎలా వ్యవహరించాలో వారికి తెలియదు. వారికి బోధన అవసరం.

పాఠము

లేవీయకాండము 1:1-2: మోషే యొక్క ప్రేక్షకులు ఇశ్రాయేలీయులు. “అర్పించడం” అంటే “దేవుని దగ్గరికి తీసుకురావడం” అని నెల్సన్ రాశాడు.⁴ ఇశ్రాయేలీయులకు దేవుణ్ణి ఎలా సంప్రదించాలో తెలియదని గుర్తుంచుకోండి. సింహాసనాన్ని ఎలా చేరుకోవాలో దేవుడు వారికి బోధిస్తున్నాడు. ఆ సమయంలో ఇశ్రాయేలీయులందరికీ వారి మందలు ఉన్నాయి.

లేవీయకాండము 1:3: నోవహు బలిపీఠం మీద దహనబలులు అర్పించాడు (ఆదికాండము 8:20). అబ్రాహాము తన స్వంత కుమారుడైన ఇస్సాకును దహనబలిగా అర్పించవలసియున్నది (ఆదికాండము 22:1). మోషే మామ అయిన యిత్రో దేవునికి దహనబలిని తెచ్చాడు (నిర్గమకాండము 18:11-12). ఆ స్థలములో ప్రత్యక్ష గుడారం లేకపోయినా, దహనబలి అనే ఆలోచన వారికి క్రొత్తదేమీ కాదు. మందలో నుండి మచ్చలేని మగది అవసరమైయున్నది. వారు ఆమోదయోగ్యమైన నైవేద్యాన్ని తీసుకురావాలి. కాలక్రమేణా, ఇది ప్రయాసముగా మారుతుంది. చివరికి వారికి 613 నియమాలు మరియు నిబంధనలు ఇవ్వబడతాయి.

లేవీయకాండము 1:3-9: దహనబలుల ప్రక్రియ:

1. నైవేద్యము (అర్పణను) సమర్పించండి (v.3).
2. జంతువుల తలపై చేతులు ఉంచాలి (v.4).
3. బలిని వధించాలి (వ. 5). యాజకుని పర్యవేక్షణలో చంపుట లేదా బలి జరుగుతుంది యాజకుడు బలి ప్రక్రియను చేయడు.
4. రక్తాన్ని సేకరించి బలిపీఠం మీద ప్రోక్షింపవలెను (v. 5b). యాజకులు ఇలా చేశారు. ఇది అంతా రక్తం గురించి, ఎందుకంటే రక్తం లేకుండా ప్రాయశ్చిత్తం లేదు.
5. నైవేద్యము లేదా దహనబలిని చర్మమును వలిచి ముక్కలుగా కోయడం (వ. 6). దేవుని యొక్క సన్నిధిని అనుభవించాలంటే నైవేద్యమున్న వాడు ఆ పని చేయవలసి ఉంటుంది.
6. యాజకులు అగ్నిని సిద్ధం చేశారు (v.7).
7. అప్పుడు వారు బలి అవయవములను అగ్నిపై అమర్చారు (వ.8).
8. నైవేద్యమును లేదా దాని లోపలి భాగాలను నీటితో కడుగుతారు (v. 9a). ప్రజలకు దిశానిర్దేశం మరియు ఏక దృష్టి అవసరం.
9. యాజకులు దానినంతయు దహింపవలెను (వ. 9 బి). అగ్ని ద్వారా శుద్ధి జరిగింది. ఇశ్రాయేలీయులు ఆయన సన్నిధిలో దేవునిని సమీపించుటకు చేయవలసినది ఇదే.

లేవీయకాండము 1:10: ఎద్దును (పైన చూడండి) సమర్పించడానికి ఉపయోగించే ఖచ్చితమైన ప్రక్రియనే గొర్రెలు లేదా మేకలను సమర్పించడానికి ఉపయోగించబడింది. ఆయనను ప్రేమించుటయు, ఒకడు తన్నువలె తన పోరుగువానిని ప్రేమించుటయు సర్వాంగ హోమములన్నిటికంటెను అధికమని ఆయనతో చెప్పెను (మార్కు 12:33). కానీ ఈ భాగాలన్నీ క్రీస్తు యొక్క పరిపూర్ణ ప్రాయశ్చిత్తాన్ని సూచించాయి.

లేవీయకాండము మొత్తమునకు ఒకే ఒక పదము ప్రాయశ్చిత్తము. ప్రాయశ్చిత్తం అనే పదం గురించి నేను మీకు శీఘ్ర నేపథ్యాన్ని అందించాలనుకుంటున్నాను:

ఇశ్రాయేలీయులు (జంతువు) తలపై చేయి ఉంచినప్పుడు, "అతని కోసం ప్రాయశ్చిత్తం చేయడానికి" (లేవీయకాండము 1:4) అతను అంగీకరించబడును.

ప్రాయశ్చిత్తం అంటే “కప్పడం.”

కానిస్టేబుల్ "ప్రాయశ్చిత్తం"⁵ యొక్క మూడు అర్థాలను వివరించాడు:

ప్రత్యామ్నాయం – అర్పించబడే వ్యక్తి స్థానంలో జంతువు బలిగా అర్పించబడింది. పరిపూర్ణ జంతువు యొక్క రక్తం అర్పించేవారి పాపానికి ప్రాయశ్చిత్తం చేసింది.

ఆరోపణ - దేవుడు ఇశ్రాయేలీయుల అపరాధాన్ని బదిలీ చేసి జంతువుపై ఉంచాడు (అర్పించే వ్యక్తి జంతువు తలపై తన చేతులు ఉంచినప్పుడు).

మరణం - ప్రాయశ్చిత్తం జరాగడానికి ఇది అవసరం. రక్తప్రోక్షణ ప్రాయశ్చిత్తం తెచ్చింది.

వారు దేవునికి ఆమోదయోగ్యంగా ఉండాలంటే ఈ మొత్తం ప్రక్రియ ద్వారా వెళ్ళవలసి ఉంటుంది.

లేవీయకాండము 2: భోజనం/ధాన్యం సమర్పణ.

లేవీయకాండము 3: సహవాసము/శాంతి నైవేద్యము.

ముగింపు

లేవియకాండమంతా మన ప్రాయశ్చిత్తమైన క్రీస్తును సూచిస్తుంది.